الملتزم السادي ♡بالدارجة مكتملة♡

الجزء 139

575❤

وتاهو معاونها كملها ومشا حضاها ليها مخلاهاش تمشي ليها وبدات تغبن ليه تاني :حيد نكملها انا لي بديتها.
عهد:واصافي انا نقابلها ليك سيري كملي شكنتي كديري.
ملاك:انبكي.
هز كتافو:بكي.
ملاك:اوووف .
ومشات كتكمل دكشي وحاضياه عصباتو كل مرة تقفزو:واجيهة لوخرى اتحرق/قلبهم راتحمرو/وااوف اعهد شوف كيتولاو متخليهمش يتحمرو هكاك/واكون غاحيدتي/عهودي اتحرقها ومياكلها تاحد/حيد انديرها عليك.
عهد بقلة صبر:ملاك النور انضربك تانطوعك لامسكتيش هانا حاضيها مالك على هاد قوت الهضرة.
ملاك:انا غاكنقولك لاتمشي تحرقها ليا.
سكت كيستغفر الله تاكملو كلشي وهي كتنقز حداه من قنت لقنت كتقاد دكشي وجاو لعندهم يامنة وشمس:الله على رويحة.
ملاك كتفرنس:زوينة زوينة ؟.
شمس:اه تباركلله غامن الريحة باين بنين(شافت فعهد كلو زيوتات)هه مالك نتا.
شاف فحالتو:ازيت تالبطاطا كيطير عليا هانا نطلع نبدل.
خرج وشمس قربت لملاك كتشوف فدكشي لي مقادة:همم هدشي كيشهي الله يعطك الصحة.
ملاك بقات كتشوفيها شحال وشمس كتشوف فالاكل
قربت منها بتردد وعنقاتها جنب كتسنا ردت فعلها وشمس بعفوية حاوطتها بيديها:ههه مالكي توحشتيني.
ملاك تبسمت وزادت زيرت عليها مستنشقة عبير الحنان منها وبعدت بالزربة:ههه اه احم هانا نطلع نشوف عهد ليبغي شي حاجة.
مشات وشمس بدات كتغطي فدكشي باش مطيح عليه والو بينما يامنة بقات متبعا لملاك لعين وشافتها شمس:خمسة وخميس ذكري الله.
يامنة قفزات وتبسمت:اه مشاءلله كنتك باينة فيها دريويشة.
شمس:اه نيت درويشة ماشي غاكتبان فيها اجي عاونيني نديرو شي عصير.
يامنة:هي لولة.
مشات كتعاونها بينما ملاك طلعت بالزربة سدت الباب خبطاتو ومشات كتجري تلاحت فالسرير على كرشها
مخبيا وجها كتبكي غير منتبهة لعهد لي كانت تتسحابو ايكون فالدوش لي غي شافها هكاك داخلة مشا بالزربة عندها:حبيبة مالكي.
سمعت صوتو وقفزت ومسحت وجها بالزربة فالسرير وشافت فيه ضاحكة:ها مم مدوشتيش سير دوش فيك ريحة القلي.
عهد:مافيا مندوش غير غنبدل لاش كتبكي مالك تاني.
طيحات دموعها وتخشات فحضنو مزيرا عليه:اهء عفاك عنقني بزاف اهء بغيتك تعنقني تانتخنق اهء عفاك.
حاوطها باستغراب وبالو مشغول عليها:حبيبة خلعتيني مالكي.
ملاك:والو غي بغيت نبقا بحال هاكا زيد زير عليا.
زير عليها مزيان:هاكا.
ملاك:اه.
عهد:مالكي والله تاخلعتيني.
ملاك:اهء عفاك واخا تسكت.
سكت مخليها تاسكتات:فيا النعاس.
عهد:نعسي رتاحي.
بعدت منو وتقادات بلاصتها وبقات كتلعب فصباعها بتوتر وهو حاضيها:مالكي عاودي ليا احياتي.
ملاك:مماليش اعهد والله.
عهد:واخا انخليك دابا ولكن ركنتسنا تعاودي ليا.
ملاك:رمكين والو غي بغيت نعنقك تشهيت نعنقك ياه.
عهد:والبكا لاش.
ملاك:هكاك بغيت.
ناض خلاها ومشا دخل دوز عليه غي الصابون بالخف وخرج لقاها نعسات ومشا حيد ليها الزيف باش ترتاح وكيقادها وكترجع تاني تشلبخ فنعستها وخلاها براحتها تاسمع الدقان مشا شاف كانت مو:مغتهبطوش تغداو.
عهد حل لباب ودخلو:نعسات.
شمس شافتها:وغا قادها فبلاصتها بعدا.
عهد:والو عيت معاها وكترجع تعوج اخليها مولفة هاكا.
شمس:وخليها ترتاح وهبط نتا تاكل.
عهد:واالو معندو منين يدوز خالعاني عليها.
شمس:ومتشغلش بالك غاعلى الماكلة فاش تفيق نوقف عليها تاكل بزز.
عهد:لا ماشي هكاك.
شمس: ومالها.
عهد:فاش طلعات كانت تتبكي واش قاليها شي حد شي حاجة.
شمس:لا حدك مشيتي هي تبعاتك.
عهد تنهد:صفي واخا مهم اهبطي كولي انا مفياش.
مشات محكراتش عليه حيت مولفاه تاقبل متكون ملاك مكنش تيبغي شي مرات ياكل
سدت الباب وراها وهبطات تغدات مع محمد واسامة لي جاو من الخدمة غاكيتغداو وكيرجعو تاني وسولوها عليهم وعاودت ليهم شطرا فاش مشاو .
تعاشات العشية وبدا يطيح الضلام عاد فاقت كتجبد وقلبت ليه البيسي برجلها كان خدام بيه حداها:ههه ابشوية.
حيدو حطو فالطبلة وشافيها لقاها تاني كتغبع غتنعس تاني:لا لا نوضي وااالو براكة عليك.
ملاك ببحة:اه هاني نيضة.
عهد:نيضة ومغمضة عينيك.
ملاك:فيا الجوع.
عهد:على سلامتي ملي جاك الجوع نوضي ويالله نهبطو نتغداو.
حلت فيه عين:علاش شحال الساعة دابا.
عهد:راسبعة وربع دابا .
ملاك:ويلي لاش مفيقتينيش.
عهد:ههه علاه نتي كنتي غاناعسة تي راكنتي ميتة.