الملتزم السادي ♡بالدارجة مكتملة♡

الجزء 161

663❤
ملاك:واسخونة ايتخسر عليها هاء وعاد باقي مصيبناه خليها تاتبرد وانمشيو نصيبوه.
اناستازيا:هاء ولاش تتسوليني انا شغنديرو ونتي عارفا شغديري.
ملاك:وضروري نسول وندير لي فراسي.
اناستازيا:هه واخا شنو انديروه بالشكلاط.
ملاك:انقصموها ياك مع جات غليضة انقصموها على شي ثلاثة ولا كتر ونديرو بين كل طبقة كريم عاد نضوروها ونزوقوها يجي بحال ديال الباتيسريات.
اناستازيا:اه هانتي نديرو من لوسط الفاني ومن برا الشكلاط باش تجي واعرة.
ملاك:ياااس هاكاك لي كنت غنقولك تانا يالله نصيبوه.
مشات اناستازيا جبدت دكشي وبداو كيطربو تاتقالت وقسموها وحدة زادو ليها الفاني ووحدة دارو الشكلاط وخلطو مشات قاست الكيكة لقاتها بردات وجبدتها من الطاوا وبدات كتقسمها بشوية باش متخصرش ليها القسمة وبداو كيجخلطو فديك الكيكة ويديهم كتعمر ويبداو يلسحو زوقوها واخا ممزيانش كتبان زوينة وخشاوها فالثلاجة بيدما جاو
ومشاو جلسو مع ايزابيلا لي كانت كتفرج جلسو تاهوما كيتفرجو تاسمعو الباب كيتحل ودخلو عهد وجايمس عهد شاف فملاك:يالله نمشيو.
ملاك:هاء بلاتي صيبنا واحد الطورطة.
عهد معندوش الخاطر:يالله بحالنا املاك باغا طاغت نشريها ليك عيان باغي نرتاح.
بتغبان:عفاك عفاك ضربت تمارا فيها انا واناستازيا عفاك.
ايزابيلا:خليها اولدي دير ليها الخاطر.
عهد جلس كيرجع شعرو لور:سربي.
ناضت هي واناستازيا جابوها وجابو طبيسلات قطعوها وبداو كياكلو عهد مكلاش غاساهي تاهمست ليه:مالك.
عهد:مماليش.
ملاك:واكول ولا كليتو برا ياك ياك الغدار باينا اتكونو كليتو علينا برا.
عهد:مكليناش والله .
ملاك:ومالك ماكتاكل.
عهد: رامفيا مناكل.
ملاك بشوية وحنان:مال حبيبي همم.
عهد تنهد:واالوو.
ملاك :واخا براحتك.
كملات ديالها وناضو مشاو بحالهم للدار وليديه
اسامة وسارة مشاو سافرو لباريس فين ايدوزو شهر العسل .
دازو ايام وشهور جلست من المعهد حيت صفي مبقاتش تتقد تبقا جالسة بزاف تما
تقلات بزاف والامتحانات باقي مغدوزهم جاوها نيت تقريبا اتكون والدة عهد ولا تقريبا تيخدم غا من الدار قليل فين كيمشي للشركة
فبيتهم كانت جالسة وصابرة للالم لي مرة مرة كيجيها وكتشوف فكريشتها كانت كبيرة وهو حداها مخرج عينيه فيها كانو كيتحركو وكيحبسو مدة وكيعاودو يتقلبو كان ليل وهي لوجع غي مزايد هكاك وصابرة كتقول مشي وقتها غي حيت كيتحركو .عهد باسها فكتفها:باقي مجاك النعاس.
ملاك بالم:لا .
عهد:راك منعستيش ليوم شتك غاع.
ملاك:مممجانيش النعاس نعس احبيبي لاباغي.
عهد:فين عمري نعست قبلك.
ملاك:شحااال من مرة.
عهد ضحك:ياااك.
