الملتزم السادي ♡بالدارجة مكتملة♡

الجزء 137

567❤

بقاو جالسين تيهضرو وسارة فالكوزينة غتموت بالخلعة
تاجات لعندها شمس:اجي نتي لهنا اقولي شحال ونتي مخبيا عليا.
سارة:شنو بغيتيني نجي نقولك كننن.
شمس:ايه جي قوليها حيت شتي حرارت العيشة لي كانت معيشانا ديك اللفعة تاع نزهة والله وكون عرفتك كتبغيه كون قلتلو يطلقها شحال هادي ساعة مكانت باينة تاشي بنت ونتي كنتي باقة صغيرة.
سارة بشوية:احم ودابا.
شمس بنص عين:شنو دابا.
سارة:احم تتت اءء على قبيلة جيتي سولتيني.
شمس:ومابقا بو تسوال علاه انا عاد انسولك صاافي اغيجي عهد انمشيو نخطبوك وموراها العرس منعطلكمش ارا متوجدي يالله.
خرجات وخلاتها احالة عينيها مصدومة تابدات الضحكة كترسم على وجيهها وهي تقفز شافت شمس رجعت تاني:اه وبلاما تبقاي تجي رتاحي هاد ليام.
سارة:لا انجي نعاونك.
شمس:لا بلاش راك وليتي كنتي دابا ولامكنتوش اتمشيو تسكنو بحدكم نحرت عليك هههه.
سارة:هه على الراس والعين.
شمس غادة:اعنداك لديريها بصح غي نضحك معاك.
تبسمات سارة وعينيها كيلمعو ومشات جلست فالجردة وهو حاضيها من لبالكون مباغيش يهبط وباغي يهبط فضل يبقا حاضيها كتبسم ابحدها كيلحمقة ومرة مرة تبدا تبكي وتبدا ضحك عرفها فرحانة
وتاهو فرحان وهو يبدا يبسبس عليها قطبت حجبانها باستغراب وكضور كتقلب فجيهة الصوت وشير عليها بيديه عاد شافتو تبسمات ليه بخجل ودخلات كتجري هاربة من نضراتو تخشات فالكوزينة تاني
(نخليوهم ونمشيو عند ابطالنا خبرها بالامر وفرحات ليهم خصوصا سارة شحال من مرة كانت كتبكي على كتفها وتعاود ليها على حبها:تستاهل تاهي شحال صبرات.
خاشي نيفو فشعرها
وكيدوز صباعو:اه الله يكمل عليهم.
ملاك:امتا انمشيو.
عهد:صافي سخيتي بيا.
زيرات عليه:لا راك سمعتي مك شقالت باغة تجوجو داغي.
عهد:شي ثلثيام ولا ربعة ونرجعو.
ملاك:صفي افف والله مسخيت بهاد البلاصة.
عهد:دابا نرجعو ليها انشاءلله.
ملاك:انشاءلله.(بقاو داويين تاداهم النعاس
الغد ليه خرجو تاني كيساريها تغداو برا وصونا لجايمس خبرو بلي ايرجعو باش ايزابيلا ترجع معاهم وقاليه يدوز عندو كملو غداهم ومشاو عندو جلسو مجمعين ملاك وايزابيلا واناستازيا فقنت وجايمس وعهد خرجو للجردة باش يهضرو فخاطرهم.
جايمس:ولكن الى مشات واش اتسكن معاه.
عهد:راباينة فؤاد رميخليهاش بعدما لقاها.
جايمس:عارف ولكن مرتو معرفتش واخا دوك ليام فاش كانت هنا كانت كتبانليا كتعامل معاها مزيان تا ماما قالتلي فاش باتت كانت كتبقا عندهم كتهلا فيها.

عهد:اه دكشي راواخا قاصحة قلبها بيض متاذيهاش.
جايمس:لا ماشي هكاك عارفها ضريفة مديرلها والو غي انا خايف حيت اتمشي ابوحدها.
عهد:وانتا قلتي اشي سيمانة وتانتا اتهبط لمغرب سيمانة مدات مجابت.
جايمس:يكون خير .
بقاو ساكتين تانطق
عهد:احم بغيت نهضر معاك فواحد الموضوع.
جايمس:اه شنو.
عهد:شحال من مرة كنت كنبغي نسولك وكنسا.
جايمس:اه شنو هضر شوشتيني.
عهد:على واحد الكادو فعيد ميلاد ملاك النور داك العقد.
جايمس تبسم:اذن عرفتيه.
عهد صغر فيه عينيه:يعني بصح دكشي.
جايمس:اه المناجم لي كنتي حبستي تنقيبهم بديت فواحد فيهم هو لي لقيت فيه داك نوع من الحجر الكريم يسمى ب( Quartz rose=روز كوارتز)وباقين كنقبو لقينا انه متكون بكثرة تما واضطريت نشري الارض المجاورة باش نكملو التنقيب فيها.
عهد:اه مزيان والمنجم الكبير باقي مقربتو ليه.
جايمس:لا باقين خاصينا شي الات حيت كيف شتي فاش كنتي راخطر داك المنجم كل ما حفرنا كتريب بلاصة شحال من مرة كنا انموتو تحت الانقاض.
عهد تنهد:ماكد غيكون تما شي نوع واعر.
جايمس:اه لقاو العمال ديك النهار بعض القطع او نقولو تفرتيت تاع الزمرد الاخضر.
عهد حل عينيه.نوو متقولهاش.
جايمس:اه واخا حاولو يقنعوني باش نسربي فجلب الالت لكن هاداك حلمك خصوصا داك المنجم وكنت عارف ايجي واحد النهار وانعاودو نتلاقاو ونخليه ليك.
عهد:ولكن فف منقدش لارجع راودني داك الحلم خصني نستقر هنا وملاك النور معرفتش واش تقد توالمها الاجواء ولا لا.
جايمس:كنضن توالمها مادامها معاك.
تبسم وبقاو داوين فهاد الموضوع