الملتزم السادي ♡بالدارجة مكتملة♡

الجزء 142

587❤

بقا مبسم ورجع غيدخل وكيشوف ليدو لي فيها بعض القطع الصغيرة من الزمرد ومشفش حجرة عكلاتو وشد راسو مطاحش شاف شنو عكلو كانت حجرة خارجة وفيها تقيبات صغااار بزاااف جا يضور وبان ليه طرف ديال الزمرد فوقها سحابو طاح ليه فاش تعكل وهبط ايهزو ساعا مبغاش يتهز ليه وبعد الرملة عليه وبان كيبري جبد ادات كيحفرو بيها يدوية صغيرة وبدا كيحيد داك الحجر لي مضورو محدو كيحيد ولا بغا داك الطرف يتجبد وهو يغوت على شي عمال وجا معاهم تاجايمس قالهم يعاونوه فالتعرية بقاو كينجرو فداك الحجرة من ديك الجيهة لي لقا عهد وفينما يعيا واحد يجي لاخر حيت قاسحة بزاف وكتبغي مجهود بعدو الغبرة مسحو وبان ليه طرف كبير شوية ومتماسك وباقي لاسق فالحجرة يعني باقي مزال مخشي لتحت بداو مكملين تاجبدوه كان طرف كيفرح تقريبا فيه رابعة تاغوت عامل اخر عليهم كان واقف حداهم نيت لقا تقريبا بحال لي لقا عهد وبقاو كيحفرو وعهد قال لعمال لخرين يخرجو يقلبو برا وفعلا قلبو لقاو بزاف تاع المواقع فيهم مكون بين الصخور لي قريبة للمنجم لي ضربو فيه تمارة يالله جبدو جوج طروفا لي كانو كبار ومفيهمش شواءب كبيرة لي كضعفو وتخليه يتهرس بالزربة بالعكس عاطيينو منضر مميز وكيتعالج فتصنيعو بالزيت.
نرجعو عند ملاك لي عزلت كسيوة وشرات كادو ليه وخلات زينة البيت تايجيبوها ليها الكارد رجعو كانت وصلت ديك الثلاثة عيطت لمها بينما كيتسناوهم ملاك عينها على مول خبيزات لي كان مولفن خوتها كيجيبو ليها بالتخبية حسات بشهية كبيرة ليهم والريحة عاطية كتدخليها تالقلبها كتحس بيها

