جيت إلك ولهان وعيونك دروب

البارت السابع والثمانون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الــ 87

عمر : سحب نور راساً وخلاه وراه وصاح بي بحدة شرايد ولك

صگبان : ههههه ضحكتني والله يعني معقولة ما تدري شأريد منكم إنتو الإثنين يعني صدگ لا گالو من واحد يدور على شي بالسما ويلاگيه بالگاع وهذا أنه ردت ألگطكم إنتَ وهذا نوري واحد ورى واحد بس شوف حظي شلون گاعد وهاي إثنينكم لگفتكم سوى وهم حتى ماكو داعي أتعب نفسي وأبقى أدور عليكم وأركض وراكم وبقت بس ريمه لو جاية چان صارت الأمور فله ورغم أنه خابرتها وگتلها باللي راح يصير بس الظاهر عبالها أتشاقى وياها يله أرجع أخبرها النوب وأخليها تصدگ بطريقتي

عمر : تنطم وتاكل مية نعال ولا تجيب سيرتها لمرتي على لسانك الوسخ وقسم بالله لو تعرضتلها سواء هي أو نور  أخليك تشتهي الموت وما تلاگيه فاهم بعدين شلون تتجرىء وتتصل عليها وهاي من شوكت إنتَ جيت لهنا وليش

نور : معناها أني من شفتك قبل يومين يم الصيدلية ما چنت غلطان وإنتَ صارلك فترة هنا وريم تدري بيك مو ومن ضحك صگبان بخباثة صاح بي گول شرايد يا عار الزلم هاي إحنة گدامك وعلى شنو تتصل بأختي شتريد منها إنتَ

صگبان : ولساعة يضحك على كيفچ يا حلوة لا تطگين وصاح بنور وولللككك گـ .. لا عبالك من دچچت السچينه ببطني ونومتها بكرشي بعد ما أخذتني غدر صرت رجال براسي تراني لساعني صگبان وإنتَ تعرف منهو هو صگبان وشنو يگدر يسوي بيك وبأختك وعبالكم من جيتو لهنا وتحاميتو بيت جدك الشيخ راح ترتاحون وتخلصون من شري لا هاي بعيده عن خشومكم وإذا عفتكم طول هذيچ الفترة اللي مضت وما سألت عنكم فلني إنشغلت وبقيت لما رتبت أموري زين وتفرغتلكم ورجعت عليكم وهسة  ريمه بعد الزواج أكيد صايرة تطگ بالگاع وو ..

عمر : قاطعة گتلك إنطم ولا تجيب بسيرتها وإلا ..

صگبان : هالمرة قاطعة وإلا شنهو شتسويلي بالله تطهرني إيدك وما تعطي وهاي لو ظللك بعد عمر تعيشة بعد هالساعة هذي ومن صدگ راح تكسر گلبي ريم لنها راح تترمل وهي بعدها شابه وتلبس أسود ولو أنة ما أخليها تلبس الأسود لني ما أحبه وأخليها غصباً ما عليها تلبس أحمر ونبقى ندگ ونرگص أنه وياها من زود فرحتي وأنه أشفي غليلي منك يا عمر كونك خذيتها لريم مني ولو تدري بس شكثر حاقد عليك بگلبي وأريدك تموت وتنگبر اليوم گبل باچر لنك حصلت من ريم كل اللي أنه سنين أتمناه وأريده منها وما گدرت أحصله يول أنه من يوم اللي خذيت أمها وعيني منها وسنين ومتانيها جدام عيني وهي تكبر وتفور فور وأنه گلبي يتگطع تگطع لني كل ذرة بجسمي تريدها وترغبها وتشتهيها وتالي ما تالي تجي عالحاضر حضرتك وتاخذها وتشبع بيها وتريدني أسكت وأعوفك