My.......... (ကျွန်တော့်ရဲ့.........) (U&Z) Completed

Part 11 (U&Z)

(Unicode)

*စာချုပ်ရပါပြီ မယ်မယ်ကြီး...သူတို့ဘက်က အချက် နှစ်ချက် ထပ်တိုး လိုက်ပါတယ်...

ကုန်သွယ်ရေး အမတ်က လော့ချိုင်မယ်မယ်ကြီးကို လျှောက်တင်လိုက်သည်။

*ဘာများလဲ အမတ်ကြီး...

*အချိန် အပိုင်းအခြား တခုရယ်...အဲ့အချိန်အတွင်းမှာ သူတို့ ပြောတဲ့ အရေအတွက် မပြည့်မီရင်...လျှော်ကြေး ပြန်ပေးရမယ် ဆိုတာတွေပါ...မယ်မယ်ကြီး...

*လျှော်ကြေး...

ကုန်သွယ်ရေးအမတ်ရဲ့ စကားကြောင့် လော့ချိုင်မယ်မယ်ကြီးက အနည်းငယ် တွေဝေသွားရသည်။

*ဟုတ်ပါတယ် မယ်မယ်ကြီး...

*အရင်က ဒါမျိုး မတွေ့ဘူးပါလား...ဒါနဲ့ လျှော်ကြေးက ဘယ်လောက်လို့ သတ်မှတ်လိုက်သလဲ...

*တင်ပို့မယ့် တန်ဖိုးရဲ့ ၂ ဆပါ...မယ်မယ်ကြီး...

*အင်းးး...မောင်မင်းတို့ လုံလောက်အောင် စုဆောင်းနိုင်ခဲ့ရဲ့လား...

*စုဆောင်း ပြီးပါပြီ မယ်မယ်ကြီး...

*စျေးကရော...

*ဂျင်ဆင်း တခုကို ငွေ ၁၀ စ နဲ့ အခု ၅၀၀၀ ပါ မယ်မယ်ကြီး...

*ကောင်းပြီ...သဘောတူလိုက်...

လော့ချိုင်မယ်မယ်ကြီး က သဘောတူလိုက်သည်။

*မယ်မယ်ကြီး...ဒါက မနက်ဖြန်မှာ တင်ပြမယ့် သဘောတူ စာချုပ်ပါ...ဒီတခုက တကယ် တင်ပို့မယ့် စာချုပ်ပါ...
မယ်မယ်ကြီး...ဒီတခုမှာ တံဆိပ် ဘယ်လို နှိပ်ရမလဲ...

ကုန်သွယ်ရေးအမတ်က တကယ် တင်ပို့မယ့် စာချုပ်ကို ပြပြီး မေးလိုက်သည်။

*စိတ်မပူနဲ့...ငါ ဆီထားခဲ့...ငါ ယူပြီး နှိပ်ပေးမယ်...

*ကောင်းပါပြီ မယ်မယ်ကြီး...

ကုန်သွယ်ရေး အမတ်က အရိုအသေပေးကာ လော့ချိုင်မယ်မယ်ကြီး နန်းဆောင်မှ ပြန်ထွက်သွားလေသည်။ လော့ချိုင်မယ်မယ်ကြီးက ကျေနပ်စွာ ပြုံးလိုက်သည်။

ဒါက သူမ စီစဥ်ထားတဲ့ အရာ မဟုတ်ပါလား။ နိုင်ငံငယ်တွေကို သိမ်းယူဖို့ နောက်ထပ် ခြေလှမ်း တခုလေ။ ထင်ထင်မြင်မြင် စစ်တိုက်ပြီး နယ်ပယ်ချဲ့ထွင်မယ် ပြောရင် တခြားနိုင်ငံတွေက သတိထားမိ နေမှာပေါ့။