جيت إلك ولهان وعيونك دروب

البارت الثامن والستون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 68

ريم : إبتعدت عن عمر بعد ما فكها يا ساتر هاي شكو لا يكون جدو بي شي عمر لا يكون مات وعيونها دمعت وعدلت تشيرتها وشعرها

عمر : هذا صوت مِسك الله يستر وفتح الباب وركض

ريم : صاحت وراه لحظة عمر خاف ..

عمر : قاطعها بدون ما يگوف لا تجين ورايا ظلي هنا ما بية حيلچ يروح يصير بيچ شي إنتِ الثانيه وكمل ركضته لغرفة مِسك فتح الباب ودخل لأن يخاف لا يكون أحد غريب متسلل وداخل عليها لمِسك لو نفس اللي صار بشاهين وسارة من داهمو بيتهم فعلى هاي طلب منها لريم تبقى بمكانها وما تتحرك لحتى لا يصير بيها شي مثل مِسك لا سامح الله لو كان صاير بيها ومن شافها گاعدة بفراشها وتبچي وتصيح تقرب منها وهو مستغرب حالتها هذي گعد بصفها مِسك هدي شوي وناظريني حبيبتي لا تخافين هاي أني يمچ وما أعوفچ گولي شصاير وياچ ليش هيچي موتيها لروحچ بالعياط مِسك تسمعيني

مِسك : ناظرته وهي لساعها تشهگ وتبچي وبصوت مبحوح من كثر ما عيطت وجاهدت لحتى يطلع
عـ .. عـ .. مـمـ .. ررر خـ .. خـااا يـ.. فـة

عمر : تفاجىء من سمعها حچت وسمع صوتها لأول مرة بعد الحادث اللي صار لأهلهم بس ما بينلها لحتى ما ترجع تسكت وبلكي تستمر تحچي حبيبتي وأخيتي الصغيرة من شنو خايفة ماكو شي يخوف وهاي أني يمچ گولي من شنو خايفة وأخذها بحظه يله إحچيلي شنو اللي مخوفچ

مـسك : حـ .. حـ .. لـ .. لـ .. مـت بـ .. بـ كـاااااابوس
كــكــكــ .. لـلـ .. ششش يــ.. خـ .. ووووف

ريم : دخلت بهالاثناء وبالبداية ما ركزت من سمعتها تحچي خيرها شبيها منو وياها بعد ثواني إستوعبت ياالله مـِسك حچيتي ومن خزرها عمر وأشرلها تسكت وناظرها بنظرة بمعنى وليش جتي وراه وهو طلب منها تظل بغرفتها وما تطلع أسفة والله بس ما گدرت أبقى خفت عليها هوايه وتقربت عليهم

عمر : هز راسة ما راضي عليها وكمل مِسك إنتِ گلتيها كابوس يعني أضغاث أحلام وعمرها الأحلام ما تتحقق فلا تخافين يا روح وگلب أخوچ إنتِ ومن زادت دموعها زين خبريني بشنو حلمتِ يله حبيبتي گوليلي بشنو حلمتِ وهيچي إنرعبتي گولي حتى أساعدچ لا تشيلين بصدرچ يله حبيبتي إحچيلي مثل ما دايماً تحچيلي كل اللي يصير وياچ ومسح دموعها وباسها من جبينها

مِسك : ناظرته بتوهان بعدها وكأنها تتذكر وضغطت على نفسها لحتى يطلع صوتها وترجع تحچي كـكـ ..اان كـكـااا بـ .. ووو سسس كـلـ .. شششش ممُررر عـ .. عـ .. بببب كـكـ .. نـ ..نـ ت بووو سـ ..ط الناااار االلـ .. ي مممحححاااوووطتنيييي مننن كككككللللل الـجـ .. ووواااا نببـب وصصصااارت قررريــ .. يــ .. بببة ممنني حححتى لـسـ ععـ.. تني ههههنااا وأشرتله على كف إيدها اليمنى ووظظللليت أصصصرخ للماا إنبببحح صووتتتتي ووو ..