My.......... (ကျွန်တော့်ရဲ့.........) (U&Z) Completed

Part 17 (U&Z)

(Unicode)

*အား...ကျွတ်...ကျွတ်...
ခေါင်းကိုက်လိုက်တာနော်...

နေ့လည်ခင်းကတည်းက မူးမူးနဲ့ အိပ်​ပျော်သွားတဲ့ ရှောင်းကျန့်က ညသန်းခေါင်မှာ နိုးလာခဲ့သည်။ ဆာလောင်လာတဲ့ ဝမ်းဗိုက်ကို ပွတ်ရင်း ကိုက်နေတဲ့ခေါင်းကို ခပ်ဖွဖွ ထုလိုက်သည်။

*တော်တော့...အရမ်းထုရင် နာသွားမယ်...အဲ့လို မလုပ်နဲ့...

*ဟင်...

ခေါင်းကို ထုနေတဲ့ လက်အား လာဆွဲတဲ့ လက်တစုံကြောင့် ရှောင်းကျန့်က စူပုတ်ပုတ်နဲ့ လှည့်ကြည့်သည်။ မိမိကို ကြင်ကြင်နာနာ ကြည့်ရင်း နားထင် နှစ်ဘက်ကို ခပ်ဖွဖွ နှိပ်ပေးနေတဲ့ ဝမ်ရိပေါ်ကို တွေ့လိုက်ရသည်။

*မင်း မအိပ်သေးဘူးလား...

*ဟင့်အင်း...
လာ...ဒီမှာ လှဲ...

သူ ပေါင်ပေါ် ဆွဲလှဲပြီး ခပ်ဖွဖွနှိပ်ပေးနေတာကြောင့် ရှောင်းကျန့် ငြိမ်နေလိုက်သည်။

ဂွီ...

*ဗိုက်ဆာနေတာလား...

*အင်း...

ရယ်ကျဲကျဲနဲ့ မေးတဲ့ ဝမ်ရိပေါ်ကို ရှောင်းကျန့်က မျက်စောင်း ထိုးရင်း ဗိုက်ကို ဖိထားလိုက်သည်။

*ယဲ့ကုန်းကုန်း ဆန်ပြုတ်ယူလာခဲ့...

*ကောင်းပါပြီ မင်းကြီး...

*ပြောပါအုံး...နေ့လည်က ဘယ်လောက်တောင် သောက်လိုက်လို့...ဒီလောက် မူးပြဲနေရတာလဲ...

*သုံးခွက်...

ဝမ်ရိပေါ်  ပေါင်ပေါ်မှာ ပက်လက်အိပ်ရင်း လက် သုံးချောင်းထောင်ပြနေတဲ့ ရှောင်းကျန့်ရဲ့ ဂုဏ်ယူနေပုံက အူယားစရာအတိ။

*သုံးခွက် တောင်...

*အင်း...

*​ေဩာ်...အဲ့လောက်အများကြီး သောက်ပြီး မူးတယ်ပေါ့...

*အရက်သောက်တာပဲ...မူးမှာပေါ့...

ရှောင်းကျန့် စကားကြောင့် ဝမ်ရိပေါ်က သဘောကျစွာ ရယ်သည်။

*ဘာရယ်တာလဲ...

*ဘာမှ မဟုတ်ပါဘူး...နောက်ဆို အဲ့လောက် အများကြီး မသောက်နဲ့နော်...လိမ္မာတယ်...