الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 94
وحاط عينك عليها ورايدها إلك مع الأسف عليك لا وطلعت هيچي خاين للعشرة والصداقة
دفعة بحدة من صدره وصاح بي لك شجاي تگول أكيد لااااء وهاي لا تربيتي ولا أخلاقي لا تصير زعطوط وتمسلت من كيفك والظاهر كثر الضغط والتعب وقلة النوم أثرت عليك هوايه وخلتك تصير غبي وما تفكر بعقل على كلٍ أني أعوفك وأروح والظاهر لو بقيت مگابلك وگاعد ما راح تمسك أعصابك و تبقى تخربط بالحچي ونتخارب وأني ما أريد هالشي ورن موبايلة فتح الخط هلا بالسچاچة شعجب ذاكرتني اليوم مو إحنة عمي مو مستواچ كونة ما نعرف نسچ مثلچ ونصير مشهورين وإسمنه بالبحوث العلمية ينذكر على كل لسان شنو ترجعين ليش هااااه وناظر بي مو قصدي بس شمعنه هسة وبهالوقت هذا باالذات تمام لعد أنتظرچ بالمطار لا تعب ولا شي وهم نرجع مثل قبل وقت كنا نروح دورات وخصوصي وإمتحانات والله ما صارلنة هواي من رجعنه تقريباً قبل إسبوع أكيد ويايا وهيانا مگابلني وگاعد لا ما راح بعده ديري بالچ على روحچ وسلمي عالوياچ وسد الخط
كتف إيديه لصدره وسألة مبين عليها كلش مرتاحة والخطوة اللي خطتها ناسبتها بس هاي شنو ليش راح ترجع وبهالوقت هذا بالذات
مسح على شعره بإيده تگول عدها إجازة وحبت تقضيها هنا والظاهر مثلنه ومبينه ما عدها أي فكرة عن اللي صاير
رد عليه وهو يرحع يجمع بالتقارير اللي كانت گدامه عالمكتب حتى لو عدها صدگني ما راح تهتم وبعدين كل عقلك هي ما تدري شجاي يصير هنا وما خبروها
ضم موبايله بجيبة ما أعرف بعد بس عن جد توقيت جيتها كلش غلط وإن شاء الله بس هذاك الخبل ما يعرف ويتصرگع ويفركش كل شي
أخذ سترتة لبساها حتى عمي ينحره لو سواها
ناظرة بعين صغيرة وهو ما عاجبه كلامه چان سواها وياك خو إنتَ حارگ گلوبهم ومرمرهم وعلى فكرة إحنة لازم نروح لهناك ونحضر يعني مالك بعد كل مهرب ومضطر تشوفهم وتواجههم
ضم التقارير ليش ما جاي تفهمني ترى الموضوع مو مثل ما إنتَ والبقية متصورينة وأني لازم ألگالها حل جذري لعد على شنو درست وتعبت ورحت تغربت وسافرت لحتى أطور مهاراتي وتالي أعز إنسانة عندي أخذلها وما أگدر أساعدها هالشي صعب حيل وتقبله بالنسبة إليه بعد أصعب وأعرف إجى وقت المواجهة الحتمية بس عن جد بعدي ما عندي كل طاقة خاصةً وإني رايحلهم إيد لورى وإيد ليگدام وما عندي أي وسيلة لحتى أرفع معنوياتها وأريحها بس مجبور لأن خلاص بعد ماكو أي مهرب
أنت تقرأ
جيت إلك ولهان وعيونك دروب
Chick-Litتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
