الملتزم السادي ♡بالدارجة مكتملة♡

الجزء 164

675❤
حركت غي راسها مبقاش عندها الجهد اما لاخر جبد فردي غيتيري فروز وعهد حبسو بعصبية مبغاش ملاك تشوف دكشي خصوصا بقات مخرجة فيه عينيها:اييييه .
الغارد حبس شافيه وعهد حرك راسو:ديها من بعد تانجي .
الغارد حرك راسو بايجاب ورجع فرديه وهبط جرها بالجهد وعهد نوض ملاك :متموتش تنجي.
الغارد فهمو:اوكي مسيو عهد.
عهد:صونيو لشي طبيبة دابا تجي طيرو
الغارد داها جارها ورا الغارد لي معاون لوسي وجبد تيليفونو كيصوني للطبيبة وملاك كتمشى وكترعد:اهء واش مغنتهناوش اهء تالايمتا اعهد تالايمتا اهء اهء .
عهد:ششش كالم حياتي شش.
ملاك:اهء لاا اعهد اهء واش مغيساليوس ها ؟؟ امتا غنتهنا اهءاهء امتا اعهد وليت خايفة على ولادنا اعهد واش مكتفكرش فيهم هاا.
عهد:واش حمقة سكتي براك من البكا رامعرفاش شكتخرجي على فمك.
ملاك:عارفا ونتا عارفني شكنقصد ها ولا بداو يستهدفو ولادنا والله تنموت .
عهد:ششش الله يحفضنا ماحنا على فالك واش انا كلي وغيتجراو على ولادي.
ملاك:كيما تجرءو عليا وسط داري يتجرءو على هادوك لي معندهم لا حول ولا قوة من غير الله ربي لي حافضهم.
عهد:هانتي قلتيها ربي حافضهم .
دخلها والديهم شافوها وحشمو الدراري والرجال وضورو وجهم
وناضت شمس والغالية:الله تكرفصتي جاتك الفيضة.
ملاك:امم يمكن.
الغالية:زيدي طلعي طلعي.
عهد بانتليه جايا معاها ونطق بلباقة مبغاهاش تطلع:غي خليك اخالتي بلاما نعدبوك.
الغالية:اخليني باش نعاونها.
ملاك عارفاه مكيحمل تاشي حد يطلع لطبقتهم لدرجة كيسدها بالساروت حيت ديك الطبقة معتابرها بحال العشيش ديالهم وبلاصة بحالا مقدسة عندو وللان باقي تاحد مشايفها من غيرو هو وملاك ولا الطبيبة لامرضت شي مرة وديك المرا لي كتعاون ملاك وتاهي مكدخل غي للضرورة تما عندهم.
ملاك:مي كون غي بقيتي مع الولاد ليبداو يبكيو.
جات تنطق وشمس
نطقت:احم الغالية نيت رادروج غيعدبوك كون غي بقينا.
الغالية ملقات متقول:هانا نمشي نصوب ليك شي حاجة متاكلي.
ملاك طالعة:بلاش امي مفياش بقاي غي مع ولادي هانا غي نبدل ونهبط حشمت نمشي نهزهم قدام خوتي هاكا.
مشات الغالية وشمس رجعو جلسو وملاك شادة فعهد عاد تفكرت يدو:عهد انشوف يدك.
عهد خباها فخصرها:زيدي باراك من الهضرة وااه شحال فيك.
ملاك:عهد واش يدك مضروبة ونتا كتقولي هاكا.
عهد:راغي جرحة صغيورة متزيديش فيه.
ملاك:واهي لاوريتيني.
عهد حل الباب :دخلي دخلي واش باقا كتهبطلك الدم.
ملاك:اه وليت حالتي اف كنحس بالسخفة.
عهد بغا يجلسها فالسرير:تاشباغي دير.
عهد:جلسي.
ملاك:اويلي غنكرفس السرير صبر هانا نحيد هدشي.
عهد:وغاجلسي رتاحي شو نتي مقادا تاتوقفي.
ملاك:واراه مفيا منبدلو تاني.
