الملتزم السادي ♡بالدارجة مكتملة♡

الجزء 165

679❤
ومخنزر فعمو:مالك مصدوم اعمي هادا هو بابا.
عادل شاف فكوثر بغضب:مخلياني انا وغادا عند البراني(نعت لطونوبيل)شنو على ود هاديك انا عندي الاراضي نبيع ونولي تانا نصوغ حسن منها.
حسام غوت:الاراضي تاع با بغيتي تقول ياك لي خديتو لمي صحة لانتا لادوك عمامي لخرين.
عادل هز يدو:راغنصليها معاك.جبران بغضب:جرب لامبستيش الحيط وحسبتي سنانك منتسماش جبران.
عادل باستهزاء:اووه خلعتيني اتا نووض من القلبة.
كوثر:اهء الله يرحم باكم باراك من الشوهة .
عادل غوت وكيهلل:واااماشي سوقي انا نتي غتزوجي بيا .
جبران شدو من تريكو لي لابس غا بيد داه وجابو مخضو وعادل سكت كيبلع فريقو جاه صحيح اصلا فاش دفعو قبيلة غلبو جبران كيهضر بهدوء:شوف اسيهم عادل غتسد داك الفم ياك هادي واحد جوج غنطلقك غتقلبها ستة تسعود وغتمشي منين جيتي.طلقو وعادل بقا كيضور فعينيه وكينهج وقاد تريكوه :ماغاديش يالله دار خويا انبقا فيها.
جبران(نعت لكوثر)اياه وهاد السيدة فين اتمشي.
عادل بمكر كيشوف فكوثر:تدخل لدارها شفيها.
كوثر باشمءزاز:انا اسي جبران غنمشي نبات عند الجارة.
جبران:ولاش متباتيش فدارك.
عادل:شتي سمعي ليه.
جبران:غتباتي فدارك بوحدك ومغيكونش هاد خينا.
عادل تكا يدو على الباب؛هاد الدار دار خويا ومن حقي وحق خوتي وهي مكتخليناش نسكنو فيها رالمخرجاتش غنجيبو ليها المخزن تخرج صحا ودك الساع تشوف فين تمشي .
كوثر:الدار كاتبها ليا عْمْرْ بسميتي رزق ولادو سبحان الله بحالا كان عارف خوتو مغيرحموناش.
عادل:هايهاي على كويثير تحليك الفم هاا ولا حيت حداك هاد ميخي همم اجي بعدا فخبارك باك وخوتك اتزوجي بهادا.
جبران:فخبار تالمخزن لي غنجيب ليك لامهزيتيش ترمتك ومشيتي بحالك من هنا.
عادل:هاهاا مغاديش يالله وريني اش غدير.جبران ضور راسو كانو الجيران تيطلو كيتفرجو وهبط عينو لحسام ردو لور شوية باش ميشوفش وهو يحل الفيستة بيد وليد لخرى قاد بيها الفردي لي فحزامو وكيهضر ببرود:احم السي عادل بانليا عمرك شتي الشمش فعز الضلام.
عادل كيبلع ريقو وكيشوف للفردي:ءءلاا.
جبران طبطب على الفردي:انشاءلله هادا كيوريها ليك نيشان من الشمش تحرقك لضلمة القبر.كوثر شافت الفردي تخلعت ورجعت لور بدات كترعد.عادل بشوية تلفات ليه المشية:ءءانمشي نجيب فوقيتي.
جبران:سربي.دخل دغيا جابها كيلبس فيها وبقا كيشوفيه:قلبها قلب راه مقلوبة.الفوقية هي هاديك وعادل بالتلفة قلبها بصح ومشا معارفش فين غادي بالفوقية مقلوبة غادي وكيضور وراه كيشوفو ليكون تابعو جبران شاف فكوثر:دخلي لدارك وسدي علك.
حسام جرو:دخل معانا.
جبران دوز يدو على شعيرو:لا اولدي عندي شي خدمة.جر عماد لي باقي مخشي بين حوايجو كان تيبكي بالحس وتحنا عندو:مالك اولدي.عماد عنقو كيبكي وهزو وقف بانوليه الجيران باقن كيطلو وهو يدخل ورا كوثر وسد الباب حسام كوثر دات علياء دخلتها لبيت حطتها وخرجت لقاتو جالس كيمسح لعماد دموعو:شش صفي اولدي.
عماد:اهااء هو عمي اهء خايب تيضربنا.
جبران:واش ديما.
عماد:اهء اهء اه ديما فاش كيجي حيت مي كتجري عليه اهء اهء .
جبران:شش بشوية عليك وهضر.
عماد:اهء انا مبغيتش يبقا اهء يضرب مي ويدخل بزز لدارنا اهء وحنا نمشيو عند الجيران اهء اهء مبغيتش.
جبران شاف فكوثر:واش هو لي ضاربك.
حركت راسها بالايجاب وتنهدت ودموع يتيمة كيهبطو من عيونها