جيت إلك ولهان وعيونك دروب
الكاتبة : عليا الناصر
البارت : ال 9
شهم : يابا الله يرضى عليك ليش ما تقبل نوديك للطبيب زين على الأقل لخاطرها لغادة شوفها شلون موتت نفسها من البچي من خوفها عليك
شيخ حسين : بصوت تعبان ما بية شي وخلوني لو متت أموت بيتي مرتاح وبلاها غثة الأطباء والمستشفيات وإنتِ غادة بنيتي گوي نفسچ ولا تظلين رچيچة هيچي إنتِ مؤمنة ولازم يكون عندچ صبر وجلد والأعمار بيد الله وكلنا نموت وما يدوم غير بس رب العباد
حميدة : يا أبو وضاح والنعم بالله بس تراك عزيز وغالي عدنا وما تهون علينة نشوفك متوجع ونظل ساكتين عنك
شيخ حسين : خلاص يا أم وضاح ما ظل من العمر أكثر من اللي راح وضاح طلعهم منا وعوفوني أرتاح لا تظلون تگرگون فوگ راسي
وضاح : صار يابا صار مثل ما تريد وناظر بأمة وأخوانة اللي إمتثلوا للأمر وطلعوا بدون ما يحچون شي قرب من أبوه ومسك إيدة هااا يابا أطلع أني هم وأخليك ترتاح
شيخ حسين : لا ظل لا تطلع وشد على إيده وضاح يابا أخوك فاروق بأخر أيامة إنتَ هم شفته وحچيت وياه خبرني تراني أدري بيك إنتَ وأختك أم عمر الله يرحمها ما گطعتوا علاقتكم بي
وضاح : تنهد بتعب يابا شنو اللي تريده إنتَ تريد بنيتة ووليدة يجون لهنا وتشوفهم
شيخ حسين : بحده لااا ما أريدهم سألتك جاوب على گد سؤالي لا تطلعلي بغير سوالف
وضاح : والله يا يابا مع الأسف قبل 2 سنة من وفاتة إنگطعت أخبارة عني وما شفتة لنه حتى عنوانه مغيرة وبعدها من رديت من السفر ما دريت غير وهو متوفي ووفاتة صارت قبل أشهر من رجعتي من السفر
شيخ حسين : زين حالتة المادية شلون چانت من چنتوا تزورونه تعبانة لو ميسورة
وضاح : والله چانت ميسورة حيل وعال العال وحتى چان عنده مشاريع مالت أراضي وعقارات بيع وشرى يشتغل بيها ومو تدري بي ذكي وسبع ولو يلزم التراب يصير ذهب
شيخ حسين : لعد شنهو اللي صار وخلاه يفلس فجأة ويخسر كل شي ويبع بيتة ويروح بغير مكان والنوب بعد وفاته مرته تروح تتزوج لن أخوها ما عنده يصرف عليها وعلى خلفتها
أنت تقرأ
جيت إلك ولهان وعيونك دروب
ChickLitتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
