الملتزم السادي ♡بالدارجة مكتملة♡

الجزء 162

667❤
عهد:تايجيهم الالة ورضعيهم اش دكشي نتا هممم متبعدش من ديك السيتيرنة تاع الحليب ها ها .
ملاك بقات كضحك عليه بقات حاضياه تاداتها عينها وغفات وهو بقا كيضور بآزر تانعس وحطو حدا خوتو ومشا جلس حداها وتحنا تكا راسو على يدها حاضيها وغمض عينو
بعد ايام
في مشفى كانت جالسة قدام غرفة العمليات وجها صفر والعيا والخوف والحزن مخيمن على وجيها وشادا عندها آزر بينما عهد كلو عرقان كيمشي ويجي بتوتر ازيد من عشرة السوايع وهوما تما كيتسناو يخرج شي حد من دوك الدكاترة لي الداخل ازيد من ربعطاش لواحد كل واحد فاش مختص هالي مختص فتبنيج الاطفال ولي مختص فجراحة العضام باش ميقيسو ليهم تاشي عضم من السيقان وهالي مختص فالجراحة بشتى انواعها وعاد المساعدين والمساعدات
ففصل توام ملتصق ليس بالحاجة الساهلة وخاصة لطفلين يالله كملو شهر وشي اسبوع بما انهم لقاو معندهم تاشي مشكل صحي ويقدرو يتحملو كان بامكانهم يديروها قبل لكن كانت البنت باقا عيانة غادارت جوج سيمانات وتوغضت ولات مزيانة وكتحرك بحال خوتها ونشيطة
فءاد تم جاي عندهم وفيدو شاسيات فيهم الماكلة جا معاهم غاهو بعدما حددو موعد العملية والشي لاخر كلشي بقا فالمغرب مكرهوش كلهم يجيو لكن خدامن وميقدوش كوولهم يجيو لكن دعواتهم مع لوليدات تنجح ليهم العملية .
الغالية وولادها وشمس ومحمد كل مرة يعيطو يسولو واش سالاو وكيقولو ليهم باقين.
فءاد جلس حدا ملاك:شدي ابنتي كولي راك مواكلا والو.
ملاك بتعب:والله مفيا ابا.
فءاد:وداك الولد شغترضعيه ها .
ملاك:راه ناعس.
فءاد:مسكين تاهو مهدن ملي دخلو خوتو بحالا سبحان الله حاس.
ملاك:اه مسيكين مولف غاكنشدو كيبدا يغوت باغي يرضع.
فءاد:ايوة شدي كولي (دوز يدو على راسها بحنان)باش فاش يخرجو انشاءلله بيخير ايكون فيهم الجوع واينوضو ليك بثلاثة متلقاي متعطيهم كولي كولي.
ملاك:معندو منين يدوز والله.
عهد شافيها:كولي واخا مفيكش .
ملاك:رامفياش.
عهد قرب عندها وهز عندو ازر:ماشي سوقي كولي مواكلا والو من لي جينا هنا ودخلوهم.
ملاك:ونتا راك تانتا مواكل والو.
عهد:كولي وناكل.
خدات من عند باها دكشي كلات شوية وعهد بزز عليها كلات كتر وجلس حداها كينقب وشاد عندو ازر بقاو كيتسناو تابانليهم الباب تحل وعهد وقف وملاك بزز ناضت رجليها خاوين بيها خرجو كلهم ووقف عليهم طبيب نطق بالاسبانية ومبتاسم:الشكر لله دازت العملية مزيان هاهوما دابا غادين يحولوهم لغرفة ثانية يرتاحو فيها وتقدرو تشوفوهم.
عهد بفرحة:شكرا بزاف واش بيخير معندهم والو ياك.
الطبيب:لا بيخير كلشي داز مزيان دابا فاش اتسد ليهم الخياطة غيعيشو عادي فالايام لولة ولا بد ميبقا يضرهم واحد الشوية .
