جيت إلك ولهان وعيونك دروب

البارت السادس والأربعون

عـيـد رمضان سعيد وعساكم من عـواده
وكل عام وإنتو بخير

١٤٤٤/ رمـضـان ٢٩

20/4/2023

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 46

مرام : حست صاير شي من تغير ملامح وجه أبوها ورى ما إجاه الإتصال وگلبها علمها بشي مو زين وبداخلها يا خوفي ما يكون اللي بالي فسكتت ما علقت وورى ما رحوا فراس وأهلة وودعوهم بعد ما إتفقوا على كل شي يخص المهر والعرس وشفاء راحت تصلي ما تحملت بعد بابا شصاير ومنو هذا اللي إتصل عليك وعكرلك مزاجك

فيصل : ناظر بيها بحسرة وهو يتنهد بقهر واضح شهم

مرام : رغم عرفت شيريد شهم لكنها حبت تتغابى ويمكن رادت تغشم نفسها وتكذب إحساسها بالخيبة والخذلان اللي سبق وحكم بيهن عليها شهم إي وشراد منك يعني أكيد شي مو موزين وإتصل يسأل عن أحوالك ويتطمن عليك مو

فيصل : شهم من هالناحية ما يقصر ودومه يتصل عليه ويتواصل ويايا وأبد ما قطعها لعلاقتة بية وحتى يستشيرني دايماً رغم كل اللي صار لكني حسيته هالمرة أوضاعة مو تمام وأكو شي راد يگوله إلية بس من عرفني مشغول ويمي خطار ما حب يخبرني بي شهم إنكسر هواية بسبب أختچ الله لا يسامحها لا دنيا ولا أخرة جنت عليه وخربتله كل حياته وخلته يرجع أسفل السافلين

مرام : حست بإمتعاض لأنها أدركت الخلفية من ورى هالإتصال هذا بابا الميت ما تجوز عليه غير بس الرحمة الله يرحمها ودخيلك لا تظل تدعي بعد عليها لأنها أخذت جزائها وزيادة وهو لساعة بداية شبابة ويگدر يعيد ترتيب حياتة من جديد ودامه على تواصل وياك ليش ما تحاچي يسمحلنا نشوفهم للولد ويجونه لهنا والله گلبي طاگ عليهم وعلى شوفتهم