الملتزم السادي ♡بالدارجة مكتملة♡

الجزء 166

683❤
دخلات الداخل تاقربو يمشيو ودخلو دوشو من العرق باش ايشدو الطريق .جالليل كانو وصلو للاراضي المغربية لقاو الرجال كيتسناوهم وحدة مشا فيها حسام ايديوه لدار جبران وعهد ركبو فوحدة كبيرة هو لي سايق وحداه آزر وملاك لور شادا قمر كانت فايقة عويناتها ديال ملاك غالشعير لي باين شوية عندها بحال ديال عهد وصلو لڤيلا تاع باه ومشاو دخلو يامنة شافتهم وخرجت عينيها كضحك تادار ليها عهد بيدو تسكت حيت مقايلينهاش ليهم سولها عليهم قالت ليهم فالجردة ومشا هاجمين عليهم طلقو الدراري مشاو كيجريو عندهم وكيغوتو شافوهم تصدمو عاد بداو كيضحكو وشمس مقاداها فرحة كتعنق فحفايدها وتبوس حيت غاتولدت قمر دارت غي شهر مكاملش وسافرو رجعو لكولومبيا سلمو عليهم ومحمد شد قمر كانت تاسارة واسامة لي ساكنن معاهم مبغاتش شمس تخوا عليها الدار وتااسامة وسارة مكانش عندهم مشكيل كان عندهم وليد وبنيتة البنية عندها 5سنين والوليد يالله عامين كان مطلوق فالجردة كيحبو وحاضين معاه ليمشي لبيسين محمد كان الكبر بان فشعرو وبعض التجاعيد ضهرو على وجهو الى انه باقي شاد فراسو وشمس تاهي لي مهلية فراسها كانت مبدلة لوك مقطعة شعرها فوق لكتف وشيبات مزينن شعرها الاشقر .شمس:مرحبااا بيكم عرفتي شحال توحشتكم.خدات قمر لمحمد:كترا هاد الشنيولة.
محمد:شنو دزتو شفتو عند فؤاد والغالية ولا نيشان هنا.
ملاك قلبت عينيها وعهد نطق:لا نيشان جينا هنا انرتاحو ليوم مشا الحال تالغدا ونمشيو .شاف فملاك:ياك احبيبة.حركت راسها بايجاب وعدم رضى حس بيها وتنهد ضار مكمل هضرتو مع والديه تاعياو الدراري وناضو كلشي باش ينعسو ملاك شافت فالدراري:دابا هادو فين اينعسو.
عهد كينصل تريكوه:رالبيوت عطاهم الله لوحي كل واحد فبيت.
فارس لسق فهاجر:انا نبات مع ختي.
هاجر:افف ديما لاسق فيا .
فارس:عافاك راتنخاف.
هاجر:بنت ليك انا مكنخافش راه سير مع آزر ولا آسر.
فارس:لا هوما خيبن بغيتك نتي.
ملاك:صفي خليه معاك ابنتي.
قلبت شفايفها:وااخا.
دوزت يدها على راسها بحنان:دابا يكبر شوية وميبقاش يبات معاك راتاهو عندو بيتو راشتيه مكيبغيش ينعس.
هاجر:صفي اماما.شداتهم من يديهم:يالله نشوفو فين تنعسو تبعوونيي نتوماا عهد عنداك قمر.
عهد:هاهي الالة.مشا هزها عندو:وشهاد الزين عندي انا ها شهاد الفنون ولدت انا :وكيبغج ليها حناكها بالبوسان كتبقا ضحك وتتبغي تشدلو وجهو وكيهربو عليها كيضحك.ملاك دات الدراري لبيت وفارس وهاجر لبيت قاداتهم فبلايصهم وبغات تخرج تاتبعتها هاجر:ماما .ضارت:نعام.
هاجر جبدت خصلة من شعرها كان مقاد من لتحت كيقادو ليهم عهد هي وملاك تقريبا مرة فالشهر :شعري قنطني.
ملاك:شنو نجمعو ليك اه نجيب ليك بوندا بلاتي.
هاجر:لا اماما ماشي هكا.
ملاك:وشنو.
هاجر كتلعب فصباعها:احم شتي جدا جاها زوين هكاك حد لعنق ياك دابا انا.
ضحكت:بغيتي ديري بحالها.
هاجر:اه.
ملاك:صفي واخا الصباح ونديك عند فين صاوبت جداتك واخا.
مدات يديها باش تعنقها وتحنات عنقتها:شكرا يا احلى ماما.
بعدت باستها :وعنداك فاش يقطعوه لك تبقاي تبكي.
هاجر بحماس:نو منبكيش حيت اينوض ليا تاني يااك.
ملاك:اه الكبيدة ديالي ينوض ويولي طول من هاكا.
عاودت باسها:شكرا ماما.
ملاك:يالله سيري تنعسي اماما اتكونو عييتو.
مشات لسرير فرحانة