الملتزم السادي ♡بالدارجة مكتملة♡

الجزء 147

607❤
عهد باس راسها وهزو ليها شافت فيه ودوا بهدوء:مالك باش حلمتي.
شافت فيه كتمسح عينيها:والو اهء والو غي متخليناش اهء.
عهد:واش حمقة انخليكم رانق-تل راسي لاخليتكم.
بقاو معاها تاتهدنات شوية وهي باقي فعقلها من الحلم غي اليد لي مفيها ميتشاف ديال البيبي.
محمد طمن عليها ورجع دخل كيكمل الخدمة غالفدار بينما اسامة غاتغدا ورجع للشركة شمس بقات معاهم وملاك كتشوف فالارض ساهية وشمس نطقات كدوز يدها على ضهرها حاضناها جنب:ندخلو لداخل.
ملاك:ءء اخليني شوية هنا.
شمس شافت فعهد:كون غاخرجتيها شوية تبدل الجو.
عهد لملاك:نخرجو شوية.
ملاك حركت راسها بالايجاب.
عهد:يالله لبسي.
ناضت دخلات مرفوعة وشمس وعهد تاهوما ناضو داخلين:معرت مالها.
شمس:دابا تولي شوية اتكون امخلوعة غاوجد راسك لبحال هادشي ولاي حاجة وخاصك ادير فبالك راه غي الحمالة وشد معاها الخاطر راميكونش لخاطرها مسكينة.
عهد تنهد:اه راداكشي.
طلع لعندها وشمس مشات حدا راجلها عهد دخل وسد لباب مكينش الحس بانلو باب الدريسنغ مردود وشاعل الضو فيه ومشا حلو وطل لقاها كتلبس بشوية وكتبكي بالحس وعاضة فمها باش ميتسمعش الصوت حل الباب كامل وبقا متكي عليه كيشوفيها تنبهت ليه وشمرت بنيفها ومسحت وجها:مالك حاضيني.
عهد:مالك تتبكي.
ملاك:مماليش غي مخنوقة ابحدي.
قرب عنقها بحنان:لاكان على الحلمة راغي حلمة مديش عليها.
ملاك:اهء خفت ليوقع دكشي بصح اهء.
عهد:لا انشاءلله ميوقعش شنو حلمتي بعدا واش خليتك ولا شنو عاودي ليا.
ملاك بعدت كتكمل اللبس:اه وصفي لبس دغيا باش نخرجو.
جر من الماريو حوايجو وبدل تاهو دغيا وهي باقا عاد كتلوي شالها
تسناها كيقادو ليها من لور وخرجو هز كاسكيط فالكحل فيدو وهي مشات للمراية لي فالبيت تاني كتشوف راسها :واصاافي رامقادة غازيدي.
ملاك:بشوية عليا فف شوف عيني كيكيبانو ندير شوية ديال.
قاطعها:لا والله مديريه راكنخليك ديريه فاش كتكون شي مناسبة وهنا ليا صفي لاش اديريه.
ملاك بتغبان:عفاك اهء اهء كنبان خايبة.
عهد قرب:والله تازوينة كتحمقيني وغازيدي لاش الفتنة دابا.
ملاك:راعارفني مكنديروش فاش كنخرج غاندير انضرق اعينيها مندير لامسكارا لاعكر لاوالو.
حط يدو على خصرو:ديري نشوف.
ضارت كتفرنس دارت نيت غي فوندوتان مبينش غاع ضرقت غي تحت عينيها كان كيبان كحل شوية بالبكا لي بكات مبانش غاع رديرة شي حاجة وتبسمت وضارت شافت فيه وبقا مصغر عينيه باغي يحصلها باش يقولها حيدي الخرا واخا مبين والو غاع كتبان عادي:زيدي قدامي.
ملاك شافت لمراية لاخر مرة وهي ترجع :هاء بلاتي نقاد حجباني.
غوت مخرج عينيه:شناهواا اتقادي حجبانك ياكما كتنتفيهم لمك والله تانتخاصم معاك.
ملاك:اويلي واش حمق نتا (بعياقة ضارت لمراية)مقادين من عند الله الله يحفضني من العين وتانكون ساخط عليا راجلي حبيبي عاد نوض نتفهم.
عهد كيفرنس كيالبهل على ديك راجلي حبيبي:هاح عليك وكيخارجة من فمك كيالعسيلة(جمع الضحك)ااوْ اااوْ ياك قلتي مغديريش داك الخرا.
كانت هازة ماسكارا:الا راغنمشط بيها غي حجباني.
عهد:اااه ديري نشوف.
عصرتها مزيان بقا فيها اشوية ومشطتهم ولاو كيبانو زوينين وهو كيرمش:تابالله تاهادشي سحور.
ملاك:ويلي استغفر الله العضيم.
عهد:وعاد كانو حجبانك ناعسين ادرتيه وهوما يوقفو حيدي حيدي المرض جاوك زوينين.
ملاك:هي كانو خيبين حصلتي.
عهد:لا بالعما جاوك كيشي جنية.
شافت فراسها:بزاف عليك قالاك جنية.
عهد:وحيديهم الله يرحم جدك مفيا لي يق-تل شي واحد هاد النهار ولا بلاش غاع من هاد الخرجة.
بقات كتفرنس ومسحات حجبانها قاداتهم ابصباعها مزيان:لا صافي متق-تل تاشي حد الحبيب ديالي وتمشي لحبس ونبقا هجالة.
عهد ضاحك جنب اش ايمشي للحبس الله يهديك وجايمس لي كيسفطو ليه كيغبرو مكيعرفو تاواش دفنهم ولا لا ولا تاواش عفا عليهم كيقوليه اكون هاني وصافي:اه وتبقاي تجيبي ليا القفة ياك.
ملاك:هه زيد زيد الله يحفضك ليا.
عهد:شتك الالة كترتي عليا بالهضرة الحلوة.
ملاك كتدبل فعويناتها وخشات يدها مع دراعو شادة فيه:ولا مقلتها ليك ليمن نقولها همم.
عهد:واش باغا تخرجي ولا باغا تخليني ندير بالناقص نتي.
ملاك:لا لا صافي زيد قالاك راباغا نخرج نشم الهوا.
زادو خرجو هبطو لتحت قالو ليهم راهم غادين وتمشاو تالبوابة تاع برا تلاقاهم جبران :خارج اسيدي.
عهد:اه خارجين.
جبران:فين غادين.
عهد هز فيه حاجبو:علاه من امتا كتسولنا فين غادين.
بتوتر:اءء ازعما باش نديكم.
عهد:لا غاخليك انصوغ بوحدي.
جبران:ااءء وفين اتمشي واش شي بلاصة مهمة.
عهد دارلو خاطرو ورضا فضولو:معرفناش خارجن غاعلى الله .
جبران مشا حل لوطو :وانديكم لواحد لبلاصة لاجات على خاطركم.
عهد:فين.
جبران بخجل:اطلع نوصلو ونقولك