جيت إلك ولهان وعيونك دروب

البارت الثالث والسبعون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الــ 73

رهف : اليوم أكو جماعة وجهم منور ويضوي ضوي وهاي كله لأن حبيب الگلب إجى وبات هنا مو بالله والبارحة الليل كله إنتِ بحظنه

غادة : طبعاً لعد شعبالچ ولأن بابا هم شويه تحسنت صحته وفديته حبيبي شعندي غيرة وعلى أساس إنتِ رهيفة محرومة من فهد وحظنه ولا كأنه إنتِ الليل والنهار من هو هنا لابده بحظنه وما تعوفينه منا لهنا بعد شكو غيرانه

رهف : ليش هو فهيدان ينعاف تراني أخاف يروح مني فعلى هاي ما أعوفه ووراه وراه ولا والله ما غيرانه منچ وبالعافية عليچ وإن شاء الله دومكم هيچي متصافين وأموركم ماشيه زين بس ترى أحمد زعل على فهد من وراچ ورزله الصبح قبل ما يطلعون يرحون على للمستشفى عمو يشوفونة

غادة : يستاهل فهد أني گتله بس قنعه وجيبه وهو الله يسلمه رايح ما مخلي عليه واخر شي ماخذ سيارته ومنزله بنص الشارع وفالت ويگول لو ما منذر يفوت بالصدفة ويرجعني كان بتت بالشارع

رهف : عاد فهد وسوالفه هو وين ينگدرله وأني والله مخلي جنيه براسي هلگد ما ينصب عليه ويصوغلي فلم وهناك من أصدگ وأهيج عليه ويشعلني بنار يضحك ويگولي بالخبله صدگتي تراني أكذب وأقشمر عليچ ماكو هيچي حچي ورن موبايلها رفضت الإتصال كلش مالي خلگچ هسة وكشرت ضايجة

غادة : شكو ضجتي خيرچ منو هاي اللي إتصلت بيچ

رهف : موج أختي وبزعتني بسوالفها التعبانه شوكت تتزوج وأخلص منها

غادة : ليش شبيها خطيه شمسويتلچ

رهف : تلح يعني إذا ما ماليه إيدچ منه لغياث لا تتزوجينه وتتورطين وياه

غادة : هي ليش متردده لا تكون عبالها غياث لساعة يحبچ

رهف : عزززززى غادة إستري عليه شيحب مني لا يحبني ولا أبد هو مثل أخويه لا تصيرين مثلها لموج ولا يسمعچ فهد شيخلصني والله راساً يذبحني ويروح النوب يذبحة لغياث

غادة : شبيچ ترى فهد يدري بي كان رايدچ قبل لا تتزوجينه وإنتِ رفضتيه لان رابي عدكم بالبيت وعادته مثل أخوچ وترى موج حقها باللي تسوي وهي شنو ذنبها تتزوجة وعدها شك من ناحيته إنو هو ما رايدها حتى لو كان إحتمال هالشك كلش قليل ترى صعب والله وبعدين شكو جبرتوها عليه وخربتوها لقسمتها وما نطيتوها لهذاك الدكتور اللي كان رايدها وهي رايدته