الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 95
دُرة : بعد ما إستوعبت وضعها وطلعت من صفنتها بحده خيييير ليش رجعت هسة كان بقيت هناك شكو راجع
نور : تجاهل كلامها هلو دُرة شلونچ صحتچ شخبارچ
دُرة : شاطت من داخلها ولو شوية تهجم عليه وتملخة بسنونها وعلى أساس شگد هامتك أخباري لو صحتي
نور : أكيد تهمني وو ..
دُرة : قاطعته كذااااااااب لو فعلاً أهمك ما عفتني معلگة كل هالسنين وما سألت عليه ولا عبرتني بحتى لو بمسج صغير
نور : تراني ما رحت أتونس سافرت لحتى أدرس وأتخصص وأساعدها لريم
دُرة : إي بالعافية عليك وإن شاء الله حققت حلمك وتخصصت باللي تريدة تمام وأني وين من كل هذا لك إنتَ أكبر أناني شفته بحياتي وما يهمك بس نفسك وكافي تكذب وتطلع حجج واهية وتدخلها لريم بالنص لأن هي المسكينة لساعها على حالها وماكو كل تطور بوضعها وإنتَ لا ساعدتها ولا أبد فلا تبرر لأن عذرك أقبح من ذنبك 10 سنين لا سنة ولا إثنين غبت 10 سنين وما فكرت بيه وهسة بكل برود جاي تگولي شلونچ لك على الأقل گول هاي قبل ما تكون خطيبتي بنت عمي وراجعة إلية ما أجرحها هيچي وأجور عليها وأني أدري بيك من خطبتني ما تريدني وإنما من ورى أسامة الحقير وخلف الله عليك بس ليش أصريت تصير هالخطوبة رسمية وتعقد عليه وعلى أساس من أنجح من السادس تتزوجني ووراها شسويت إنتَ عفتني وشردت وخليتني مضحكة والناس كلها تجيب بسيرتي على إبن عمها شوف ششاف عليها وعافها لو راح هناك وشافله وحدة بالخارج وحبها وأخذها وعافج وأشكال حچي أسمع وكله يگدر ويكسر بخاطري وكله من وراك لك أني وصلت بيه گمت أخاف أطلع من البيت وأواجه الناس لو أشوفهم حتى ما يغثوني إنتَ مو بس كسرت گلبي إلا حطمتني وحطمت نفسيتي ما تريدني ليش خليتني معلگة هيچي إعتقني لوجه الله وعادي سنة لو 2 لو 3 بالهواية كان نسيت وحتى الناس يلگلوهم سالفة جديدة وبعد ما يحچون عليه ويأذوني بس ما أگول غير روح يا نور وكون حوبتي ما تتعداك والله لا يو ..
شاهين : قاطعها بحده دُرررررررة ووجع ولچ شجاي تسوين إنتِ ومسكها من متنها وهزها بقوة تخبلتي ولچ هااااه تخبلتي گولي ما تستحين واگفة وتردحين وصوتچ شعلوة ومن شوكت إنتِ صايرة صلفة هيچي ومن رادت تحچي ما نطاها مجال إششششش ولا كلمة زيادة وإمشي ولي منا لبيت أبوچ ولا تشوفيني خلقتچ ومن راحت تشهگ وتبچي ناظر بنور ومصطفى وهو مثگل وجه الحمدلله على السلامة
أنت تقرأ
جيت إلك ولهان وعيونك دروب
Literatura Femininaتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
