جيت إلك ولهان وعيونك دروب

البارت الثامن والأربعون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 48

حجي منصور : اللي إجى من برى قاطعة حي الله شاهين شلونك عمو شلون صحتك الأهل شلونهم طمنا عنهم عساكم كلكم بخير إن شاء الله

شاهين : الله يحييك عمي ويبقيك الحمدلله كلنا بخير إنتَ شلونك شخبارك

حجي منصور : الحمدلله من الله بخير ليش واگف عمو بالباب ليش هو إنتَ غريب بابا سارة شلون توگفينه لخطيبچ عالباب هي هاي هم سواية تعال .. تعال إدخل وإحسبها عليه

شاهين : لا عمي عادي ما صار شي وأصلاً توني إجيت هاي گدامك وناظر بسارة اللي دارت وجهة عن أبوها ومسحت دموعها

حجي منصور : ميخالف وليدي وإحسب حسابك ترى غداك اليوم يمنا

شاهين : لا عمي والله مستعجل وما عندي مجال وهم لازم أرجع لأهلنا

حجي منصور : أدري وراك طريق بس ما ترهم توصل لعدنا وما تتغدى ويانا وبعدين ترانا مشتاگين لشوفتك يا عمي وخلينه نكسبك بهالغدى هذا ودخله جوى للإستقبال

طلال : دخل شايل رماح إبنه حي الله نسيبنا شلونك شخبارك شهالغيبة هذي يا معود بس لا نسيتنا وسالمه لشاهين وتباوس هو ويا

شاهين : الله يحييك والله مشغول ومثل ما تدرون چنت مسافر وقبل 2 يوم يله رجعنه وهاي شوفة عينك وإعذرنا يا أبو رماح من التقصير وباوسه هو ورماح

طلال : لا يا معود تقصيريش ترى جاي أتشاقى وياك وإحنة كلش مقدرين ظروفكم شلون صار عمر سمعت من نور مريض وسافرتوا عليه

شاهين : لا الحمدلله شويه وضعة أحسن وبقت يم الله يتولاه برحمته

حجي منصور : والنعم بالله والله ما يستاهل خوش ولد وأدمي وريم هم والله يعينها على هالصدمات هذني اللي جاي تجيها وحده ورى وحده

طلال : ريم مؤمنة وصابرة والله يجازيها على گد صبرها

نعمة : هلا خاله شلونك صحتك الأهل شلونهم

شاهين : هلا بيچ الحمدلله كلهم بخير إنتِ شلونچ صحتچ

نعمة : والله يا خالة من ورى هالخباطات والمشاكل كل حيل وصحة ما ظلت بس شنسوي ما نگول غير الحمدلله