جيت إلك ولهان وعيونك دروب

البارت التاسع والثلاثون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 39

شاهين : يابا دامك جيت فهمنه شنو هذا اللي سويتة وليش بعدين أمي شلون بيها لو درت وإحنة ما صدگنة صارلها فترة من هجدت تگوم بسوايتك هذي تخبلها بالزايد علينة من جديد

باسل : يابا يعني على حسب كلام شاهين الحچي اللي سمعناه صحيح

وضاح : إي صحيح وإگعدوا لا تظلون واگفين وخلني أفهمكم ليش هيچي سويت وشنو اللي صار وإنتَ عمرهم إگعد وياهم

شاهين : شنو اللي صار يابا وإحنة ما عدنا علم بي

وضاح : ليلى ما ظللها أحد وإنكسرت چثير ورى وفاتة لإبنها ومع هذا الناس ما عافوها بحالها ويجيبون ويحطون بسيرتها وشوهوهة لسمعتها بس مرة والله شنهو مصاحبتني وأنة ماخذها بلا زواج وأطب وأطلع بكيفي عليها وهذوله عيالها الله لا يوفقهم فوگ ما خذوه لأبنها وذبحوه وما راعوا بي صله الرحم النوب يريدون يجنون عليها وحاصرينها ويهددون بيها ويريدون يزوجونها لحماها الچبير بالگوة والله شنهو لن التنازل اللي سوته طلع مزور وحتى يحصلون باقي الورث اللي ظل وأخوها زيد على گد حاله ولازم يسافر هو وعايلته حتى يسويها لبنته عملية وليلى معاندة ما ترضى تروح والرجال حاير بيها وصار بين نارين نار بنته ونار أخته اللي متأكد ما يگدر يحميها لو ظلت هنا وظل وياها لنهم مهددينة يذبحونة هو وعايلته مثل ما ذبحوه لإبنها وأنة مستحيل أعوفهم وأتخلى عنهم وخاصةً ليلى عزيزة على گلبي حيل ومن زمان وشفت الحل الأنسب أتزوجها وأعقد عليها ومستحيل أخليها بهذاك بيتها لهذا قررت أجيبها هنا وأگعدها مؤقتاً بالمشتمل تبعك لما أبنيلها وبعدين أمكم تدري وموافقة وما عدها إعتراض وهي  اللي گالتلي لو تزوجت إتزوج بس لا تجيبها بيبتي وگعدها وحدها وبعدين أنة ما خايف من أحد وما أمشي بالخش والدس وكان المفروض أبلغكم قبلها بس الموضوع صار فجأة وبإستعجال وما خبرت غير منذر وأبوه وعمر لنه چان ويا منذر فدرى بعدين شاهين إنتَ على شنو ضايج شحال وإنتَ اللي گعدت وياه لجدك وقنعته بزواجي منها