اخذه صقر وماشي لجهت الحريم نجد شوفي منو معي!
لفت نجد وشهقت أنوس وسرعت خطواتها وضمته وببكي وين رحت مو قلنا مانروح لـ اي مكان نبقى مع بعظ!
أنس وهو ظامها: عند الدجاج و اكلتهم وكانو جوعانين.
نجد بعدته عنه ناظرت بملابسه وكأنها توها تستوعب ريحت البيض واستفرغت.
صقر بستغراب: ايش فيك؟!
نجد: بس من ريحت البيض.
صقر ضحك والكل سمع ضحكته: فيه احد يستفرغ من ريحت بيض
نجد: اي انا وانت يا الثاني امش ابدل ملابسك.
صقر: طيب عبايتك فيها بيض وش بتسوي بتجلسي ترجعي!
نجد: بمسحها
صقر: بس بتجلس الريحه فيه بعطيك جاكيتي طوله تحت الركبه.
اخذت أنس وراحت للخيمه لتبدل ملابس اخوها
عجبك الدجاج!
أنس: ايه مره حلو حتى ماعضني.
نجد: ايه ماعضك بس راح اعضك انا بددت تعضه على خفيف من كل مكان.
دخلت عليها ومتكتفه: حاطه عينك على متزوج؟!
نجد لفت عليها: شقصدك؟!
ليان: قصدي واضح يانجد وبعدي عن صقر.
نجد: مطلق اولاً وثانياً مو حاطه عيني عليه.
فيء: خذي.
نجد: شكراً.
ناظرت بالجاكيت وتذكرت يوم كانت بـ تبوك وحط عليها ذا الجاكيت يوم كانت بردانه نزلت دمعتها وطلعت على طول
نجد: بسم الله شنو فيها!
فيء: مدري مريضه وربي.
خلصت من لبس أنس وخلته ينام لانو من العصر وهو يلعب ما ارتاح ولانام طلعت تمشي بعيد عن الخيمه
صقر: ليه لحالك؟!
نجد: حبيت اجلس مع نفسي شوي.
صقر: تبي تتزوجي!
نجد: ليه تسئل؟!
صقر: لاتفهميني غلط جاوبي على سؤالي وبقلك ليه!
نجد: لا مافكرت ولا ابي اصلاً.
صقر: جدي يبي يزوجك جزاع.
نجد: شنو تمزح صح!
صقر: لا وقال يبي ياخذ البيت ويزوج عمي احمد ويسكن فيه.
نجد: لابالله مو منجده الشايب ذا ويخسي.
صقر: وش بتسوي؟!
نجد: ماراح اوافق وسالفت البيت بقول لـخالي فيه.
صقر: سجليه بأسمك لانو ذحين بسم عمي يقدر ياخذه على شانه ولده.
نجد: مدري بقول لخالي وبشوف.
صقر: على راحتك.
نجد: طيب روح لايشوفونا ويفهمونا غلط وشكراً لك.
صقر: مابينا شكر.
-
يوم جديد على ابطالنا ، بالمطار....
نجوى: سكتي صفارت الانذار ذي.
نجلاء: هو شنو فيه ليه يبكي!؟
وجدان: والله مدري شنو فيه تعبان ولا طفش مدري.
عبدالإله: يمكن جوعان!
وجدان: لاتوي معطيته حليب.
تولين: ايش رايك اخذه معي يا نجوى!
وجدان: ياويلي والله ما اتهنى ولا استانس بسفرتي
نجلاء: ايه بتجلس كل الوقت تفكيرها بولدها وتقلق عليه وكل شوي بتشغلك وتتصل لـ تطمن عليه
علي: وبيطفشنا مابيخلينا نستانس وناخذ راحتنا
عساف: ايه الله يعينك مابتاخذ راحت مع الانسه
عبدالإله وبتسامته ياحاول يخفيها: ماودك تسكت ياعسافوه!
عساف: طيب بسكت
جيلان: وربي طفشت وانا انتظر ليه مانادو ليكون راحت الطياره!
شوي والا ينادي طياره تركيا
علي:اهاا ياحظكم نادو قبل طيارتنا
عبدالإله: يلا بسرعه قبل لاتطير الطياره.
