جيت إلك ولهان وعيونك دروب

البارت الرابع والعشرون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 24

مياس : أخبرك بس بشرط وهو تطلگها لغادة

أحمد : ولي من وجهي لا أبتلي بيچ هسة لأن من صدوگ وصلت حدها وياچ وراد يروح

مياس : منعته وهي تحظنه بقوة أحمد لا تتركني أني أحبك .. أحبك ومستعدة أصرخ بعلو صوتي وأخبر الكل بهالشي وظلت تناظر وراه بتشفي

أحمد : إلتفت للمكان اللي كانت تناظر بي ومن شاف غادة واگفة بعدها بالقوة عنه ودفعها لزگها بالگاع وراح على غادة سحبها من إيدها وبحده تعالي ويايا

غادة : بحدة لا تلمسني وما راح أروح وياك لأي مكان وحاولت تسحب إيدها منه إتركني لا تلمسني

أحمد : گتلچ تعالي وما سمحلها تعترض بعد وكمل طريقة وهو يسحبها ويا لدخل بيتهم وصعدها گبل لغرفتهم وطبگ الباب بعد ما قفلة شوفي إذا مو هسة تخبرني بكل شي قسم بالله يا غادة ما أخليچ بعد تطلعين من هالغرفة ولا تشوفين لو تكلمين أي أحد

غادة : هو بقى بس الحبس إحبسني هنا حتى تكمل ويايا ولو ما راح أستغرب هالتصرف الهمجي منك

أحمد : گولي اللي تريدينه ما راح تگدرين تستفزيني وأني گلتچ اللي أريده وهذا أخر كلام عندي

غادة : أخر كلام عندك مو عندي وبغيرة واضحة وأگدر أفهم إنتَ شلون تتجرء وترجع ترتبط بعلاقة بمياس رغم كل شي لا وعايشين الدور وتاخذها بالأحظان بالحديقة ولا على بالكم من أحد يعني ما فكرت بيه وأني اللي على أساس مرتك وبعدني عروس  لهدرجة ما بيك صبر وما تگدر تضبط نفسك زين عوفك مني أصلاً إنتَ من يومك وأني ما تارسة عينك ودومك تستهزء بية وهالشي مو جديد عليك زين وشهم المسكين شنو ذنبه وهو يحبها لهاي السافلة مياس وعايش وياها معمي على عيونه وهي دومها نافرته وراكنته عالرف وكله بسببك لأنها عاشگتك من البداية وتحبك ولكم خافوا الله ياللي ما تستحون ولا تخجلون لا يروح يهطركم