جيت إلك ولهان وعيونك دروب

البارت السادس والخمسون

كل عام وإنتو بخير وعيد أضحى مبارك وعساكم من عواده
الأربعاء
١٠/ ذو الحجة /١٤٤٤
28/6/2023

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 56

نور : خاااااااااااااالة إنتبهي وركض عليها لليلى اللي ضربتها السيارة من ورى على ظهرها بس همزين سحبها عالسريع وإلا كان چعصتها جعص

ليلى : وگعت بالگاع متوجعة صاحت نووور الأطفال بالسيارة الحگهم

نور : شنوووو يا أطفال هذولا ومن إلتفت ما حس غير عالسيارة واللي كانت سيارة فهد طلعت عالسريع ودعمت الأشجار بعدها ضربت الحايط وفلشته ووگفت خالة إنتِ زينة خوما صارلچ شي إنتِ واللي ببطنچ

ليلى : ما أدري .. ما أدري ومسكت بطنها متوجعة بس دخيلك شوفهم للأطفال بسرعة

باسل : طلع يركض هو ونجلة ودُرة وحميدة عالصوت مالت صيحة نور وووره صوت الدعمة لأن كان كلش قوي ولك نور شكو شصاير شنو إنغزينة شبيها أمي ليلى وناظر بنور مستفهم

نور : ناظر بيهن إنتبهن  عليها لأن الظاهر تأذت من الدعمة وركض عالسيارة وباسل وراه وفتح الباب وناظر بالداخل وهو متفاجىء لكم هاي شسويتوا نزلوا بسرعة يله خلي أشوفكم خاف بيكم شي نزلوا يله وسحبهم نزلهم لألماس وحسين وعلي

باسل : بس لا همه دعموها لأمي ليلى ومن نور هزله راسه مأكد لا يا سرسرية ولكم هاي شلون هيچي سويتوا هالدگة الناقصة هذي هااااا وكفخة لحسين على راسة وراد يرجع يضربة النوب

نور : دفعة وبعده لك شجاي تسوي ما تشوفهم شلون مخترعين ولا يكون متصاوبين من الدعمة أوگف راساً گمت تكفخ بيهم على كيفك تعالوا خوما بيكم شي وتفحصهم كلهم