الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 79
شهم : من ألتفت وشافها لمرام واگفة يمه وتناظر بي وهي عاقدة حواجبها تمام عود بعدين أتصل عليك وسد الخط شبيچ رايده شي
مرام : هاي شكو وشبيه أحمد شصاير ويا
شهم : بحدة وإنتِ شكو ليش هلگد مهتمه وما صدگتي سمعتي بإسمة
مرام : شهم بالله عليك ودخيلك لا تبلش تعيد بنفس القوانة وإنتَ تدري كلش زين أحمد مثل أخوية وو ..
شهم : قاطعها وصاح بيها لا مو مثل أخوچ شجابة عليچ مصطفى بس اللي أخوچ ولا عبالچ نسيتها إلچ من إتصلتي بي وكت اللي ريم تصاوبت وكنا كلنا بالمستشفى لكني سكتت عنچ بمزاجي وعديتها إلچ لأن الوضع ما كان يسمح بس هسة إجى الوكت اللي أحاسبچ
مرام : تنهدت بقهر شتحاسبني شهم شسويت أني ما إتصلت بي لحتى أحچي ويا بالحب والغرام ونگعد ونتغازل ونتمعشگ وإنما إتصلت لحتى أسأله عن ريم بعد ما عجزنا نحصل واحد منكم ويرد على موبايله ويطمنه عليها لأن هنا كنا كلنا كلش قلقانين وتقربت عليه ومسكتة من ذراعة وبتوسل شهم بعيد عن كل شي إنتَ من داخلك مصدگ أني ممكن أفكر بأحمد وأحبه بنطاق غير عن نطاق الإخوة ومن ناظرها بجمود كملت زين هسة أني بنظرك وحدة تافهة ومو زينة وما تثق بية وأحمد هم ما تثق بي وهل من الممكن يطعنك بظهرك ويغدر بيك وهو يحط عينه عليه متأكد يگدر يسويها ما راح ألح زايد عليك وخلينة نسد السالفة وگولي شصاير ترى أگدر أتصل على ماما لو أمنة وهاي ماكو أسهل منها وهنه يخبرني
شهم : إتصلي وخلصيني شكو موگفتني تحقيق لعد ومن شاف فهد رجع عافها وراح عليه أبو الفهود مبروك ما جاك ويتربى بعزك وحظنة وباوسة
فهد : الله يبارك بيك ويوم إلك والله سوتها رهيفة وزرگتة عالسريع
شهم : إبتسم تك خد إي والله سوتها
فهد : عود صدوگ سوتها وأمي النوب ما تقبل تسمي
شهم : تگول إلا يجي فهد ويسمي
مرام : الله يساعدك ومبروك ما جاك خوية فهد ويتربى بعزك
فهد : تسلمين خوية والله يبارك بيچ ويوم إلچ وينها رهيفة
مرام : بغرفة خالة حميدة هي والجهال ودُرة وسارة
فهد : إي ما شاء الله كلهم مجتمعين بس ناقصهم ريم وما جتي مو
أنت تقرأ
جيت إلك ولهان وعيونك دروب
ChickLitتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
