الملتزم السادي ♡بالدارجة مكتملة♡

الجزء 134

555❤

شاف للخبز لي كيخمر وعراه طبطب عليه وشافيها:هادشي راخمر ايخسر ليك.
قلبات الدجاجة خلاتها تقلا من الجيهة لخرا
ومشات شعلات الفران ومشات تشوف دكشي لاخر ليتحرق ليها:اووف مشا الحال ايكونو جاين.
عهد شاف للمغانة:لا باقي الحال وعاد ابشوية عليك راماشي اتفنا الدنيا لاجاو وباقي موجد هدشي.
ملاك:لا عاد خصني نبدل ونقاد هادشي فالطباسل ونتولو.
عهد:واتايجيو ويتقاد دكشي دابا ابشوي عليك من قبيلة ونتي تطيري.
مشا شاف الفران بان ليه سخن وحلو بدا كيلوح فالخبز وشافت فيه:لا لا حيد انا نقابلو.
عهد سدو:وهانا انقابلو ليك غاحضي دكشي لي قدامك.
ملاك كتشوفيه بنص عين:وعنداك تحرقو ليا والله وتحرقو تاننن.
عهد رجع جلس فين كان:اش فجهدك مديري لاتحرق مكتاب لينا ناكلوه محروق ونجيبو من الزنقة.
هزت عليه الفرشيط باش كتقلي:والله هاداك دالزنقة لادخل عليا يخخ ديك النهار لقيت فيه ضفر بحالا كيعجنوه برجليهم.
عهد خصر وجهو:يخخ متفكرينيش تفو.
ضارت كتكمل دكشي ومرضاتو كل تانية تقولو عنداك الخبز موسوسة ابوحدها لايخسر ليها شي حاجة من طبلتها لي موجدة وبكثرة مفقساتو جر الكرسي وتقابل مع الفران كيطل عليه من الجاج تابان ليه تحمر وحلو كيقلب فيهم وكيخطف يدو:هااحاح اح سخون سخون.
ميقات فيه:عجبك نزيدك.
عهد هز حاجب وهبط حاجب:رغنسرفقك بوحدة منهم لماسكتيش.
ملاك كتعوج فمها:ايوة باش تعرف كيتنحس فاش كنبقا نقولها.
عهد:وهاديك السخونية ماشي هي هادي.
غمزها تاولات حمرا:اولا الكبيدة ديالي.
ملاك:بحااال بحال.
عهد:اياه واخة ولكن(هز خبزة قاس ليها دراعها هكاك سخونة تانقزات:دابا هاد السخونية(بمكر)اتقولي ليا اه زيدني.
ضورت وجها ايطرطق بالحمورية كتر ماهو حمر مبقاتش ضارت عندو هو لي بقا تيضحك عليها تاكملهم وجا مخرج يدو من الفران وقاس تحت معصمو الفران وبدا ينقز كيالقرد وكيغوت وشاد يدو هازها لفوق:اااااع القلا-ي زهر تاع الز-ب يخخخ واااي احاح يدي تفوووو.
ومشا للما خشاها تحتو وملاك كضحك:ان الله يمهل ولا يهمل.
رش عليها الما:خرا انجي ليك.
سدت الفران لي خلا محلول وخنزرت فيه:ايخسر ليا مالك كنتي تعجن فيه.
عهد:واخا تسناي انا محروق وعاد انبقا عاقل ليك على الفران نسدو.
ملاك:قلنا لك خلي تانقابلو انا.
ضارت طفات على البوطات كملت دكشي ونقسات على اللحم بعدما طلات عليه ومشات جلست مقابلة الخبز وهو كيشوف للحرقة ومخصر وجهو وواقف مكيتحركش تانطقات بطنزة:وابقا تشوفيها راغتبرا بوحدها.
عهد جلس: انا مقسح ونتي تتشفاي فيا.
جلس قالب وجهو كيتفشش عليها باغيها تجي تقلبها ليه زعما وهي عايقة بيه ومخلياه الخبز ميتحرقش ليها عندها اهم هههه كملات الخبز وغطاتو مزيان هو وداكشي لي طيبت ووقفات كتكسل ضهرها ضرها من الصباح وهي واقفة مجلستش غاع تساراح
وضارت عندو لقاتو باقي تما كيليتيم بقا ليه غايبدا يبكي حيت متسوقاتش ليه ومشات جلست حداه كطل على الحرقة لي مخبي وسط رجلو وشاد سيغار كيبرد فيه غدايدو:انشوفليك.
مد ليها يدو لي محروقة وباقي قالب وجهو وبدات تضحك بمكر:وانشوف السيغار واش هو هداك.
ضار عندها معوج فمو وخشاه كلو ففمو وناض كيمضغ:نتييامننه مزمنميانناش.
ملاك:اويلي شكيقول هادا.
لاح يدو فالسما ومشا ساخط جلس فالصالة تيمضغ ويبرغم ابوحدو ومشات كضحك عليه غادة للبيت وتكسل:هاااح ضهري كيضرني مكرهتش شي حد يماسيني افف ولكن خسارة مكين شكون.
دخلات للبيت وكتهضر وتسمعو وهو ودنيه تقلشو وحبس لمضيغ ضور وجهو كيطل عليها من الباب لي تعمدات تخليه محلول بانتلو كتحيد حوايجها بقات بدوبياس ومشات جبدت حوايجها لاحتهم فالسرير وكضور وتكسل وتماصي فضهرها من لتحت زعما ملاقياش شكون يدير ليها مساج وضور وجهو مخنزر كيكمل مضيغو
وكيسمعها كتنهد وكتخرج شي تنهيدات ورا مكيطرطق ليها ضهرها مصبرش وناض مخنزر فيها:مالكي نتي معرية ليا هنا مكينينش الحوايج.
ضحكات وتلاحت فالسرير على كرشها كان جاي زعما باغي يدير فيها معصب ساع قلبات ليها القفة:جابك الله عفاك عفاك شي مساج (بصوت رقيق)اعهووودي.
عهد:اهاه هي لولة.
جلس كيدير ليها المساج ارتاحت مزيان وتاهو عجبو الحال انه كيريحها بعد ديك العية لي كانت تدير تاصونا التيلي كان جايمس خبرو بلي جاين فالطريق هبط باسها وسط ضهرها وشادها من خصرها:راهم جاين نوضي لبسي.
ناضت وهو مشا لدوش كيبردو بالما وهي كتفرنس عليه عاقت بيه
لبسات كسيوة طويلة مستورة ولاحت عليها شال بطريقة مهملة وبقاو كيتسناوهم تاتسمع صوت الباب ومشا حل عليهم عهد وملاك لاسقة فيه باش تستقبلهم تاهي زعما سلمات على ايزابيلا بالتعناق وباست روز وتعانقات تامع اناستازيا سلمات على جايمس غا من البعد وتاهو هانية عندو تبسم ليها حيت عارف دينهم كيف داير وكيحتارمهم كيفما محتارمينو تاهو لي مسيحي بالرغم من ان ايزابيلا كتحاول معاه شوي بشوية باش يدخل للاسلام وتاهو كيفكر فيه غاباقي مزاعم
دخلو جلسو فالصالة حتا تسمع الباب تاني وناض عهد حل تاهز حجبانو زعما اش هاد الزمر تاني.