𝐀 𝐍𝐢𝐠𝐡𝐭𝐦𝐚𝐫𝐞 ❦

P_25🚬

စီးကရက်လေးကသူ့အပိုင်လေးကိုတော့
သိပ်တပ်မက်ခဲ့ရှာတာ...
ဘဝရဲ့ပထမဦးဆုံးတပ်မက်မှုလေးမို့လို့
အထိမခံနိုင်မှုတွေဟာလည်းသိပ်များခဲ့ရှာတာ...

ဒီလူသားလေးကိုမှမရရင်
မဖြစ်တော့တဲ့ပုံတွေဟစ်ကြွေးဖူးတယ်မို့လို့
ကြားထဲကနေမရရအောင်
အောင်သွယ်ဖို့ကြိုးစားပေးခဲ့တဲ့
သူငယ်ချင်းဖြစ်သူကိုတောင်
ဘာမှရေရေရာရာမသိ‌ဘဲ
တစ်ယောက်တည်းထင်ချင်ရာတွေထင်ပြီး
သတ်ဖို့planချခဲ့သည်အထိ
စီးကရက်လေးကသိပ်ရူးမိုက်ခဲ့ရှာတာ....

တပ်မက်မှုပေါင်းများစွာ
အထိမခံနိုင်မှုပေါင်းများစွာ
ရူးမိုက်မှုပေါင်းများစွာဖြင့်
စီးကရက်လေးကသူ့တပ်မက်ရာလေးကို
မြေအောက်ခန်းတွေထဲထည့်သိမ်းထားခဲ့တယ်။

ဒီလူသား‌ကိုသူချစ်တယ်၊ကြိုက်တယ်
ရူးလောက်အောင်စွဲလန်းတယ်
သူ့အနားတစ်သက်လုံးရှိစေချင်တယ်
ဒီလောက်ပဲ စီးကရက်လေးအတွေးက
ဒီ‌လောက်လေးပဲရှိခဲ့တယ်။

တစ်ဖက်အတွက်လုံးဝ
ထည့်စဉ်းစားမပေးတတ်ခဲ့သေးသလို
ချစ်နေမိတယ် စွဲလန်းနေမိတယ်ဆိုပေမဲ့
အဓိကဖြစ်တဲ့နူးညံ့မြတ်နိုးယုယမှုတွေ
နားလည်ခွင့်လွှတ်ပေးတတ်ခြင်းတွေဟာလည်း
လုံးဝမပါဝင်နေသေးခဲ့ဘူး။

သူ့အပိုင်လေးကို
ထည့်သိမ်းထားလိုက်ရလို့ပျော်နေလားဆိုတော့...
စီးကရက်လေးမပျော်နေခဲ့သလို
ဝမ်းလည်းမနည်းနေခဲ့ပါဘူး။

ဒါပေမဲ့ချွင်းချက်အနေနဲ့
သူ့အပိုင်လေးကျန်းမာရေးဘက်တွေကို
မသိမသာလေးစစိုးရိမ်တတ်လာခဲ့တယ်။

သူ့အပိုင်လေးအသားနာနေတာတွေဆို
သူသိပ်ဘဝင်မကျတော့ဘူး။

ခြေထောက်ကရှရာတွေတွေ့တော့လည်း
ဆေးထည့်ပေးမယ်ဆိုတာကိုလက်မခံတော့
ဆေးတွေအတင်းချုပ်ထည့်ပေးလာတယ်။

မေ့နေတဲ့အချိန်၊အိပ်ပျော်နေတဲ့အချိန်တွေမှ
ဆေးထည့်ပေးတာမျိုးမဟုတ်တော့ဘဲ
နိုးနေတဲ့အချိန်မှာကို
သူဂရုစိုက်ပေးတတ်လာခဲ့တယ်။

ဘယ်လိုပဲဆိုဆိုစီးကရက်လေးဆီမှာ
ချစ်ရသူအတွက်စိုးရိမ်စိတ်သေးသေးလေး၊ဂရုစိုက်မှုသေးသေးလေးတော့
စတင်ဖြစ်တည်လာနေခဲ့ပြီ။