မင်္ဂလာပွဲကမနက်ဖြန်မို့လို့
စီးကရက်လေးစိတ်တွေလှုပ်ရှားနေပြီး
ညနက်နေပေမဲ့မအိပ်နိုင်တွေဖြစ်နေသည်။
ဟိုလှိမ့်လိုက်ဒီဖက်လိုက်နဲ့မျက်လုံးတွေ
မှိတ်ထားကြည့်လည်း
ဘယ်လိုမှအိပ်မရတော့ဘူးမို့လို့
မနက်ကျမျက်ကွင်းကြီးမဲနေတော့လည်း
မိတ်ကပ်ကိုအားကိုးရမှာပဲ။
အိပ်မှမအိပ်နိုင်တာ....ထရုံပေါ့။
ဘေးကသူ့ကလေးလေးကတော့
သေချာကိုအိပ်နေပြီမို့လို့
နဖူးလေးကိုခပ်ဖွဖွဖိကပ်နမ်းလိုက်ပြီး
အိပ်ရာကနေဖွဖွလေးထလိုက်ရင်း
သူ့နေရာမှာခေါင်းအုံးကိုခဏထားခဲ့၍
မသောက်တာကြာပြီဖြစ်သည့်
စီးကရက်နဲ့မီးခြစ်ယူလိုက်ပြီး
ဝရံတာဆီဦးတည်ဖို့ပြင်လိုက်သည်။
သို့သော်ဝရံတာတံခါးဆွဲအဖွင့်
လေတွေသည်ဝေါခနဲ။
တံခါးအမြန်ပြန်ပိတ်လိုက်ရသည်။
ဒီပုံစံနဲ့အပြင်မှာဆေးလိပ်မီးညိရင်
ကမ္ဘာသာပျက်သွားမယ်...
ဆေးလိပ်မီးကသေတောင်ညိမယ့်ပုံ
မဟုတ်တာကြောင့်
အခန်းထဲမှာတင်အရင်မီးငြိလိုက်ပြီး
မီးခြစ်ပိတ်သံကျယ်သွားတာကြောင့်
အပြင်မထွက်ခင်ကုတင်ပေါ်ကသူလေးကို
လှမ်းကြည့်လိုက်တော့
အိပ်ကောင်းနေဆဲမို့လို့တစ်ချက်ပြုံးမိသည်။
အိပ်နေလည်းမောင့်အသဲလေးက
အသဲယားစရာလေး။
ဘယ်လိုနေနေအသဲယားဖို့ကောင်းနေတာ
မောင့်ကလေးလေးတစ်ယောက်ပဲရှိတယ်။
ဝရံတာတံခါးကိုအမြန်ဆွဲဖွင့်ပြီး
အမြန်ပြန်ပိတ်လိုက်၍
အိပ်မပျော်အောင်လုပ်နေတဲ့
စိတ်လှုပ်ရှားမှုတွေကို
စီးကရက်တွေကိုအဖော်ပြုရင်း
ဖျောက်ဖျက်ရလိမ့်ဦးမည်။
ဝရံတာဘောင်ပေါ်လက်ထောက်လိုက်ပြီး
ကမ်းစပ်တစ်လျှောက်က
မင်္ဂလာပွဲအတွက်အပြင်အဆင်တွေကို
လှမ်းငေးကြည့်မိသည်။
မနက်ဖြန်သူနဲ့ကလေးလေးရဲ့မင်္ဂလာပွဲတဲ့...
သူဘယ်လောက်တောင်
တမ်းတခဲ့ရတဲ့အချိန်လေးလဲ။
တကယ်ရောက်လာတော့မှာမို့လို့
လက်တွေ့လိုလိုအိပ်မက်လိုလိုနဲ့
သူ့ရင်ထဲတော်တော်ပျော်နေခဲ့မိသည်။
YOU ARE READING
𝐀 𝐍𝐢𝐠𝐡𝐭𝐦𝐚𝐫𝐞 ❦
Fanfiction"မင်းအတွက်ဆို လူလည်းသတ်ရဲသလို မောင်လည်းသေရဲတယ် ကလေးလေး" 🚬𝑪𝒊𝒈𝒂𝒓𝒆𝒕𝒕𝒆𝒔 𝑱𝒆𝒐𝒏🚬 ------ "မင္းအတြက္ဆို လူလည္းသတ္ရဲသလို ေမာင္လည္းေသရဲတယ္ ကေလးေလး" 🚬𝑪𝒊𝒈𝒂𝒓𝒆𝒕𝒕𝒆𝒔 𝑱𝒆𝒐𝒏🚬 ------
