Unicode☕️
ကိုကိုးတို့အဖေက ကျူးလစ်ပန်းဖြူဖြူတွေကို တအံ့တသြကြည့်ရင်း မေးလိုက်တယ်။
"ဒါဘယ်ကပန်းတွေလဲ နုနု"
နုနုယဉ်က ပန်းစည်းကိုကိုင်ထားပြီး အပြုံးတွေကတောင့်တောင့်ခဲခဲ ဖြစ်နေတယ်။အဖြူရောင်ကျူးလစ်ပန်းတွေကလည်း သိပ်လှနေခဲ့ပါတယ်။
၀တ်ဆံAllergicကြောင့် ပန်းတွေနှင့်ဝေးရာအနောက်ကိုဆုတ်လိုက်တဲ့ညီညီက မျက်စိလျင်လျင်နှင့် အမေ့လက်ထဲကပန်းစည်းကို စေ့စေ့စပ်စပ်ကြည့်လိုက်ပြီး အောက်ဖျားနားမှာတွဲလွဲခိုနေတဲ့ ပို့စ်ကဒ်တစ်စောင်ကိုမြင်သွားပါတယ်။ ညီညီကအမေဘာမှမပြောရသေးခင် ဝင်ပြောလိုက်တယ်။
"ဟိုမှာစာပါတယ်လေ။ဖွင့်ဖတ်ကြည့်ပါလား ဘယ်သူ့ပေးလဲသိရမှာပေါ့"
နုနုယဉ်ရဲ့မျက်နှာက ပိုပြီးမသက်မသာပျက်ယွင်းသွားပေမယ့် ဒီအရာကိုတစ်ချိန်လုံးတိတ်ဆိတ်နေတဲ့ကိုကိုးကလွဲလို့ ဘယ်သူမှ သတိမထားမိခင် သူမ မြန်မြန်ဆန်ဆန် မျက်နှာအမူအရာကိုပြန်ပြင်လိုက်တယ်။
"အိမ်မှားပြီးရောက်လာတဲ့ဟာ နေမှာပေါ့။သူများစာဆိုတော့ ဖွင့်ဖတ်လို့မကောင်းဘူးလေ"
"ဖွင့်ဖတ်လိုက်ပါ မေမေရဲ့....ဒါမှဘယ်သူ့ဟာဆိုတာသိမှာပေါ့။ပြန်ပေးလို့ရရင်ပေးရအောင်လေ"
ညီညီ့စကားကို သူတို့အဖေကလည်းထောက်ခံခေါင်းညိတ်တာကြောင့် နုနုယဉ်က စားပွဲမှာဝင်မထိုင်သေးဘဲ အနီးအနားမှာမတ်တပ်ရပ်နေရင်း စိတ်မပါလက်မပါနှင့်ပို့စ်ကဒ်လေးကို ဆွဲယူထုတ်လိုက်ပြီး ဖွင့်ဖတ်လိုက်တယ်။ နည်းနည်းလောက်ဖတ်ပြီးချိန်မှာ စာကိုချက်ချင်းပိတ်ချလိုက်ပြီး ဟန်ကိုယ့်ဖို့ပြုံးရင်းပြောလာတယ်။
"အိမ်မှားလာတဲ့ဟာကြီးပါဆို....new yearအတွက်လက်ဆောင်ပေးတဲ့ဟာဖြစ်နေတာ။လိပ်စာကလည်း ဒီမြို့နယ်မဟုတ်ဘူး။တခြားမြို့နယ်ကြီး ဘယ်လိုတောင်မှားရောက်လာသလဲ မသိပါဘူး"
နုနုယဉ်ကအဲဒီလိုပြောရင်း ဇိုးဇိုးဇက်ဇက်နှင့် ပန်းစည်းကိုအနီးကအမှိုက်ပုံးထဲ ဖိချေထည့်လိုက်ပါတယ်။ပန်းပွင့်ဖတ်တွေက ကြေတဲ့ဟာကကြေ၊ဝတ်ဆံမှုန်တွေပြုတ်တဲ့ဟာက ပြုတ်နှင့်ခဏအတွင်းပျက်စီးသွားတယ်။ကိုကိုးက အမှိုက်ခြင်းထဲရောက်သွားခဲ့တဲ့ ပန်းစည်းကိုမျက်တောင်မခတ်စိုက်ကြည့်နေဆဲပါ။
VOCÊ ESTÁ LENDO
Kōhī {Complete }
RomanceKōhī = coffee in japanese☕☕ This story will make you feel warm and cozy, like having coffee on a rainy day.
