Unicode 🦊
ဒုန်း...။
စားပွဲကိုထုလိုက်တဲ့အသံက တိတ်ဆိတ်နေတဲ့အစည်းအဝေးခန်း တစ်ခုလုံးကိုလွှမ်းသွားတယ်။ဘေးမှာမတ်တပ်ရပ်နေတဲ့ ညီညီ့ရဲ့ပုခုံးတောင် ဒီအသံကြောင့်တုန်သွားခဲ့တယ်။အစည်းအဝေးခန်းထဲကလူတွေကိုကြည့်လိုက်တော့လည်း အကုန်လုံးက ခေါင်းတွေကိုယ်စီငုံ့လို့နေတယ်။ဘေးကမြေခွေးကို ကြည့်လိုက်တော့လည်းအံတွေကြိတ်ထားတာ မေးကြောကြီးကို တင်းနေတာပဲ။နေမကောင်းဖြစ်လို့ နလန်ထခါစလူက ဒီအင်အားတွေဘယ်ကရသလဲမသိဘူး။ဒါပေမယ့်မြေခွေးကတော့ တော်တော်လေးကို စိတ်တိုနေခဲ့တာ။သူဖြင့် အဲ့ဒီလူရဲ့ဒီလိုစိတ်အခြေအနေကို တစ်ခါမှမမြင်ဖူးဘူး။သေချာတာကတော့ ဒီနေ့ကပြဿနာရှာလို့ ကောင်းတဲ့နေ့မဟုတ်ဘူး။သူငြိမ်နေမှရမယ်။
"အစိုးရဘက်နဲ့စာရင်းတွေသေချာမရှုပ်ချင်လို့ တစ်လတစ်ခါcustomsဖက်ကိုသွားပြီးအခွန်ကိစ္စတွေ သေချာလုပ်ဖို့အမြဲပြောတယ်။အစည်းအဝေးတိုင်းလည်း ကျုပ်အဲ့တစ်ခုတော့မမှာမဖြစ်မှာတယ်။documentationsဖက်က ကိုမင်းသူတစ်ယောက်တည်းရှိတာလား။သူ့တစ်ယောက်တည်းကိုပဲ ကျုပ်ခန့်ထားတာလား။ကျန်တဲ့လူတွေကရော customsဖက်ဆိုမသွားချင်ကြတာလား။အေး...အခုတော့ကောင်းရော။customsဖက်က အခွန်စာရွက်အရှည်ကြီးရောက်မှ မင်းသူဆိုတဲ့လူကလိမ်ကျသွားပြီမှန်း သိကြတယ်။ခင်ဗျားတို့ အလုပ်ကိုအလုပ်လိုမလုပ်ကြဘူးလား။ကျုပ်နည်းနည်းလေးတောင် မျက်နှာလွှဲထားလို့မရဘူးလား"
ဒုန်း!!
စားပွဲကနောက်တစ်ကြိမ်အထုခံလိုက်ရတယ်။ညီညီထင်တယ်။အဲ့ဒီလူကတကယ်တော့လူတွေကိုပါ ထုချင်နေတာ။မကောင်းတတ်လို့ လူတွေကိုမထုရလို့သာ စားပွဲကိုအစားထိုးထုထုနေတာပဲ။စားပွဲသာငါးဖယ်ဆိုအခုချိန်ဆီအိုးထဲထည့်လို့ရတဲ့ အနေအထားကိုရောက်နေလောက်ပြီ။
ဖြစ်ပုံကဒေါသထွက်လည်းထွက်ချင်စရာပါပဲ။တကယ်တော့ အခွန်ကိစ္စတွေလုပ်နေကျဋ္ဌာနကလူတွေမှားတာ။တကယ့်ကုမ္ပဏီအကြီးကြီးတစ်ခုက အခွန်ကိစ္စတွေကို သေချာစိစစ်သင့်ပါတယ်။သူတို့က အရမ်းရေသာခိုပေါ့လျော့လွန်းတယ်။အမြဲဒိုင်ခံအခွန်ရုံးနှင့်ဆက်သွယ်နေရတဲ့ ကိုမင်းသူတစ်ယောက်ထဲကိုပဲ ယုံယုံကြည်ကြည်လွှဲအပ်ထားတော့ အဲ့ဒီလူကလစဉ်အခွန်ကိစ္စနှင့်လိုင်စင်ကိစ္စတွေမှာ သူတစ်ယောက်တည်းပဲလုပ်ရတယ်။လတွေကြာလာတော့ အဲ့ဒီမင်းသူဆိုတဲ့လူကစာမလာ၊သတင်းမကြားနှင့် အလုပ်မလာတော့ဘဲအခု အခွန်ရုံးကဝမ်တိန်ပေးတဲ့စာရွက်တွေနှင့် အခွန်ရှောင်ထားတဲ့ငွေစာရင်းတွေကုမ္ပဏီကို ဆိုက်ဆိုက်ရောက်လာကာမှ သိတော့တယ်။အဲ့ဒီလူက လတိုင်း၊လတိုင်းအခွန်ရုံးကိုပါမလှိမ့်တပတ်လုပ်၊အောက်ကဝန်ထမ်းတွေကို နည်းနည်းပါးပါးလာဘ်ထိုးပြီး လစဉ်အခွန်ငွေတွေကို သူ့အိတ်ကပ်ထဲသဲ့ယူနေခဲ့တာ။ဒါကြောင့်အခုမှသိလိုက်ရတဲ့ မြေခွေးကအရမ်းကို အရမ်းကိုဒေါသအုံကြွလာတာပါ။
BINABASA MO ANG
Kōhī {Complete }
RomanceKōhī = coffee in japanese☕☕ This story will make you feel warm and cozy, like having coffee on a rainy day.