عساف: منجد بروح لتركيا.
عبدالإله: اذا جلست تتكلم كذا ماراح نروح.
اسرعو خطواتهم و وجدان مبتلشه بولدها اللي يصيح وشوي تصيح معه عساف الله يخليك شيله يمكن يسكت وانا باخذ عربيته اخذه عساف وبدا يمشي فيه بسرعه وسكت معه
-
عند بطلتنا...
كلمت خالها وقالت له شنو بيسوي الجد وقال لها بيجي ويتفاهم معه.
نجد: شنو بنسوي ذحين؟!
خالد: راح نسجل البيت بأسمك وماراح يقدر ياخذه.
نجد: طيب وموضوع جزاع!
خالد:تبي تتزوجيه؟!
نجد سرعان: لا وععع.
خالد: طيب خلاص قولي انك ماتبيه ويخسي يجبرك عليه.
نجد: تمام.
خالد: احد بيجيك اليوم؟!
نجد: اي خالتي ليلى والبنات.
خالد: متى بيجو؟!
نجد: قالو لي على المغرب.
خالد: اجل قومي جهزي الأغراض وسوي القهوة والشاهي بنروح للبر وانا بتصل بـ ليلى تجي بسرعه ونروح قبل لاتروح العصريه علينا.
نجد: اوكيه فكره حلوه.
بدت تجهز اغراض البر وسوت القهوه والحلى الشاهي و الفشار وجهزت شنطت أنس ولبسته خالي خلصنا كلمت خالتي؟!
خالد: اي قالت بطريق بس طولت مدري وين راحت.
دق الباب.
نجد: بضحك على طاريهم جووو.
خالد فتح الباب: الحمدالله على السلام بدري.
مها بسخريه: ايه قايله لمي بدري خلينا نتأخر شوي بس الله يهديها.
ليلى: اول شي الناس تسلم.
بعد ماسلمو وخلصو.
خالد: يلا امشو اركبو مافي وقت.
فرح: ياالله يعني انزل من سياره واركب بسياره خلونا نريح شوي.
خالد: اقول امشي بس المغرب بيأذن ونبي احنا العصريه حلوه اليوم.
-
بعد ساعات طويلة بالطيارة ، على اراضي تركيا تحديداً...
لفت عليه بهدوء: عساف
رفع راسه ومسك ظهره بألم: يالله منك يا جيلان.
جيلان: يلا اصحى وصلنا.
عساف بألم: اف منك شايفه نومتي غلط علميني ظهري ورقبتي مره صلبت.
جيلان: لابالله بجلس اراقبك شنو قالو لك!
عساف: جاتني بالحلم!
جيلان: مين؟!
عساف: منو غيرها.
جيلان: أم العيون الناعسه!
عساف: ايه كانت تقول ساعدني كنت بفهم منها ليه بس صحيتيني.
الموظفه: شكل عاجبتكم الجلسه ماودكم تطلعو؟!
عساف: هاه الا ذحين بنطلع.
عبدالإله: وش فيكم تأخرتم؟!
جيلان: طويل العمر ذا كان نايم.
نجلاء: ياحبك لنوم يا عسوف.
عبدالإله: امشو خلونا نشوف لنا فندق و نريح.
-
بجهه اخرا.....
"تحديداً بالبر"
وصلو المكان المحدد وبدو يفرشو فرشتهم ويضبطو الجلسه.
خالد: وين القهوه يا نجد؟!
نجد: بسيارة.
خالد: مالقيتها.
نجد: أنوس كانت معك شنطت القهوة وينها؟!
أنس: قهوة لا في البيت.
خالدبعصبيه: أبداً مو منجدك يانجد تعطي البزر ذا القهوة!
نجد: طيب لاتعصب شنو اسوي كان يبكي يبي يشيل.
فرح: ياحليله ذا الاأنس محافظ على صحتكم.
مها: ولاتزعل يخالي انا سويت قهوه جبتها.
خالد: كفوو والله لو ما انتِ كان ماعشنا.
نوف: مو كأنك ياخال زودتها شوي!
نجد: والله اللي يقول الاكسجين ناخذه من عندنا.
