My.......... (ကျွန်တော့်ရဲ့.........) (U&Z) Completed

Part 5 (U&Z)

(Unicode)

*ဘာ...ဘာပြောတယ် ရှောင်းလူကြီးမင်း...

မင်းကြီးကောင်းချန်က အံ့ဩကြီးစွာ အော်မိတော့သည်။ ထို့နောက် ရှောင်းလူကြီးမင်းကို မယုံကြည်နိုင်သလို ကြည့်နေလေသည်။

*မှန်ပါတယ် မင်းကြီး...
ကျွန်တော်တို့ ရှောင်းလေးကို...ကျုံးကျင်းဘုရင်နဲ့ လက်ဆက်ဖို့...သဘောတူပါတယ်...

*ဘာလို့လဲ...ဘာလို့ သဘောတူရတာလဲ...ကိုယ်တော့်ကိုကျ မျိုးရိုးတခုလုံးရဲ့ အသက်တွေ ရင်းပြီး ငြင်းခဲ့ကြတယ် မဟုတ်လား...အခု ကျုံးကျင်းဘုရင်ကျမှ...ဘာလို့လဲ...ဘာလို့လဲ...

မင်းကြီးကောင်းချန်က ဒေါသတကြီး အော်ဟစ်လိုက်သည်။ ​ေရှာင်းလူကြီးမင်းက သက်ပြင်းချသည်။

*ဟင်းးး...တကယ်တော့ မင်းကြီးကိုမှ ငြင်းချင်တာ မဟုတ်ပါဘူး...ကျုံးကျင်းဘုရင်ကိုလည်း ငြင်းချင်ပါတယ်...မင်းကြီးကို ငြင်းလိုက်ရင်...ကျွန်တော်တို့ မျိုးရိုးတခုပဲ သေရမှာပါ...ဒါပေမယ့် ချစ်ကြည်ရေးအရ လက်ဆက်တာကို ငြင်းရင်တော့ တတိုင်းပြည်လုံးက ခက်ခဲ ကြပ်တည်းတဲ့ဒဏ်ကို ခံရမှာပါ...ကျွန်တော်တို့ ကလေးကြောင့် အပြစ်မဲ့တဲ့တိုင်းသူပြည်သားတွေ ဆင်းရဲရမှာကို လက်မခံနိုင်ပါဘူး မင်းကြီး...ဒါကြောင့် လက်ခံပါတယ်...

*ရှောင်းအတွက်ဆို...ကိုယ်တော်က ကျုံးကျင်းကိုလည်း ရင်ဆိုင်ရဲပါတယ် ရှောင်းလူကြီးမင်းရယ်...အခုလို မလုပ်ပါနဲ့...

မင်းကြီးကောင်းချန်က ရှောင်းလူကြီးမင်းကို တောင်းပန်သလို ပြောလိုက်သည်။

*မင်းကြီးက ရင်ဆိုင်ရဲပေမယ့်...လူတွေကတော့ ရှောင်းလေးကို မုန်းကြမှာပါ...ရှောင်းလေးကြောင့် ဒီဒုက္ခတွေကို သူတို့ ခံစားရတယ် ဆိုပြီး အပြစ် တင်ကြပါလိမ့်မယ်...တတိုင်းပြည်လုံးအတွက် ဒီတယောက်ကို စတေးရတာ တန်ပါတယ် မင်းကြီးရယ်...

ရှောင်းလူကြီးမင်းက ပြောရင်း မျက်ရည်ကျသည်။ ကောင်းချန် ဘာပြောရမည် မသိတော့။ မိမိတောင် ဒီလောက် ခံစားနေရရင် ရှောင်းလူကြီးမင်း ရင်ထဲမှာ မီးဖို ထားသလိုပင် ရှိလိမ့်မည်။