الصعيدية والتركي ♥️🌏 مكتملة

البارت العشرون ♥️

©©في جامعة أسيوط ...
#وصلت سهيلة بسيارتها إلى الجامعة وصفّتها أمام كليتها هي وأختها ثم ترجلوا منها سريعاً حتى يلحقوا بمحاضراتهم الباقي عليها وقت قليل ...

"سهيلة" وهي تركض للداخل :- إجري يابت يخربيت غلاستك كان لازم ناكل أيس كريم قبل ما نيجي أهو المحاضرة الأولى هتروح علينا والدكتور مش هيوافق يدخلني أحضر بعده منك لله والله .

"ياسمين" بغيظ وتركض خلفها :- وهو أنا كمان إللي قولت نشرب كنزاية كولا وناكل شيبسي كمان ياختي وبعدين أنا كمان الدكتورة الجديدة مش هترضى إني أدخل بعدها وهتبهدلني قدام الدفعة كلها .

"سهيلة" بغضب :- طب غوري شوفي هتحضري فين أنا لقيت المعمل هحضر فيه مادة terminology .

"ياسمين" :- أنا هحضر ف معمل 3 ولما أخلص عندي بعدها محاضرة تانية phonology وبعده إستراحة ساعتين وهروح المكتبة شوية لغاية المحاضرة التالتة إللي هتكون ف مدرج دكتور فاضل .

"سهيلة" :- خلاص تمام بس متمشيش من غيري ولو أي واحدة من زمايلك حابة توصلك قوليلها لأ اوك .

=أومأت ياسمين إلى أختها ثم ذهبت إلى المدرج أما سهيلة دخلت إلى المعمل قبل أن يدخل الدكتور ...

"شروق" بغضب وغيظ :- وما لسه بدري ياست هانم ممكن أعرف جاية متأخرة عن معاد المحاضرة خمس دقايق ليه إن شاء الله كنتي بتعملي إيه .

"سهيلة" وهي تجلس مكانها :- وهكون متأخرة يعني وعملت إيه يا شوشو ما إنتي عارفاني قبل ما أوصل للجامعة باكل أيس كريم وشيبسي وأشرب كنزاية ده غير طبعا إللي بناكلهم سوا كل يوم وبعدين الباركينج كان مليان وعقبال ما لقيت مكان طلعت عيني .

"رنا" بضحك عليهم :- كفاية خناق ههههههههههه أنتو فظيعين جداً وبصراحة أول مرة أشوف اتنين صحاب بيجوعوا أول ما يشوفوا بعض والله .

"شروق" بإيماءة :- فعلا إحنا أكتر اتنين نشوف بعض بنجوع علطول وبعد ما نخلص محاضرات نقضيها لف ودوران ف الكلية كلها كأننا بنمشي ف التراك عادي .

"سهيلة" بهلع ولكزتهم بقوة :- إخسروووا خلاص ده الدكتور دخل وهينفخنا علشان بنتكلم .

"الدكتور" بغضب وهو ينظر إليهم :- أنا لسه داخل ف المعمل ولو سمعت أصواتكم تاني ياللي ف آخر بنش هطردكم ومفيش واحدة فيكم تحاول تتحايل أدخلها تاني تحضر معايا وتاخد درجات مفهوم ولا لأ .

#نظرت إليهم سهيلة بغضب وأمرتهم بالصمت وعادت بنظرها إلى المُحاضِر وهي تهز رأسها بإيماءة وكذلك صديقاتها حتى لا يُطردن من المحاضرة ...

©©في الشركة الخاصة بعائلة أتاكول ...
#دخل بيرك إلى الشركة لأول مرة وكان لا يدري إلى أين يتجه ويسير بلا هدى حتى إصطدم بفتاة وكادت أن تفقد توازنها وتقع لكنه أسرع وأمسك بها بقوة ...