مها بغرور: اي ياحبيبتي موتي قهر.
ليلى: الجو اليوم ماشاءالله لو نتعشاء هينا!
خالد: ولاتشيلي هم بنتعشاء.
ليلى: منجدك انت ماجبنا معنا شي لنسويه للعشاء.
خالد: اخوك مضبط كل شي.
فرح: طيب شنو العشاء؟!
خالد: جايب دجاج بنشب النار ونشوي.
نجد: يالله على ضو القمر والله وضبطت كشتتنا.
فرح: نجد مو انتِ تقولي ولد عمك عنده خيل؟!
نجد: ايه ليه!
فرح: أمانه بنروح له.
نجد: صاحيه انتِ وش اللي نروح له!
فرح: اي نروح فيها شي!
نجد: معرف مكانها.
فرح: ياكذبك توك مالك الا يومين رايحه لها.
نجد: فرح احنا ببر يعني صحراءكبيره وشنو عرفني وين مكانها بضبط!
نوف: يعني جهتها وين بضبط ونروح لها؟!
خالد: صاحين انتم وشهو اللي تروحو لها جهتنا اكيد غير عن جهتهم ومكانهم غير.
نجد: ايه المكان اللي هم فيه قريب منهم عزب غنم ناس واحنا ذحين خلاا على قولتهم ما قريبنا احد.
فرح: طيب شنو اسم خيله؟!
نجد: رعد.
فرح: يهبل الاسم.
مها: تخيلو لو تخرب سيارتنا ومانقدر نرجع؟!
نوف: نتصل على اي احد ويجينا.
مها: تخيلو لو مافي هينا رسال ويمدينا نتصل؟!
ليلي: تخيلي انك تسكتي وتخلي الافكار الغبيه ذي.
-
تحديداً بالفندق...
وجدان: بطلب اكل منو يبي؟!
جيلان: انا.
عساف: وانا بعد.
نجلاء: مو اول تقول تعبان تبي تنام؟!
عساف: طار النوم.
نجوى: عاد انا بروح انام ياويل احد يزعجني.
وصل الطلب وقالت جيلان انها بتفح وتاخذه منه اخذت الطلب ورجعت لهم.
عساف: ياهوه وين وصلتي؟!
وجدان: بنت نكلمك احنا!
جيلان: هاه لا بس ياحلوهه والله يهبل.
عبدالإله وهو جاي لهم: منو اللي يهبل؟!
جيلان: اء اكل ايه الاكل ريحته تهبل.
مات ضحك عساف على ترقيعتها البايخه والله انك مجنونه ياجيلان.
جيلان وهي تضربه: اصه لاتفضحني.
-
في البرر....
الساعه10:00
يوه ياأنوس وربي كف اجلس هينا لاتروح بعيد.
فرح: الله يشغلك مثل مااشغلتينا بذا الولد.
نجد: وربي جنني ولدي ذا.
مها بضحك: وربي صدق ولدك عشتي الامومه مايحتاج تتزوجي وتربي اولااد شفتي الشقى بعينك با أخوك.
نجد اللي تذكرت فعلت جزاع لها وكلام الجد انها تتزوج جزاع تضايقت ووضح على وجهها.
فرح: بنت شفيك؟!
نجد: هاه لا مافيه شي.
نوف: اقول قولي واخلصي علينا.
مها: شنو صاير معك؟!
خالد اللي عرف انها تذكرت جزاع: قالت لكم مافيها شي وشبكم عليها!
ليلى: وانت ياخالد واضح انك عارف شنو فيها قول مو احنا عائله وحده ومانخبي كلام عن بعض تكلم؟!
خالد: بس جدها قال انو بيجوزها جزاع وياخذ البيت.
ليلى: يخسي والله يخسي.
فرح: خير يابوي الا جزاع والله ماتاخذه.
مها: شنو معنى جزاع لو قال صقر اهون!
نوف: احس جزاع هو اللي قال يبيها.
نجد: شقصدك؟!
نوف: قصدي واضح.
خالد: صاير شي؟!
مها بتوتر: لا ياخالي بس تعرف نوف وخرابيطها.
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