ملاك ناضت كتمشى لعل ينقص شوية تاكتحس بحالا شدتها (الخرية حشاكم ههه)ومشات للطواليط مقدتش تجلس كتحس صفي غطرطق كرشها وخرجت عندو كتبكي:اهء مقاداش ايي .
ناض قافز:شنو شنو.
ملاك:ايي كنحس بحالا باغا نقضي حاجتي ومقاداش.
عهد:عنداك تكون غي بحال ديك النهار كنتي(بضحكة)باغا اتحزقي غا دخلي قضي راباقي وقتك.
ملاك:اوف صفي هاهي مشات غاع.
عهد شادها داها جلسها بشوية :كون غي نعستي شوية.
ملاك شدت تحت كرشها وغوتت:اااااييي.
بقا كيرمش:مالكي.
ملاك:ديني صفي ايييي لااا صفي مبقيتش قادا نصبر اعهد.
عهد تلف اول مرة تبان مضرورة بحال هاكا ومشا بالزربة جر عبايتها باش كتصلي لبسها ليها ولوا ليها شال على شعرها كيقاد ليها وشاد التيلي بين كتفو وودنو كيهضر مع الغارد يوجدو ليه لوطو ويعلمو الكلينيك لي قريب ليهم عاونها هبطو بشوية وكتوقف ليه كتنفس وعاد كتكمل خرجو لقاو لي غارد واقفين
كانت شوية ديال الشتا كتنشنش نقيطات قلال ركبها وديمارا وصلو وهي كتوجع لور قربت تسخف بالضران وكيتحركو ليها بحالا كيتقادو باش يخرجو
وصلو وهبطها كانو الغارد تابعينو من لور حيت بان ليهم مرفوع ومرهوب
خرجو ممرضات بكرسي متحرك جلست فوقو وكلها عرقت وكتنين بداو دافعينها وهي تشهق وحنات عينيها العباية كتبان فازغة وكتحس بالما سخون هابط معاها الممرضة شافت فيها وشافت لتحت:سربي سربي طرطقات ليها السقية.
عهد بخوف:كفاش.
حنا عينو كيبانلو دكشي كيتقطر :شنو هادا.
الممرضة:الما ديال السقيا يعني اتولد دابا.
عهد غوت :شنووووو.
تحنا عند ملاك مخرج عينو كان يسحابلو امضرورة من بغات تقضي حاجتها:كفاش اتولدي هاا ددداباااا ااتولدي هااا اتولدي.
وصلو لبيت فين كيولدو ودخلوها وشافت فيه وحدة من الممرضات:واش ادخل معاها .
عهد:ها.
الممرضة:واش تبغي تشوف فاش اتولد.
عهد بحالا عاد فاق:اه اه .
دخلات الطبيبة هازا يديها شوية عاد عقماتهم ومشات كتقلب فملاك حيدو ليها العباية بقات غي بصوفيطمة ديالو نيت كانت لابسة وشويرط
الممرضة لعهد:يلله معايا باش تلبس لبسة معقمة.
عهد بدا تيغوت:ولااا ولدات وانا كنلبس بعدي مني باغا تخوريني مباغانيش نشوف ولادي فاش ايتزادو.
الممرضة تحرجات
الطبيبة سمعاتو وشافت فيه:سير تلبس وهنينا الشريف لا باغي تشوف الزيادة دولدك ولا بنتك .
عهد:واغتولد.
الطبيبة:باقي متحلش ليها باب الوالدة مزيان غاسير سربي.
عهد مشا بالزربة مع الممرضة عطاتو اللبسة بدل بالخف ووقف عليهم بقاو اكيرمشو كيدار لبس داغي ملاك قربت تسخف بالضران والطبيبة كل مرة كتقلبها وعهد كينهج ابوحدو:واش باقي ديري شي حاجة شوفي كيمضرورة.
الطبيبة:هاهو كيتحل اولدي معندي مندير كون هضرتو فلول كون درناها ليها قيصرية ماشي تاهبط ليها الولد نسدقو مشرغينها على والو.
جا ينطق ملاك وهي تشد ليه فيدو خاشية فيه صباعها ومزيرة على عينيها