"ရော့....နောက်၂ရက်နေရင် ပေကျင်းကို ပြန်တော့....."
ချပေးလာတဲ့ လေယာဉ်လက်မှတ်နဲ့အတူ ထွက်လာတဲ့ ရိပေါ်စကားသံကြောင့် leoဖုန်းကြည့်နေရာမှ မော့ကြည့်လိုက်မိသည်။
"မင်းပြန်ဖို့အတွက် ငါအကုန်စီစဉ်ထားပြီးပြီ...."
"ကိုကို...."
"ငါ မားမားကိုလဲ ပြောပြထားပြီးပြီ....ဟိုမှာ မာမားကစီစဥ်စရာ ရှိတာတွေ စီစဉ်ထားနှင့်လိမ့်မယ်....."
ဟင်...ဘာတွေလဲ။ကိုကိုဘာတွေပြောနေတာလဲ။အဆက်စပ်မရှိစွာပြောနေသောရိပေါ်စကားတွေ နားထောင်နေရတဲ့ leoမှာ ဘာတခုမှ နားမလည်နိုင်အောင်ဖြစ်ရသည်မို့
"ဘာပြောထားလို့ မာမားက ဘာစီစဉ်မှာလဲဟင် ကိုကို...ငယ်လေး နားမလည်တော့ဘူး...."
မျက်နှာငယ်လေးနဲ့ သူ့ကိုကြည့်ကာ မေးလာတဲ့ leoကြောင့် ရိပေါ် သက်ပြင်းရှိုက်ရင်း
"ဟိုရက်က အန်ကယ်လ်လုက မင်းကို သဘောကျလို့တဲ့ သူ့သမီးနဲ့ပေးစားချင်တယ်ဆိုပြီး ငါ့ကိုကမ်းလှမ်းထားတယ်....ဒီကပြန်ပြီး ဟိုမှာအေးအေး ဆေးဆေးနေပါ....ဒီဇင်ဘာကျောင်းပိတ်ရက် ငါပြန်လာတဲ့ အချိန်ကြရင် မင်းနဲ့ အန်ကယ်လ်လုရဲ့ သမီးတို့ မင်္ဂလာပွဲကို မားမားကစီစဥ်ပေးလိမ့်မယ်...."
သူပြောချင်ရာ သူဖြစ်ချင်ရာတွေသာ အပိုအလိုမရှိပြောသွားတဲ့ ရိပေါ်အား leoမမြင်ဖူးသူတယောက်လိုသာ စိုက်ကြည့်နေမိကာ နှလုံးသားထဲက ပူလောင်ခြင်းတွေဆိုတာက ပြင်းပြင်းပြပြ။
"ဘာလို့လဲ....ဘာလို့အဲ့လိုတွေ လုပ်ရတာလဲ....ငယ်လေးမယူဘူး...ငယ်လေးတောင်းပန်ပါတယ် ကိုကိုရယ်.....အဲ့လိုတွေမလုပ်ပါနဲ့နော်...."
မျက်ရည်လည်ရွဲနဲ့ ရိပေါ်လက်ကိုဆုပ်ကိုင်ကာ တောင်းပန်းစကားဆိုလာတဲ့ leoကြောင့် ပုံမှန်ထပ် ရိပေါ်မျက်နှာထားကိုပိုတင်းထားလိုက်မိသည်။ဒီကလေးမျက်ရည်တွေ မြင်ရတိုင်း ပျော့ညံ့သွားချင်တဲ့ မိမိစိတ်ကို ကြိုးစားအားတင်းကာ
"ငါအပိုတွေ မကြားချင်ဘူး leo....အကြီးလုပ်တဲ့သူက မသင့်တော်လို့တားနေတာ....မင်းလုပ်ရမှာက ငါတို့စီစဉ်တာကို ခေါင်းငြိမ့်နာခံဖို့ဘဲ....လက်ထပ်ပွဲအတွက်သာ အာရုံစိုက်ထား....."
ESTÁS LEYENDO
ရင်ခွင်ရိပ်သို့ အလွမ်း(ရင္ခြင္ရိပ္သို႔ အလြမ္း)
Fanfictionကမ်းလင့်လို့ မမှီနိုင်တဲ့ တွဲလက်တစ်စုံဖြစ်ခဲ့ပေမဲ့ မင်းကိုသိပ်ချစ်ခဲ့တာပါ ပူတူးရယ်။ (ကမ္းလင့္လို႔ မမွီနိုင္တဲ့ တြဲလက္တစ္စုံျဖစ္ခဲ့ေပမဲ့ မင္းကိုသိပ္ခ်စ္ခဲ့တာပါ ပူတူးရယ္။) မထင်မှတ်ထားအောင်ထိ ဝေးကွာခဲ့ပေမဲ့ ကျနော့်စိတ်နှလုံးသားမှာ ခင်ဗျားဘဲအမြဲတမ်းရှိ...
