الصعيدية والتركي ♥️🌏 مكتملة

البارت الثالث ♥️

(هالووو .. التفاعل وحش وقليل وزعلانة منكم .. أنا هنزل البارت ده بس النهاردة ولو فضل التفاعل كده هضطر ألغيها وأمسحها خالص 😔🤝)

©©في أسيوط .. بمنزل عائلة أتاكول ...
#وصلت أمام المنزل سيارة فاخرة فخرجت الفتيات سريعاً إلى الشرفة لتشاهد هذه السيارة ومن سيهبط منها وكم عددهم .. هبط دوروك من سيارة والده أولاً ورفع نظره للأعلى فاصطدم بصره بعيون فتاة جميلة تقف مرتدية فستان صيفي باللون الأخضر كعينيه ثم أبعدهم عنها بسرعة وعاد بهم إلى والده ليساعده في الحقائب وغلق السيارة الخاصة بشركتهم ...

والد سهيلة بابتسامة وترحاب :- مليون حمدالله على سلامتك يا عاكف يا أخويا وسلامة عيلتك وبلدنا نور والله بوجودكم فيها من جديد .

عاكف بابتسامة مبادلة :- الله يسلمك يا محمد والله البلد منورة بيكم ومن زمان وهي منورة بأهلها أومال فين بناتك والمدام أنا سايب بناتك صغيرين أوي .

والد سهيلة بإيماءة ونظر خلفه :- أه عندك حق كانوا صغيرين خالص لما أنت سافرت بس على فكرة لوليتا إللي كانت مولودة وياسو لسه وأهو الكل ورايا ونزلوا علشان يستقبلوكم ويسلموا عليكم .

والدة سهيلة بابتسامة وهي ترحب بهم :- حمدالله ع سلامتكم جميعًا ويارب تكون رحلتكم مريحة ومش متعبة وعجبتكم مصر وأسيوط كمان أهلا بيكم .

نباهات بإيماءة وابتسامة :- Çok teşekkürler أنا أقصد الله يسلمك وشكراا على إهتمامك ورحلتنا قد كانت لطيفة وجميلة ومنورة بيكم .

ياسمين بهمس لسهيلة وتكتم ضحكها :- هي مالها دي بتتكلم كأنها خارجة من فيلم إنيمشن وعربيتها مكسر أنا ماسكة نفسي من الضحك بالعافية والله .

سهيلة لكزتها بغضب ونظرت إليها :- يخربيتك لبيت سنينك هنتفضح ينعن أبو معرفتك وإسكُتي لغاية ما نكون فوق لوحدنا يوووه بقى .

جنا بهمس أيضاً :- أراهنكم إذا كان المسهوك إللي هنا ده يعرف كلمة واحدة مصري وبينطقها صح .

ياسمين بضحكة خافتة :- ههههههههه بس يابت الولا باين عليه بسكوتة خالص وقلبه روهيف أوي أوي .

سهيلة بهمس غاضب لهم :- تعرفوا تخرسوا ولا تُقَفوا عنده وتسمّعُوه بنقول إيه وكده كده معتقدش إنه من النوع إللي بيلقطها وهي طايرة يعني ولمّاح أو فاهمها لهجتنا حتى وعارف بنرغي ف إيه .

دوروك همس لها قائلاً بخبث :- وعلى فكرة أنا سامع وفاهم أوي كل حاجة بتقولوها علينا أنتو التلاتة وأنا بس هسكُت علشان قدام العيلة لكن بعدين هركز أوي معاكم وهاخد بالي منكم .

ياسمين بصدمة وهمس :- والمصحف ولا أعرفهم أنا كنت معدية بالصدفة لأ لأ أنا أصلا واحدة جارتهم .

سهيلة نظرت إليه وقالت ببرود وهمس :- وماله طب كده هنعرف نتفاهم مع بعض ولغتنا بقت واحدة وأنا أصلا مفتحتش بؤقي بكلمة زيهم يعني أنا برا القصة اوك يا baklava ولا لأ .