الملتزم السادي ♡بالدارجة مكتملة♡

الجزء 148

611❤
ومشات جلست كتبكي حارت معرفت مدير بينما هوما وصلهم غي لواحد الجردة واستءذن خلا ليهم لوطو ومشا شد طاكسي رجع للفيلا وكيدعي انه فاش يرجع مرة خرا مترفضش بينما عهد بقا سايق معرفش فين يديها ديما كيتلف فين يديها
بقا غير غادي فواحد الطوالة والغابة من الجناب ملاك زادت حلت الشرجم ومع الدنيا خاوية خرجات راسها غاع كضحك ودخلت:ديرلنا موسيقى.
عهد برونشا معا لوطو تيليفونو وعطاه ليها دخلت كتقلب على شي مزيكا وكينين شي وحدين معرفتهمش كدخليهم وكتسمع فلوطو وكتبدلها تاني تاعجبتها وحدة وخلاتها وكدندن معاها :همم زوينة.
عهد:امم بحالك.
ملاك:اه حيت انا زويونة همم فين ادينا تخنقت بالطوموبيل شدتني الدوخة.
عهد:والله معرفت فين نديك البحر طلع ليك فراسك شنو فيك الجوع نمشيو لشي مطعم.
ملاك:اه نمشيو لديال المول ديالك واخا بعيد بزاف بغيت ناخد شي حاجة.
عهد:وياك عندك كلشي لاش اتشري تاني.
ملاك:ونقد منشريش رابغيت انتخشا وسط دكشي كيعجبني دكشي عندكم.
عهد اهاه واخا.
اختصر الطريق دغيا وصلو طلعو لطبقة مفروقة تقريبا على المول مكيتسمعش صداعو ومكيبانش غاع راه فالمول نيت دخلو لاسونسوغ وصلو وتمشا شاد فيدها مشابكين وهي كضور فعويناتها كيف العادة كيعجبوها بحال هاد البلايص والخدامين تما لي شافو كيحييه بلباقة كيحني راسو غي شوية بمعنى مرحبا بيك وكيمشي مكمل خدمتو جا واحد مسؤول كيدي لطبالي:مرحبا مسيو عهد شرفتينا فين تبغيو تجلسو.
عهد:خاوية لبلاصة لي حدا الزاج .
الموضف:اه كينة بلاصة كيف ديما تفضلو.
تمشى عهد لتما فين مولفين كيغلسو فاش كيجيبها مرة مرة هنا جلسو وملاك ديما كتلصق على الزاج عاد ترتاح مد ليهم الموني وعهد شافيها:شنو مشهية.
ملاك كتشوف:هممم هاد لي سالاد متقدوش تصاوبو ليا شي وحدة على ذوقي.
الموضف بحرج هي مرت الشي وكتسول رالابغات تايبدلو الموني يبدلوها:طبعا امدام لي بغيتي.
ملاك:همم ءء بغيت هانتا شوف هاد سالاد مبغيتش ديرو فيها هادشي كامل دير ليا ليسوغيز هانتا قولهم يقطعوهم غي فالنص ميقطعوهمش تايتفرتتو بغيتهم هاكاك وميديروش ليا هادا شنو هو هادا.
الموضف كيشوف:هاديك كنديرو الروز البستاني معاها.
ملاك:لا مديروش تاهو.
الموضف كيرمش:صافي سالاد فيها لي سوغيز مقطعن فالنص.
ملاك:اويلي لا وبغيت هادي هانتا شوف شوف مزيان.
الموضف خطف الشوفة فعهد لي حاط يدو على حنكو واليد لخرى حرك ليه يدو وغمض ليه عينو زعما غي سلك معاها:اه شفتو امدام.
ملاك:هانتا شوف انا بغيتكم تقويو ليا الخيار بغيتو صغيييور مقطع والخص عادي مهم كيشلاضة.
شداتو الضحكة:شلاضة؟!؟؟؟!.
عهد:مالك شلاضة داير فيها ماشي مغربي نتا.
الموضف:لا لا حاشة شلاضة.
