©©وعلى كورنيش النيل بأسيوط ...
#كان دوروك جالساً وعلى وجهه حزن شديد لما سمع اليوم في المطعم وحقيقة الأخ الغير الشرعي وعيناه مغروقة بالدموع ووجهه محمر من الغضب ...
"سهيلة" بحزن وتتمسك بذراعه :- خلاص يا دوروك علشان خاطري كفاية دموع وزعل بقى والمفروض أنا وأنت نرجع البيت دلوقتي وتتكلم مع عمي عاكف .
"دوروك" بدموع ونبرة مختنقة مبحوحة :- طلع لينا أخ من واحدة تانية ومنعرفش عنه حاجة السنين دي كلها وجاي يظهر دلوقتي ويخرب فرحتنا ويبوظ كل حاجة عملناها هنا وهيشاركنا ف أبويا .
"سهيلة" :- ليه بتقول كده يا دوروك چيم مفيش أي حاجة خربت ونيبوش هتقبل مع الوقت وجوده لأنه يتيم ومامته متوفية وعايش لوحده مع خالته وأبوه عايش جمبه وبعدين بصراحة وهو كمان ملوش ذنب زيكم وعمي عاكف إتخلى عنه ورماه وكان عايز ينهي روحه وهو جنين وده حرام عليه والله وإللي مفروض يتعمل إنكم أنت ونهلة تكونوا جمبه وتتقبلوه أخ مش تنبذوه كده وكأنه حشرة مش مخلوق زيكم .
"دوروك" بغضب ونظر إليها :- يعني إنتي كمان جاية ف صفه وشايفة إني غلط ونبذته صح طيب خلاص روحي عنده وخليكي هناك وخليني أنا قاعد هنا .
"سهيلة" بضيق :- دوروك أنا عارفة إنك مصدوم مش هزعل منك وهآخُد على كلامك ومش واقفة ف صفه أنا واقفة مع الحق والحق بيقول إنه أخوكم من دمك زي نهلة بالظبط وعمي عاكف لازم هيعترف بوجوده .
"دوروك" بصراخ وغضب :- مش أخوووياااا ولا حتى ف عمره هيكون أخ ليا زي نهلة وأبويا إللي هيتحمل نتيجة غلطته زمان لوحده بس .
"سهيلة" بحزن عليه وعانقته بقوة :- هيتحملها والله والحقيقة إنه أخوك يا دوروك ومينفعش تتهرب منها ولازم تقبلها وأنا معاك وجمبك وهدعمك وكله هيعدي متقلقش مع الوقت والزمن كفيل هيخليك تتعود عليه وتنسى إللي حصل وتحبه كمان أنا متأكدة .
"دوروك" ببكاء وإختبئ فيها :- أنا مخنوق ومصدوم ومش عايزه يكون موجود ولا يشاركنا ف أبويا إحنا بس أولاده وأحق بيه وأمي مش هتتحمل إللي حصل ده ولا هتقبل وجوده حتى وهتقرر تسافر ع تركيا .
"سهيلة" بنفي وابتسامة :- لأ لأ متقلقش مش هنخلي نيبوش تسافر تركيا وهي قوية وهتقبل الحقيقة كلها وعمي عاكف هيعترف بوجود كاهان إنه من صلبه أنا جمبك وهنعمل كل حاجة سوا إتفقنا .
"دوروك" بإيماءة ونظر إليها بابتسامة :- حاضر إتفقنا ömrüm وخلينا نرجع البيت علشان إتأخرنا وعمي محمد هيقلق على تأخيرك وبعدين نُبقى نتكلم تاني .
"سهيلة" بإيماءة :- ماشي يلا بينا بس لما نوصل أنت توعدني إنك تتمالك نفسك ومتتعصبش لو حصل أي حاجة هناك إتفقنا ولا لأ وأنا هكون معاك .
#أومأ له دوروك بابتسامة وأخذها لتستقل سيارته ثم عادوا إلى المنزل مرة أخرى ...
©©في منزل تولغا ساريش المستأجر ...
#كان تولغا جالس على الأريكة يشاهد التلفاز عندما صوت طرقات على باب منزله فنهض بتكاسل ليرى من الطارق فوجد أشرقت أمامه تنظر إليه بابتسامة واسعة ومعها طعام في يدها تحمله ...
أنت تقرأ
الصعيدية والتركي ♥️🌏 مكتملة
Romanceالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
