الملتزم السادي ♡بالدارجة مكتملة♡

الجزء 138

571❤

صفاء شافتها:ويلي هادي مالها.
حليمة:هه مسكينة باغا تبقا.
عهد ناض:هه هاديك راقالك مكرهتش تايولدو عيالات خوتها عاد نديها.
صفاء:ياي ولاهيلا احسن حاجة ادير.
عهد:جيتيني حاملة اما نوريك احسن حاجة كيتادار.
شاف فملاك:ملاك النور يالله.
ناضت كتغبن عليه ووالو مبغاش يخليها ودعوهم ومشاو بحالهم اما الدراري بقاو جالسين غاشوية ومشاو بحالهم واحد واحد بقات غي الغالية وايزابيلا وفؤاد طلعها لبيت ملاك هو لي قريب لبيتهم ويسمعوها لا بغات شي حاجة زائد جاهم هو لي ترتاح فيه حيت شافوها فرحت فاش عرفاتو ديالها الغالية وهي كتقادها فبلاصتها:نزيد نطلعها ليك ولا باراك.
ايزابيلا:لا باراك الله يعطيك صحيحتك.
الغالية:امين دابا تانتيا تبراي انشاءلله ومنبقاش نعاونك.
ايزابيلا:انشاءلله.
الغالية:هانتي هاني غا حداك لابغيتي شي حاجة غوتي ليا واخا.
حركت ليها راسها بالايجاب وشكرتها وخرجت الغالية وطفات عليها الضو حيت مغتوصلش ليه
خلات ليها غي الفايوز لي فالمجر حداها شاعل تقد تطفيه
ايزابيلا بقات كتشوف لغرفتها وتبسمت بحزن تقريبا نفس لي تخيلت تكون عند بنتها فدارهم القديمة المتواضعة شافت للمكتب كانو باقين فيه شي كتوبة ودفاتر مجموعين فالقنت وعينيها دمعو تفكرت ان تابنتها كانت كتقرا باش تولي طبيبة لكن غصبوها فشبابها:الله يرحمك ابنتي الله يرحمك.
تحل الباب ودخل شعل الضو تقدم بلا كلمة هاز كادر فيه صورتهم كبرها وقادها حطها حداها:اخر حاجة بقات ليا منكم.
تبسمت بحزن وجراتها كتشوف فيها بحزن تاهو اكتفى يشوفيها بحزن وخرج سد الباب وطفا الضو مخليها وسط دموعها ضمت الصورة لصدرها وغفات
نمشيو لجهة اخرى كانو جوج اشخاص معصبين:كفاش مشاااو.
مايلا:هدشي عاد عرفتو كون عرفتهم ايمشيو ليوم كون قلتها ليك تصرف لكن مكنتش عارفة بلي ليوم بالضبط ايمشيو.
ماثيو:مامنك فايدة دابا موحال واش يعاودو يرجعو لهنا.
مايلا:ايرجعو سمعت شي خبار انه ايخدم على شي منجم هنا.
ماثيو:شكون قالها ليك.
مايلا:سمعت جايمس واناستازيا كانو كيدويو.
ماثيو:عرفي ليا المعلومات على هدشي فاقرب وقت باش نشوف شنو ندير معنديش الوقت فاي لحضة يقدرو يلقيو القبض عليا.
مايلا:متخافش كون هاني.
ماثيو:هاحنا غنشوفو.
(نرجعو للمغرب وبالضبط فحي شعبي )فواحد الدار مطلوقة موسيقى بالجهد لكن وراء الاسوار مكانتش فقط موسيقى للمتعة او للرقص بل لتغطية صوت القذارة والوسخ والنتانة (دار دعارة)الشيشة والشراب فكل مكان رجال ونساء شبه عاريات ممسوقينش لانهم وسط ناس لي برا كانو ساخطين على الوضع:واش حنا نشوفو المنكر ومندويوش.
راجل اخر:يالله نديكلاريو بزاف هادشي سكتنا بزاف.
تجمعو مجموعة من الرجال ومشاو لاقرب كوميسارية ماهي الا دقائق تاتمو جاين جوج فارغوات فرعو الباب ودخلو بداو كيهبطو فبنادم خارجة كتعاير وتسب سكرانة مكاوية وبدات تدفل على الجيران:والله لا بقات فيكم اولاد القح-ب .
الجارة:سيري انزهة الله يهديك براك متشوهي راسك.
نزهة بدات كضرب فالبوليس:طلق الكلب الزا-مل وبربي لابقات فشي قو-اد .
بقات كتعرعر وضرب تما وطبعا هدشي مغيدوزوهش مرور الكرام داوهم للبنيقة يتجلاصاو وشحال من راجل تشوه مع عاءلتو خلاوهم تما ربعيام بينما نزهة حيت ضربات البوليس والسب والشتم والعرقلة لي دارت ليهم داوها للحبس فين تربا وحد ست شهور زائد غرامة مالية دخلات مشات لبلاصتها وجات وقفت عليها وحدة:شسميتك.
نزهة محاملاهاش:نزهة.
لوخرى بقات كتشوفيها ومشات جلست بعيدة عليها.
جلست بعيدة عليها كتفرج فمجلة تاجات وحدة اخرى كانت فالحمام ولي جات قدامها كتقرصها فلور ودير ضحكة ساقطة ومشات تلاحت على ديك البنت كتعنق فيها وبقات جالسة حداها كتفرج معاها
نزهة بقات مخيبة سيفتها محاملاش المكان هزت عينيها بانو ليها دوك الجوج حاضينها تاناضت هاديك لي عاد خرجت من الحمام جات وقفت عليها وبدات كتقيس ليها فشعرها ونزهة بعدات منها:مال مك كتلمسي فيا.
البنت ربعت يديها:بغينا انتعرفو على الزين انا سميتي صوفيا ونتي.
نزهة نخلاتها وهي تجلس حداها:شتي هاد البلاصة كاملة تحت يدي حيت الفلوس لي عند با مخليا كلشي هنا تحت امري.
نزهة:ولاش كتقولي ليا هاد الهضرة.
صوفيا صفرات لوحدة من السجينات وجات غلست فوق فخاضها معنقاها :حبي قوليلها شكون انا.
السجينة طلقتها بضحكة:هاهاها نتي هي الراجل دهاد البلاصة.
دفعاتها وضربتها ففخاضها:يرضي عليك يالله قودي من قدامي وساعت ليك.
مشات ولخرى
ونزهة كتشوف هازة حجبانها:دايرة ليهم فيها صعصع.
صوفيا:تانتي اتولي عندي كيلكلبة فاش اتشوفي الرفاهية فاش عايشين اه واخا الحبس ولوسخ والحراسة ولكن لي طلبوها كتحضر عرفتي لاش.
نزهة:لاش.
صوفيا:با كيحط الزبابل تاع الفلوس.
نزهة:ايوة صفي هدشي لي بقا ليا ياك حبس حبس شنو مستافدين.
صوفيا نعتت ليها للبنات