©©في مطعم قدير ليلاً ...
#عاد الأصدقاء إلى المطعم بعد إنتهاء الحفل منتصف الليل ووجدوا باب المطعم مفتوح على مصرعيه ...
"قدير" بإستغراب :- معقولة أبواب المطعم مفتوحة كده عادي أومال أشرقت إزاي طلعت نامت وسابت الدنيا مدربكة بالشكل ده والباب مفتوح كله .
"نهلة" وهي تصعد للأعلى :- طيب أنا هطلع أشوفها نايمة ف أوضتها ولا صاحية وطلعت تعمل أي حاجة تانية ونسيت الباب مفتوح علشاننا .
"ياسمين" :- يا جدعان أنتو مش ملاحظين أي حاجة غريبة حصلت هنا ولا أنا بيتهيألي إن فيه حاجة غلط كانت بتحصل وبهيس من دماغي مش أكتر .
"سهيلة" بجدية :- أيوة أنا كمان حاسة إن فيه حاجة حصلت وإحنا كلنا مش موجودين هنا معاها وتقريباً كده إللي إسمه تولغا ده رجع تاني .
"دوروك" :- مش معقول لأ يكون فعلا رجع وخطفها مثلا طب أنا هشوف كاميرات المراقبة إللي هنا وإللي محطوطة من برا المطعم كمان ونعرف حصل إيه .
"روميساء" بنفي وتوتر :- لأ لأ يا جدعان أكيد حصل حاجة أنتو مش شايفين كوباية الماية مكسورة إزاي ومفرش الترابيذة واقع على الأرض يبقى أكيد تولغا كان هنا وعمل حاجة وخطفها .
"نهلة" بنبرة فزعة :- إلحقوا يا جماعة أوضة أشرقت فاضية فوق ومفيش حد فيها خالص .
"عمر" بغضب :- يعني الحيوان عديم الشرف ده رجع المطعم تاني وإتجرأ وخطفها من هنا بسهولة كده .
"بيرك" بجدية :- ممكن تكون راحت برضاها معاه أنا عارف إن تولغا تصرفاته مختلة بس أكيد قدر يأثر ع أشرقت وأخدها معاه ومخطفهاش .
"أمير" :- يا جماعة الصبر مش يمكن راحت مكان هنا قريب تعمل أي حاجة أو راحت تشتري حاجة وراجعة تاني ومش مخطوفة .
"دوروك" بسخرية وغضب :- وهي راحت مكان فعلا تعالوا شوفوا إللي صورته الكاميرات كلها برا وجوا أنا مش هسكت المرادي عليه وعارف هتصرف بطريقتي معاه إزاي ولازم يرجع تركيا تاني عند أبوه .
"قدير" بإنفعال :- لو حد فيكم عارف مكان بيته هنا فين تعالوا نروح بسرعة ونلحقها منه قبل ما يعمل أي حاجة ويئذيها ولو ده حصل أنا هخلي أيامه سودا .
"بيرك" :- طب البنات ترجع البيت خلاص وإحنا بقى هنتصرف ونروح بيته نرجعها معانا .
"سهيلة" وهي تنظر إلى دوروك :- ولما ترجعوا كلمني وطمني يا دوروك olur وأنا هكون صاحية مش هنام غير لما أتطمن عليكم وأعرف حصل إيه إتفقنا .
#أومأ لها دوروك ثم خرج هو وقدير من المطعم وكان خلفهم بيرك وأمير وعمر يلحقون بهم .. أما الفتيات عادوا إلى منزلهم قبل أن يتأخروا أكثر عليهم ...
©©في منزل تولغا المستأجر ...
#كانت أشرقت نائمة في غرفة تولغا بالطابق العلوي حينما سمعت أصوات عالية تأتي من الأسفل فركضت لخارج الغرفة سريعاً ونزلت إلى الأسفل لتجد الشباب يصرخون على تولغا ويتعاركون معه ...
أنت تقرأ
الصعيدية والتركي ♥️🌏 مكتملة
Lãng mạnالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
