©©عند المقاعد المطلة على البحر ...
#جلست سيران على أحد المقاعد وهي تبكي ضاربة على قلبها بيدها الذي بدأ ينبض لزوجها الخائن وكان جانبها أصدقائها يحاولون تهدئتها بشتى الطرق ...
"سيران" ببكاء وصراخ :- أنا غلطااااانة أنا غبييية ليه سامحته وصدقت إنه ممكن يتغير ليييه ياااا فرييييد لييييه كدبت عليييااااا وخدعتني تااااني ليييه .
"نوران" بحزن عليها وتربت على ظهرها :- خلاص يا سيران معلش متزعليش يا حبيبتي وأنا قولتلك فريد مستحيل يتغير بسهولة وينسى طبعه وماضيه معاها وإنتي صدقتيه من كلمتين قالهم .
"آية" بضيق وتمسك بيدها :- متزعليش يا سيران هو إللي خسران يا حبيبتي إنتي مش غلطانة بالعكس ده كان كرم منك عليه وهو مقدرش النعمة إللي كانت ليه أرجوكي إهدي شوية علشان متتعبيش نفسك .
"سيران" بغضب وعصبية :- ولما هو كده ليه خدعني وقال إنه ناوي يتغير أنتو كنتوا قاعدين وسمعتوا هو قال إيه الشملول ده قال إنتي مين وبتتدخلي ليه أنا كنت متأكدة إنه مستحيل يكون طبيعي وطلع كداب ومخادع وعمره ما هيتغير وهيكون بني آدم مقرف .
"نوران" بخفوت ونظرت إليها :- طيب على فكرة ده مستر عزيز بيتصل وكمان بعت رسالة وبيقول إن هو وفريد بيدوروا عليكي في كل مكان وفريد كمان قلق عليكي وخايف هتعملي إيه دلوقتي .
"آية" بإندهاش :- أنا بجد مندهشة من تصرفاته هو مجنون ده ولا إيه إزاي كان معاها وسابها وبعد كده راح عند واحدة تانية وإتخانق معاها برضو .
"سيران" بنفي ونبرة غاضبة :- مترديش عليه وإياكي تثقي فيه لأن كلهم صنف واحد مخادعين وكدابين أنا دلوقتي هروح القصر وهناك هيكون ليا تصرف تاني .
"نوران" بجدية :- حاضر والله وبقولك إيه يا سيران إتصرفي بعقل معاهم وبلاش تخربي الدنيا متنسيش جده الآغا وكمان عمو محمد ممكن يعمل إيه لو عرف حاجة زي كده هيبهدل الدنيا عليهم .
"آية" بإيماءة :- أيوة يا سيران كلامها صحيح ولازم تفكري كويس أوي قبل ما تتصرفي مع جوزك وكمان هو لسه مش ناضج وإنتي عارفة كده وحاولي تكوني حيادية مش متهورة وكله هيعدي على خير والله .
"نوران" بابتسامة :- يلا حبيبتي ربنا يهديكي وبلاش تخربي حياتك وأُصبري لغاية ما تشوفي هما قالوا إيه لبعض وجوزك ناوي على إيه ومتتعصبيش من الهوا .
#فكرت سيران جيداً في حديثهم ثم أومأت برأسها ونهضت من المقعد وركبت سيارة أجرة لتذهب للقصر وفي رأسها شيء ما تنوي تنفيذه أما الفتيات فركبوا سيارة أخرى وذهبوا للفندق ...
©©في سيارة فريد الفخمة ...
#كان فريد جالساً في سيارته بجانب عابدين بمقدمة السيارة ومنفعل للغاية من تصرف بيلين معه وسيران أيضاً التي تركته ورحلت وهي غاضبة بسببه ...
أنت تقرأ
الصعيدية والتركي ♥️🌏 مكتملة
Romanceالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
