جيت إلك ولهان وعيونك دروب

البارت الثامن

جيت إلك ولهان وعيونك دروب

الكاتبة : عليا الناصر

البارت : ال 8

نصير : شافها لريم من الشباك من دخلت لأن كان يخابر وبس خلص إتصالة إجى للمطبخ وقاطعة لصگبان وبحده من شافه شلون ماسكها من إيدها لأن هو يدري بي وسخ وخبيث ومثل دروبه ها صگبان خبرتها عن اللي إتفقنا عليه وبعده عنها لريم وتقرب هو عليها وكان شارب وريحتة خايسة

صگبان : بضوجة لأن نصير قاطعة لا بعدني ما مخبرها هو چنت هستوني جاي أريد أحچي وياها وإنتَ فتت علينة وقاطعتنا

نصير : إي مو مشكلة أني أخبرها تراني مو غريب عنها لانها بنت عمتي وقريباً راح تصير مرتي وناظر ريم من فوگ ليجوى وهو يتمثل بملامحها ومفاتنها

ريم : كشرت من ريحتة ولعبت نفسها وبداخلها يا الله شگد حقير ونظرته شگد وسخة حسسني مصلخة وبلا ملابس لا وفوگاها شارب وجاي النگس وطبگت حواجبها وصاحت بي لنصير شنوو هاي شجاي تخربط إنتَ مرتيش هااا

نصير : أني خطبتچ من صكبان وكونه زوجها لأمچ لا أكثر ولا أقل وعود زعم مسؤول عنچ وهو وافق وباچر يجون أبوية وأمي حتى نحدد موعد العرس وتروحين تجيبين الجهاز لأني مستعجل وأريد أعرس بسرعة وتراني بعد ما أتحمل وتقرب عليها لريم وراد يلزگ بيها

ريم : دفعته بقوة من صدرة وبعدته عنها وصاحت بي ولك خبل إنتَ قررت بكيفك تتزوجني ومنو گالك أصلاً أني أقبل أتزوج بواحد زبالة مثلك وصگبان شنو من البين وافق ولا ما وافق أخر همي ولا يهمني رأيه لو بقدر ذرة صغيرونة ولو يجي مو هو ولو يجون كل عشيرتة محد اله كلمة علية لو يگدر يجبرني على شي أني ما أريدة وبالذات لو كان زواج

صگبان : صاح بيها إنچبي وتلصمي وغصباً ما عليچ وأدوسة لراسچ بالقندرة لو إعترضتي والله وطلعلچ لسان بنت جويري وهاي كله لأن تعينتي شفتيها لنفسچ عليه وإذا ناسيه منهو صگبان هسة أذكرچ بي زين