ملاك:وشوفيا نكمليك ونتا غاهضر معاك بديتي ترعد.
الموضف حال عينيه وودنيه باش ميغلطش:اه اه هانا معاك.
ملاك :وصافي هدشي لي قلت ليك ياك وليصوص قوي قوي ولا شتي جيب ليا شي قرعة انا نكب راسي واخا.
الموضف اه واخا صافي .
قاد الوقفة كيكتب :صافي غي هدشي.
ملاك:همم وشي عصير دليمون بلايس كريم.
الموضف حبس مطلع راسو بشوية كيرمش:هاا نعام.
ملاك:هانتا عصير دليمون اتزيد عليه الايس كريم ويكون دالشكلاط صفي.
الموضف:اه اه واخا واخا.
قيد وضار عند عهد:ونتا امسيو عهد.
عهد شاف فالموني وحطو:الدجاج مشوي وسالاد بحال مرتي.
الموضف كيكتب:اوووك صفي .
عهد:وشي كولا.
شاف لعند ملاك:واش نتي اتاكلي غي ديك السالاد العجيبة ديالك.
ملاك:اه.
عهد:اوك صفي شكرا.
ضار غادي وملاك نطقات:ومتعطلش عفاك فيا الجوع.
ضار:واخا امدام.
مشا طاير لفين كيطيبو حمقهم عاد صيبو دكشي ومبغاوش قالو ليه الموني لي عندنا كنصيبو عليها وبدا كيندب:وارامرات السي عهد لي بغاتو.
واحد من لي كيطيبو :ولاش باغاها هاكا مالها.
الشاف ديالهم:وكون راها كتوحم صيبو دكشي.
الموضف:ايه بحال والو واش كينة شي وحدة بعقلها تقولك عصير بالايس كريم صوبو صوبو ويكون دكشي زوين ومتول ليجري على والدينا كاملين راشتو عثمان شحال هادي فاش هرست التيليفونات كان ايعطبو حمدلله غاجرا عليه.
وحدة تاهي كطيب:اشمن هرستهم مسكينة طاحو ليها مدرتهاش بلعاني.
الشاف:واش اتبقاو شادن ليا النميمة هنا صيبو دكشي داغي.
بداو كيسبقوهم هوما لولين دغيا
وهزو السرباي داه ليهم مبسم:مرحبا بيكم نورتونا.
حط ليهم دكشي:تبغيو شي حاجة.
عهد:لا شكرا.
ملاك بلطف:شكرا.
مشا بحالو وملاك ريغات وبدات كتاكل عجبها دكشي نيت كيتشهات تاعهد عجباتو الشلاضة غاهو مدارش فيها داك لاصوص كيما هي اكتكب وتخشي ففمها شافتو كياكل فصدر الدجاج مشوي معرفاتوش واش دجاج ولا لاداند:شنو هاداك.
عهد قطع ماد ليها:دجاج مشوي تدوقي.
حلت فمها كلاتو :همم بنين.
عهد:يجيبو ليك منو.
ملاك:نن مبغيتش.
عهد:ههه ياك بنين.
ملاك:ههه ومبغيتوش ياه.
كملات طبسيلها وبدات تشوفليه فديالو باقي عامر كيهز مرة مرة وكحزو ليها:واناااري شحال هرافة.
ملاك قلبت عينيها:مقتلكش عطيني مالك محسوس.
عهد:ونتي لي مالك محسوسة شدي كولي براك من التعفار.
ملاك كترمش فواحد كياكل بيتزا :بغيت بيتزا.
عهد معطلهاش شير لسرباي كان واقف بعيد وجا بالزربة عندو :وي مسيو عهد.
عهد:جيب ليها بيتزا.
شاف عندها:ايناهي لي بغيتي.
شيرت لهاداك لي تشهاتها:بحال هاديك عفاك.
السرباي شافها اينا نوع ووراها ليها فالموني وخصرت وجها:مبغيتش الحوت.
السرباي:هاهي ديال الكفتة مزيانة.
ملاك:همم واخا وكتر الفرماج واخا.
السرباي:واخا امدام.
مشا قالها ليهم