الملتزم السادي ♡بالدارجة مكتملة♡

الجزء 163

671❤
نسرين:متقوليش هاكاك دابا ربي يفرجها.
نزهة شدت راسها:ندمت ندمت على النهار لي فكرت نخرج فيه من الدار(كتبكي)ندمت بزاااف اهء تامن با مات بسبابي.
نسرين دمعو عينيها:الله يرحمو انزهة عمرو عرف دكشي لي كنتي كديري.
نزهة:بعدا هادشي لي مبرد عليا اهء اهء وولدي بسبابي مشفتوش اهء.
نسرين:ولدك معايا مع خالتو غنتهلا فيه بحالا ولدي .
نزهة:ولا تزوجتي شنو صفي غتلاهاي مع حياتك وولدي غيتزاوط.
نسرين:لا منخليهش انشاءلله.
نزهة:غاكتقولي مغيكونش لخاطرك اهء وولدي انا مسكين ايبقا يحس براسو بوحدو.
نسرين:افف عفاك صفي.
نزهة:اهء خليني نستاهل هادشي لي فيا.
نسرين:واش باقا ديك خيتي مبغات تبعد منك.
نزهة قاست فمها:لاش مبانش ليك الزواقة الجديدة لي دارت ليا.
نسرين:رابزاف ومال هادو لي حاضيين مكيديرو والو .
نزهة:واخا يشوفو يهضرو شوية وكيميكو .
نسرين بتوتر:دابا نتي ياك قالك البنت لي بغيتي تق-تلي صدقت حية لاش ضربوك بالمءبد.
نزهة:دايرا بزاف وزادو غرقوني باش منفنفش ونبقا هنا تامن المحامي لي درتي ليا ملقا ميدير.
نسرين جات تهضر وقاطعاتها نايضة:عفاك انسرين عيانة مرة خرا وجي وبوسي ليا عهد بزاف.
نسرين بحزن:واخا.
تبعاتها بعينيها تامشات وناضت مشات بحالها رجعت لوطيل رخيص فين جالسة هاد اليومين باش كتشوف ختها وكترجع للمدينة الاصلية
دخلت لقات غارد لي موصيه عهد يحضيها شافها وناض خرج بلا كلمة بلا جوج
ووقفاتو:واش فاق.
الغارد:اه عطيتو البيبغون ورجع نعس المرة الجاية تعاودي تسيفطي وحدة من صحاباتك تجي تهزو بلاما تحلمي تشوفيه تاني.
نسرين بخوف:ررااه.
الغارد قاطعها بحدة:حمدو الله مسيو عهد جابو لعندك نتي لي ختها مداهش لخيرية يتكرفص وحمدي الله باقي معرفش راه سماتو عليه ودابا غبري من هنا ورجعي لمدينتك تاتكوني موحشاها عاد رجعي .
حركت راسها بخوف ومشا غبر هو دخلت سدت الباب ومشات كتجمع حوايجها
جمعت حوايجها ومشات هزت عهد الصغيور ومشات بحالها رجعت لمدينتها اما نزهة فاش مشات دخلت غاجلست وقفت عليها صوفيا وعطاتها بركلة لجنبها:فين الق-حبة .
نزهة بالم:شباغا عوتاني.
صوفيا:نوضي صبني ليا حويجي.
نزهة:واخا.
صوفيا بتهديد:داااباا.
نزهة ناضت بلهلا يطريه ليها مشات كدير شقالت ليها .
نرجعو عند الابطال وتعاشات العشية والناس بداو كيجيو ملاك وعهد والولاد كانو فبيتهم كيلبسو
ملاك لبست قفيطين فالغرونة وعهد جبادور فالبلونكاسي ولبسو الوليدات تاهوما دكشي بلدي والدراري تاجا قاليها عهد حقا والواد انختنوهم ليوم.
ملاك كتشوف فالدراري وشاداها البكية:خليهم تايكبرو شوية.
عهد كيقاد الماغانة فيدو:راهم كبار احبيبتي شنو نخليهم تايكبرو يبقاو عاقلن عليها وزيدون الناس كيختنو على عشريام حنا تامن السبوع درناه تافاتو شهر والزيادة لاهوما نجمعو كلشي بلاما عاد نديرو ختانة.
ملاك:ومغيتقصحوش.
عهد:واراغنجيب ليهم طبيب مالي غنجيبليهم حلاق يطير ليهم الز-ب وغيدير ليهم البنج تما تايختنهم .
ملاك بقاو فيها:ناري مساكن كون غي.
قاطعها:ملاااك النووور مالكي مالكي.
ملاك:وارابقاو فيا اووف ومعلمتينيش نتا تاجا وقف عليك الطبيب عاد تفكرتي راك مسيفط الغارد يجيبوه.
عهد:وانسيت ياه دابا اريهم ليا انهبطهم للبيت لي لتحت باش يتختنو .
ملاك:خلي تايسالي السبوع.
عهد:تي اري قالاك.
هزهم وتم هابط وهي هازة هجار وتابعاه هابطن فالدروج:وااعهودي خلي انهبطو لعند الناس بعدا.
عهد:وغندوزهم يتختنو رامكملاش ربع ساعة ونهبطهم ليك سيري سبقيني.
ملاك:لا انمشي معاك نشوف ولادي.
عهد:سيري بحالك قالاك.
ملاك بتغبان:واعفاك ليبكيو ليك والله مساكن.
عهد بحدة:ملاك سيري بلا بسالا نتي باقي تامدخلتهم وغتسخفي بحالا نتي لي غتختني بلاصتهم.
ملاك:واراولادي.
عهد:والداهم مع الجنون مثلا راتانا باهم .
دخل لداك البيت كان الطبيب جالس كيتسناه عهد جا يدفع الباب برجلو وهي تخشي راسها:عهودي هانتا عطيني واحد تايتختن واحد وندخليك لاخر .
عهد:علاااش.
ملاك:اباش ميشوفوش بعضياتهم ويتخلعو.
عهد:ملاك النور حبيبة سسسيري سييري بحالك سييري غبري عليا.
رجعت لور معوجة فمها لتحت:عقل فيها.
عهد:هانا عاقل.
دفع الباب برجلو وهي هبطت بشوية عليها وفيها البكية وكتحيلف فعهد دغيا تبسمت فاش بانتليها الدنيا عامرة شوية مشات سلمت على لي قدت عليه وجلست معاهم جاو خوتها ومعاهم وحدين من عاءلتها وخوتها خداو ليها هاجر داوها معاهم وهي مضورينها العيالات شي ثلث ساعة وهو يبانليها هابط والطبيب هاز آسر وعهد هاز آزر ناضت ومشات عندهم:شنو صفي.
عهد:اه علاه تسحابي غيدير ليهم عملية صفي .
بانتليه وحدة من السرباية ديزة من حداه:عفاك طلعي لطبقة الثانية لبيت لول تلقاي شانطة تاع الطبيب عفاك جيبيهاليه.
حركت راسها بالايجاب ومشات بينما ملاك حاضية ولادها:شششتهم مكيبكيوش.
الطبيب:اه درت ليهم بنج موضعي رادابا شوية غيطير وغيضرو وراه وصيت مسيو عهد كيتبقاو تديرو ليهم.
مد ليها آسر:هاكي ابنتي شدي وحاولو فهاد الفترة متبقوش تبركو على دك الجهة فاش تكونو هازينو.