تسنات تاخرجت مها وايزابيلا كانو تاهوما واخدن شي حاجة والغالية بدات كطل معاها:شنو شريتي.
ملاك سدت الساشي:اشي حاجة احم مي اندوزو منلهيه.
الغالية:لاش من هنا قريبة.
ملاك:بغيت ناخد من عند با كريم شي خبيزة.
الغالية خصرت سيفتها:زيدي زيدي متعرفي شكيدير فدكشي.
ملاك:عفاك اشوية.
الغالية:لا والو دكشي موسخ عندو اش بغيتي بيه زيدي لدار ونصيب لبنتي محسن منو.
ملاك بتغبان:لا مكتصيبيش بحالو.
حليمة:اخالتي رالوحم ماشي لخاطرها هانا سبقوني ونمشي نجيب ليها.
الغالية:اجي قالاك كل مرة يخورو نيفهم وتراميهم ويحكو شعرهم غالعفن تما هانتي انصاوب ليك فالدار لماعجبكش انا بيدي نخرج نشريه ليك.
ملاك زمت فمها وزادو وحليمة بقات فيها حيت عارفة لوحم وشكيدير وهمست ليها:انرجعو نسيفط خالد يجيب ليك واخا غا سكتي.
ملاك:لا مبغيتش.
حليمة بقات غي كتشوف وسكتات وصلو والغالية دخلات كتهضر:خااالد باك جا ولا باقي.
خالد:باقي.
دخلو وملاك تمت طالعة والغالية شافتها:واجي قولي اش كيديرو فدك العجب اش بغيتي فيه.
ملاك مضارتش عندها كملت طريقها بعصبية:مبغيتش والو صفي مشات التشهية.
الغالية:غاعلا.
مشات جلست وخالد كيشوف:لاش مالها.
حليمة:بغات تاكل خبيزة من عند با كريم.
خالد ناض:هانا انمشي نجيب ليها.
وملاك غوتات سمعاتهم عرفاتو ايبغي يمشي يجيب ليها:خالد متجيبش ليا مافياش.
الغالية:جلس جلس اش اتجيب ليها داك السم.
خالد:والواليدة راعي ليها راموحمة راخصها تشها وعاد با كريم عندو دكشي نقي.
الغالية:وزيدون دكشي ممزيانش ليها.
بقاو غاكيتنهدو هو ومرتو وايزابيلا مقاداش تهضر تخاف لضور فيها تاهي سمعو بيتها تحل تاني لكن مهبطاتش وحليمة طلعت عندها ملقاتهاش فبيتها بانليها السطح محلول وطلعت لقاتها لفوق وفعينيها شي دميعات كتصايب ليها قيطون بليزورة كانت باقا الشمش حليمة جات عاونتها وملاك حبست البكية مسحت دوك الدميعات بالخف وفرشو وجلسو ساكتين كيضرب بريد زوين تانطقات حليمة:احم كون غاخليتي خالد يجيب ليك.
ملاك بلا اهتمام:لا راقلتلك مشات ديك التشهية.
حليمة بغات ميبقاش فيها الحال:هي بالصراحة ماماك غي خيفة حيت راك حاملة لاتمشي تاكلي شي حاجة مسمومة.
سمعت خالد كيغوت عليها كان فهد فاق وكيبكي بقات جالسة بوحدها شوية كتحس بخيال كيتحرك ضورت راسها كتشوف واحد كيطل عليها ملثم خرجت عينيها قلبها ايسكت هو نفسو داك لي كان كيرمي ليها اللعب ولا كيحط ليها الماكلة فاش مكتكونش واكلة تخلعت تاباش تغوت تسرط ليها لسان بقات غي مخرجة عينيها تتسحابو ايمشي فاش بدا كيتحرك لكن تقاد وهبط للسطح عندها فاش هبط حست بالخطر وناضت غتهبط تاغوت عليها كتسمع صوت باها ضارت شافت فيه وباقا غادة جابليها الله غي تخيلت صوتو تاجرا شدها هزت عينيها وبداو الدموع كيطيحو ليها:اهء طلقني شكون نتا.
بالرغم من ان عينيه بينين الى ان الخلعة نساتها راباها عينيه هاكاك ونطق:انا باك الحمارة:
حيد القب وهبط الكاشكول عاد تنفست:اويلي ابا ومالك على حالتك كيالشفار.
جرها جلسها فالضليلة فين كانت جالسة ومشا لمنين طلع مد يدو جبد ميكا ملاك ابدا كيحلها عطات الريحة ودنيها تقلشو وفمها عمر بالريق جلس حداها ومدها ليها دارت فيها متبتة وكتقلب:احم شنو هادا.
فؤاد:كولي لتخرج فدكشي لي فكرشك شي توحيمة.
ملاك:ولكن باش عرفتي ياك كنتي خارج.
فؤاد:كنت تابعكم .
جات تهضر وقاطعها:اخر مرة تمشيو بحدكم خرجتو مع مك بقاي معاها.
ملاك:ءء واخا.
بقات كترمش فالميكة وجبدها ليها:اتبقاي تشوفي فيها كوليها راغتبرد.
ملاك توترات عمرها جلست معاه حشمت لكن وحمها غلبها وبدات كتاكل كان جايب ليها جوج هو بقا حاضيها مبسم:اناري ياربي السلامة واغاكدبي عليا قولي هاك شوية.
ملاك طلت على التانية:ياك هادي ليك.
فؤاد:لا جايبهم ليكم بجوج.
ضحكات:هاك دوق.
فؤاد دوز يدو على راسها بحنان