الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 99
سارة : ييممممة بنتيييي شبيها ألووووو .. ألووووو
ياقوت شاه شبيها إحچي ولچ لا تعليلي گلبي ألوووو دخيلك يا ربي إلا بنتي وسدت الخط وإتصلت على ريم رن .. ورن ما ردت عليها رجعت إتصلت على شاهين ونجلة ورهف وألماس ووضاح وباسل وبطلال أخوها وأمها ومحد رد عليها والله راح أتخبل ليش ما جاي يردون عليه شصاير وشبيها شاه وهاي عود أني وصيت ريم عليها وأمنتها عليها سودة بوجهي .. سودة بوجهي ولطمت على وجهة والله لو صارلها شي أطگ وأموت وين أروح ووين أولي وأنطي وجهي هسة وظلت تاكل بروحها وما تحملت راساً ضغطها صعد وخشمها طگ دم وتخربطت ووگعت من طولها غميانه
مروة : بهالأثناء جتي عليهم لأن شاهين طلب من منذر من شافه رجع للبيت هو ومرته وبناته بعد ما زهراء تعبت كونها ما تتحمل الهوسة وسنا هم مالها خلگ وصخنت يوديهن على سارة ويبقن يمها لما يرجعون لأن يدري بيها تخاف وما تگدر تبقى بوحدها بالبيت فجتي حتى تنطيها خبر بجيتهن خالة سارة وينچ خاااالة بس لا راحت للعرس وإحنة عود جينه عليها نشوفها خالة سارة خاااااااالة ودخلت جوى من شافت الباب مفتوح خلي أشوفها بالمطبخ ومن شافتها متمددة بالگاع وغميانه شهگت خايفة خاصةً من شافت الدم طالع من خشمها عافتها وطلعت تركض ورجعت وتصيح باااااابا مااااااااما خالة سارة ماتتت
منذر : اللي كان واگف يم سيارته جاي يدخن ذب الچگارة من إيده وصاح بيها شنو ماتت بابا على كيفچ هدي
زهراء : هم نزلت من السيارة عزى شبيها سارة
مروة : ماتت
زهراء : شنووو يمه إسم الله عليها لا شنو ماتت
مروة : والله ماتت وهذيج هي واگعة بالصالة ما تتحرك وحتى خشمها طاگ دم
منذر : زهرة دروحي شوفيها بالعجل وشوفي شصاير وياها عجلي بسرعة
زهراء : اي رايحة مروة ظلي هنا إنتِ يم بابا وأخواتچ لا تلحگيني وراحت على سارة دخلت ومن شافتها واگعة ركعت بصفها وهزتها من كتفها سارة .. سارة تسمعيني سارة وتحسست نبضها هاي يمكنها ضغطها صاعد وغميانه وراحت للمطبخ وجابت مي وذبت على وجهة سارة .. سارة وضربتها على خدودها ومن فتحت عيونها بتعب وگامت تون طلعت على منذر لازم ناخذها للمستشفى ضغطها صاعد وغميانه لا تروح تموت لا سامح الله
منذر : دإستريها وطلعيها عالسريع بس ديري بالچ على اللي ببطنچ وراح أقرب السيارة بعد حتى راساً تصعدنها
أنت تقرأ
جيت إلك ولهان وعيونك دروب
Chick-Litتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