ملاك:واش رجليهم عاديين يقدو يتحركو بيهم عادي.
الطبيب:اه وبامكانكم ديرو ليهم عملية تجميلية على حساب الفصل راخلا واحد الاثر ولكن خاص تايبرا اللحم عاد لابغيتو ديروها ليهم.
عهد:اه اه شكرا بزاف.
بقا كيهضر معاه تاحس بملاك تحركت من حداه ضار بانتليه عطات ازر لفءاد وتلقات للفرمليات لي دافعينهم كل واحد بوحدو فسرير فرحات بزاف وبدات كتشوفليهم ومبتاسمة فرحانة وعينيها مغرغرين وتمشات معاهم
عهد شكر الطبيب ومشا معاهم تاهو تابعهم فءاد غادي من لور وهبط عينو لازر لي بدا كيحرك راسو ومخنزر وحل عينيه بشوية ففءاد لي قطب حجبانو:مال جد مك كتخنزر فيا.
ازر حل عينو مزيان الكركوبة كتبان كبيرة فلون لازرق المغلوق حيت باقي صغير وكيحرك فحجبانو بحالا كيزيد يخنزر ففءاد
شداتو الضحكة:يخخ بحالك بحال باك.
كانو نيت ملامحو كيدي لعهد تاشعر كيبان زعيعر عندو دخل للغرفة فين داروهم .
ومشا كيطل عليهم تاهو وتبسم تاهو فرح
ازر بدا كيخصر سيفتو وبدا كيديماري للبكية تاطلقها وملاك شداتو دغيا مبتاسمة وجلسات فكرسي تما حدا ولادها لخرين وفءاد خرج برا كيعيط على العاءلة كيعلمهم بلي نجحات العملية وغيرجعو باش عاد ايديرو ليهم السبوع حيت ملي كانو ملاسقين مكانوش كيلبسوهم غاكيلويوهم فالغطا وليكوش صفي وقالو تايديرو ليهم العملية عاد يديرو ليهم سبوع
مطرطق
عهد بفرحة:الحمدالله كنت مخلوع لمتنجحش.
ملاك:الحمدالله كانو كيبقاو معدبين.
عهد:اه مساكن مهم (تنهد براحة)الحمدلله .
دازت شي خمسيام تحسنت حالتهم شوية واخا باقن مولفو كانو مولفن كيبقاو متكين على بعضهم دابا غاكيبغيو يهزو رجلهم كطيح كيتعغرو كيبقاو يبكيو خرجو من المطار لقاو محمد كيتسناهم سلم عليهم بفرحة
وركبو ديمارا للفيلا عندو غاوصل هبطو مع الدخلة لقاو كلشي مجموع تما الغالية وشمس وخوت ملاك وعيالاتهم وولادهم واسامة هو وسارة تاهوما وعطاوهم الحليب والتمر وكلشي فرحان
والغالية وشمس طلقوها بتزغريت وهوما يفيقو الوليدات بالصداع بكاو شوية وسقلو كيضورو فعينيهم وجلسو مجموعين شمس خدات لملاك الولد لي كان ملاسق:آسِر آسِر حبيب جدااه اشدكشي ههه ها ناكلك ناكلك.
هي كتضحك معاه وهو كيرمش فيها وتاهو مقطب حجبانو بحال آزر فالحجبان والعينين الا الشعر عندو قهوي غامق بحال ديال ملاك وتالملامح مكيديش بزاف لا لعهد لا لملاك مخلط بينهم عهد شاف فملاك كانت هازة البنت وازر شادينو خوتها كيلعبو بيه كل مرة يشدو واحد دوخوه :كون حطيتي هاجر ولا اريها ليا.
ملاك زيرت عليها:لا اخليها عندي.
عهد:رغتولفيها الهزان متبقاش تبغي تحط.
ملاك كتشوف ليها وكدوز صبيعها على جبهتها كتحيد ليها شي زغيبات