عهد:الالة انا لي نبدلو غا جلسي عليه.
جلست بلهلا يطريه ليها وهو مشا بالزربة لتشدو على يدو دخل للحمام عاد ارتاح يتالم فخاطرو شاف فيدو وخصر وجهو مشا لفيترينة الصغيورة لقا فاصمات وقطن وبيطادين وشي بومادات جبد القطن والفاصمات نقا الجرحة لقاها غارقة وبدات كتعطيه الصداع :بففف خاصها تخيط هاد الخرا.
دار بيطادين ونقز من حر الصداع لي جاه بقا كينقز ويشطح ابوحدو تاهدا عليه الحريق وجلس تاني ماكمل تاغفر ليه الله وكيسمعها كتغوت عليه وكيقوليها هانا جاي وباغا تحل عليه
قاد يدو وخرج لقاها كتبدل والسروال لي كانت لابسة كلو ولا حمر وهي مخصرة وجها هزت راسها فيه:اوف لاش كنتي ساد الحمام حشومة عليك.
تنبهت ليديه:صيبتيها بحدك مورتينيش هاااا هانتا داير الفاصة بزاف يعني ضربة كبيرة.
عهد:دخلي لاباغا دخلي.
ملاك:اه اندوش بالخف.
تمشات دخلت وهو مشا جبد تاهو بدل بالخف وجبد باش يبدل لفراش تاسمع الدقان ومشا حل لقاها وحدة لابسة طابلية وقطب حجبانو تابانت ليه دك المرا وراها نطقت وشافيها:الطبيبة اولدي هادي لي لقاو خدامة دابا.
عهد حرك راسو :واخا تسناي هنا تاتسالي مرتي
وسد عليها لباب عاد رمشت كانت كتخضر عويناتها ديك المرا مشات وهي بقات واقفة:شهاد بنادم مكيحتارمش يخ .
ضربت شعرها لاحتو لور وقادت نضاضرها تاتحل الباب وبقات هازا حجبانها باش تبان زعما معصبة غاشافتو تاني وتبسمت بلهلا يطريه ليها
هو بقا كيطلعها ويهبطها :الطريق منين جيتي الطبقة التانية هبطي ليها تسناينا هاحنا هابطن.
الطبيبة:ولكن امسيو ملي انقلبها لتحت لاش مطلعيني تالهنا.
عهد:بامكانك تمشي بحالك مواقفنش عليك نجيبو الف طبيبة من غيرك.
الطبيبة بتبحليس:احم لا ءءء فيناهي الطبقة.
عهد ببرود:لتحت.
تبسمت ومشات هبطت بقات كتسنى لتحت
هبطت لدك الطبقة وجلست فالصالون كتسنا وكضور فعينيها كتبرغغ اما عهد رجع سد لباب وتمشى عندها كانت كتصايب اولويزا وقرب كيطل عليها وتخبات حشمات ولات حمرا:سير اعهد مالك ديما كديرها ليا.
عهد:شتك بحالا نسيتي رانا راجلك.
ملاك بخجل:اه ولكن سير تانلبس سليب.
عهد:اسبحان الله مال شكون كان يصايب ليك ليكوشة فاش مكنتيش قادا تحركي.
ملاك:وااعهودي دابا قادا ندير راسي لاش جاي تطلطل عليا .
عهد جرها من ورا الباب وشافها من لتحت لقاها شادا اولويزة مدرقا بيها:وري نشوف.
ملاك:واااعهد.
عهد:وغانشوف رغتكون عمرات وقيلة نجيب ليك ليكوش.
ملاك:عاااهد.
عهد:نجيب ولا تقضي بديال الدراري هه لا صغيورن علك.
شدتها الضحكة:مالك باسل مالك.
شدها من حنكها باسها وعضها:يخليلي الضحيكة.
فرنسات وبعدت:يالله خليني نكمل.
تنهد:واااخا.
رجعت ردت عليها الباب وهو مشا دا الفراش لي بدل دخلو للحمام تالمن بعد ويهبطو يتصبن لقاها مشللة دكشي لي لي كانت لابسة تبسم