جيت إلك ولهان وعيونك دروب

البارت الخامس عشر

جيت إلك ولهان وعيونك دروب

الكاتبة : عليا الناصر

البارت : الـ 15

ريم : گعدت متأخرة ورى الساعة بالـ 10 الصبح ناطرت حواليها وزفرت بضوجة وهي تزيح الغطى من عليها بعد ما بدت تستوعب وضعها الجديد گامت غسلت وجها وغيرت ملابسها وناظرت بالبيت اللي كان فاضي إي أكيد أستاذ عمر طالع ما موجود أوي وأني شعليه بي وين يريد يروح خليه يروح ومِسك شي عادي لساعها معتكفة وزعلانة يا ربي اللي يسمعها يگول من صدوگ أخذته لأخوها منها وبعدته عنها يا حسرة بس لو تدري بالمخفي كان أكثر وحدة تعاطفت ويايا وما زعلت عليه وطلعت راحت لبيت جدها ودخلت ومن شافتهم لجدها وجدتها گاعدين لساعهم بالصالة إنحنت عليهم وبوستهم جدو شلونك اليوم خوما بعدك تعبان

شيخ حسين : لا بنيتي الحمدلله ولا تشغلين روحچ بية هذا أني ودومها صحتي على گدي المهم إنتِ شلونچ زينة وبالمبارك عليچ وعسى ربي يرزقچ بالذرية الصالحة ويسرلچ كل أمورچ

ريم : الله يبارك بيك وآمين يا رب وناظرت بجدتها ها بيبي شبيچ زعلانه لا يكون جدو مزعلچ

حميدة : لا جدچ يزعل الدنيا كلها ولا يزعلني وهاي صارلنه عمر سوى ما فد يوم گالي على عينچ حاجب وهذا أبو وضاح الغالي محد يجي لمواطي رجله بس أنة شايله بخاطري عليچ عجل إحنه عمر ليش زوجناه غير حتى يرتاح لنه سودة عليه دومة مشلوع گلبة من صغره وفوگاها إنتِ عايفته يطلع على ريگة وما مسويتله ريوگ وهو يا عيني صارلة شكمن يوم حاله ما يعجبني تعبان ووجهة أصفر وما ياكل زين شلون هان عليچ وخليتي يطلع بدون ما تسويله لگمة ترم عضيماتة وظليتي نايمة ها شلون هان عليچ

شيخ حسين : على كيفچ يا أم وضاح ويا بنيتنا ولا تنسين بعدها عروس جديدة وما بيها شي لو ظلت نايمة لنها تعبانه من العرس وهوسته

ريم : بيبي إن شاء الله ما يتكرر هالشي فلا تضوجين وتزعلين مني

حميدة : جده أنه غير ما أريد من البداية يصير بيناتكم جفا ويدخل إبليس بيناتكم رجلچ داري مثل رمش عينچ حتى لا تطلع عينه لبرى برى وشوفة عينچ عمامچ ونسوانهم شلون مكافشهم يومية وگابة بيناتهم للستار فما أريدكم تصيرون مثلهم