𝐀 𝐍𝐢𝐠𝐡𝐭𝐦𝐚𝐫𝐞 ❦

🎄Extra2🎄

အချိန်တွေသည်ဘာမှသိပ်မဟုတ်လိုက်သလိုလို....
ဟိုလှည့်ဒီလှည့်ဖြင့်လက်ထပ်ပြီးလေးနှစ်အကြာရဲ့
လေးကြိမ်မြောက်နှစ်ဦးအတူတူဖြတ်သန်းရမယ့်ခရစ်စမတ်နေ့ရဲ့မနက်ခင်းလေးကို
ထပ်မံရောက်ရှိလာခဲ့ပြန်သည်။

လေးနှစ်တိတိရှိခဲ့ပြီ။
စီးကရက်လေးအတွက်ခရစ်စမတ်တွေက
သိပ်လှလာခဲ့တာ...
သိပ်အဓိပ္ပာယ်တွေရှိလာခဲ့တာ....
Jeon Ji Minနဲ့Jeon JiKooလေး
ရှိလာခဲ့လို့ဖြစ်ပါလိမ့်မည်။

အရင်‌တုန်းက....

တော်ပါပြီ။
တစ်ယောက်တည်းအချိန်တွေတုန်းက
အကြောင်းတွေကိုနောက်ကြောင်းပြန်ပြီး
မဆွေးချင်တော့ဘူးမို့လို့
အတွေးတွေကိုခပ်မြန်မြန်ကောက်သိမ်းလိုက်ပြီး
အိမ်ရှေ့ဧည့်ခန်းထဲကပြတင်းပေါက်နားမှာ
ခရစ်စမတ်သစ်ပင်ကိုသေချာပြန်ပုံချနေသည့်
လူသားလေးအနားပဲ
ဖြည်းဖြည်းချင်းတိုးသွားမိသည်။

မမှီတမှီခြေဖျားလေးထောက်ပြီး
သစ်ပင်‌ကိုအလှဆင်နေတဲ့သူလေးရဲ့
ဆွယ်တာလက်ရှည်အနီလေးနဲ့ခါးလေးကို
နောက်ကနေသိမ်းကြုံးပွေ့ဖက်ပြီး
လည်ပင်းနုနုထဲမျက်နှာကိုအပ်လိုက်တော့
လုပ်လက်စကိုခဏရပ်လိုက်ပြီး
သူ့လက်တွေကိုထပ်လျက်ကိုင်လာသော
လက်သေးသေးလေးနှစ်ဖက်ကြောင့်
စီးကရက်လေးနှုတ်ခမ်းပါးလေးတွေ
နူးနူးညံ့ညံ့လေးကွေးတက်သွားခဲ့သည်။

လေးနှစ်တာသူတို့ရဲ့အိမ်ထောင်ရေးမှာ
ဒါဟာအနှစ်ပဲ။

တစ်ချို့စုံတွဲတွေဆိုယူခါစသာပလူးပလူး...
အချိန်ကြာလာရင်ရိုးအီသွားသလိုလို
တစ်ယောက်ကလာထိရင်
တစ်ယောက်ကမကြိုက်ရတာနဲ့
ဘာညာဘာညာပြသာနာအစုံအစိတွေ
ရှိလာခဲ့ဖူးပေမဲ...
ဒီတက်တူးတွေနဲ့လက်တွေခါးထက်လာရစ်နွယ်ရင်
ဒီလက်သေးသေးလေးတွေက
ဘာလုပ်နေလုပ်နေအကုန်ပစ်ချပြီး
ထပ်လျက်ပြန်ကိုင်လာပေးထားမှာဟာ
လေးနှစ်ကြာမဟုတ်ဘူး
အနှစ်လေးဆယ်ကြာ၊လေးရာကြာဆိုရင်တောင်
မြတ်မြတ်နိုးနိုးပဲဆုပ်ကိုင်ထားဦးမှာ....

အချစ်စစ်မှာရိုးအီသွားတာမျိုး၊
စိတ်ပျက်သွားတာမျိုးလုံးဝမရှိဘူးတဲ့...