𝐀 𝐍𝐢𝐠𝐡𝐭𝐦𝐚𝐫𝐞 ❦

P_30🚬

ထိုနေ့ညကနှစ်ဦးနှစ်ဖက်
အပေးယူတည့်ခဲ့ပြီးကတည်းက
ပိုအဆင်ပြေလာသောဆက်ဆံရေးလေးမှာ
စီးကရက်လေးသည်ဆရာဝန်လေးအနားကနေ
လုံးဝမခွာတော့။

ဆရာဝန်လေးဘက်ကလည်း
ဒီလူအပေါ်သူစိတ်ဝင်စားနေမိပြီဖြစ်ကြောင်း
သုံးသပ်မိသွားသည့်အခါ
အရင်လိုရှောင်ဖယ်တာတွေသိပ်မလုပ်တော့ဘဲ
ဖြည်းဖြည်းချင်းလက်ခံပေးလာခဲ့သည်။

လက်ခံနေပေမဲ့ချစ်တယ်ဆိုတဲ့အဖြေတွေ
ပြန်မလာသေးတာကြောင့်
အဖြေပြန်ပေးအောင်
စီးကရက်လေးဘက်ကလည်း
နိုင်ငံခြားသားကြီးတွေနဲ့တကြိတ်ကြိတ်
ပြင်ဆင်နေလေသည်။

ဓာတ်ပုံဆရာလေးဆေးရုံတက်ခဲ့ရမှုအပေါ်
သိပ်အာရုံမစိုက်စေချင်သူသည်
ဒီနေ့လည်းသူ့ကလေးလေး
ဆေးရုံကလူအကြောင်းတွေးနေမှာစိုး၍
အတွေးတွေကိုတောင်သဝန်တိုစွာ
‌လျှောက်မတွေးနေမိအောင်
ဆရာဝန်လေးကိုCompanyဆီ
ခေါ်သွားဖို့လုပ်နေခဲ့သည်။

စီးကရက်လေးကဆရာဝန်‌လေးရဲ့
အတွေးတွေကိုတောင်သဝန်တိုခဲ့တဲ့အထိ
တော်တော်ကိုအထိခိုက်မခံနိုင်ခဲ့တဲ့သူ။

Companyသွားဖို့အတွက်
suitအနက်တွေကြီးဝတ်ထားရင်း
နက်တိုင်တွေမပါဘာမပါ
ရှပ်အနက်ကကြယ်သီးတွေကို
သုံးလုံးလောက်အထိဖြုတ်ချထားသည့်
ထိုပုံစံကမသိရင်
ဂိုဏ်းခေါင်းဆောင်ကြီးလိုလိုဘာလိုလို။
မျက်နှာကဖောက်ထားတာ‌တွေပါပါလာတဲ့အခါ
ဘယ်သူ့ခေါ်မေးမေးဒါဟာCEOမဟုတ်ဘူး
လူဆိုးလို့သာဖြေကြလိမ့်မည်။

ဆံပင်တွေကိုသေချာမဖြီးဘဲ
လက်နဲ့သာဆွဲဖွနေသော
ဒီမြင်ကွင်းကတခြားသူ‌တွေအမြင်မှာ
ခပ်မိုက်မိုက်bad boy vibeဖြစ်နေနိုင်ပေမဲ့
အခုမှဆပ်ပြာနံ့သင်းသင်းလေးတွေနဲ့
ရေချိုးခန်းထဲမှထွက်လာသော
ဆရာဝန်လေးရဲ့အမြင်မှာ‌တော့
ဒီလူသည်ဖရိုဖရဲ။
ဆရာဝန်လေးဖရိုဖရဲကို
ကြည့်ပြီးသက်ပြင်းချလိုက်မိသည်။

Jeon Jung Kookကသွားတဲ့နေရာနဲ့လိုက်အောင်
ဘယ်လိုပြင်ရမလဲရောသိရဲ့လား။

အတင်းCompanyကိုလိုက်ခဲ့ဆိုလို့သာ
ခေါင်းငြိမ့်လိုက်တာ
အခုထိJin Hyungကိစ္စက
သတင်းမလာစာမကြားတွေမို့လို့
သူနည်းနည်းတော့အဆင်မပြေနေပါ။
ဆေးရုံသွားရအောင်လို့‌ပြောရင်လည်း
Jung Kookနဲ့ကဘယ်လိုမှမဖြစ်နိုင်မှာမို့လို့
Tae Hyungဖုန်းဆက်တာကိုသာမှေးပြီး
စောင့်နေတာနှစ်ရက်ရှိပြီ။
ခုထိသတင်းမကြားရသေးဘူး။
သက်ပြင်းနောက်တစ်ချက်ထပ်ချမိလိုက်၏။