الصعيدية والتركي ♥️🌏 مكتملة

البارت الثامن ♥️

©©في منزل عائلة أتاكول ...
#تجمع الكل على طاولة الطعام حيث جلست سهيلة جانب قدير ومن الجهة الأخرى جلس دوروك ليتابع ما يحدث بينهم عن قرب وباقي العائلة حولهم ...

"دوروك" بتساؤل ونبرة فاترة :- صحيح يا قدير أنت أصلا تخرجت من كلية إيه غير شغلك ف المطعم .

"قدير" بفتور :- تخرجت من كلية الطبخ وعشان كده بشتغل ف نفس مجالي وبعشق شغلي والحمدلله ليا سمعتي ف تركيا وناس كتيرة تعرفني هناك وبتيجي مطعمنا المميز تاكل فيه .

"نهلة" بتساؤل :- طيب هو أنا ينفع أشتغل معاكم ف المطعم وأساعدكم وأنا خريجة كلية إدارة أعمال ده لو مفيهاش إزعاج ليكم وهدايقكم ف الشغل .

"عمر" بابتسامة :- Evet tabii ki canım طبعااا تقدري تشتغلي معانا ولو محدش من أهلك هيزعلوا .

"عاكف" بإيماءة وابتسامة خفيفة :- وأنا كمان موافق ومعنديش إعتراض طالما نهلتي هتكون مبسوطة ف الشغل ده وهتتسلى معاكم .

"سهيلة" :- قدير صحيح هتفتح المطعم بتاعك فين وإمتى هتبدأ تدور على مكان علشانه .

"قدير" :- لسه مش عارف والله وبفكر أعمل أول دور ف البيت هنا مطعم صغير والدور التاني نقعد فيه أنا وعمر مع بعض وروميساء تقعد ف أوضة لوحدها .

"والدة سهيلة" بإيماءة :- فكرة حلوة وخصوصا إحنا على ناصية الشارع والبيت كمان بتاعكم كبير يعني الناس هتلاحظه وهتيجي علطول .

"روميساء" :- وأنا هعمل الدعايا متقلقش وكل حاجة جاهزة ع اللاب ناقصها الطباعة بس ونعمل أكونتات على كل السوشيال ميديا ونحط عليها ال logo بتاع المطعم إللي جهزناه سوا .

"سهيلة" بمرح :- أنا كده ضمنت هشتغل فين بعد ما أخلص تعليم صح يا قديري چيم .

"قدير" بضحك وهز رأسه :- هههههههه تمام aşkım أول ما تخلصي هتلاقي مكانك موجود ف المطبخ .

"سهيلة" بغيظ ولكزته في كتفه :- جتك نيلة أنا أقعد ف المطبخ طيب خد إطفح وأنت ساكت .

"ياسمين" بضحك :- هتموتيه يابت بالراحة يخربيت جنانك ههههههههه وبصراحة المطبخ مكانك المناسب أوي والله وقدير مغلطش .

"جنا" بإيماءة وضحك :- وأنا هشتغل ف الحسابات علشان أنتو عارفين أنا بعشق الرياضيات إزاي ومش هاخد مرتب كبير كمان ههههههههههه هعملك خصم .

"عمر" بضحك عليها :- هههههههههه عيييب أنا عارف كويس أوي عشقك للرياضيات عامل إزاي علشان كده إنتي أنسب واحدة تكون ف الحسابات يا جنا .

"دوروك" ببرود ونظر إليها :- ومش إنتي بتدرسي ف مجال تاني يا سهيلة إزاي بقى هتشتغلي ف مطعم .

"سهيلة" بغيظ :- عادي أنا بحب أغير مجالي وأشتغل أكتر من حاجة من غير زهق وملل وأعتقد دي حاجة تخصني أنا ومستقبلي صح ولا لأ .