ليلى: اصه خليني اسمع من البنت من اللي ضربوه!!
فرح اللي قالت لها نجد مين اللي ضربه بس ما قالت لها عن عساف: مدري تقول ما عرفهم
ليلى: حسبي الله على بليسهم
فرح بعصبيه و تتذكر فعلاته في نجد: خليه يستاهل و ياليتهم موتوه و ترتاح منه تف عليه
نوف: بس اللي يفكرني وش يبون من جزاع؟!
مها: يمكن ماخذ منهم فلوس و مارجعها لهم و يعطونه درس
نوف: والله شكل حلال فيه
مها اللي وقفت على أتصال فهد و بحزن: ياربي شكله جاء قبل سيف
ليلى: ردي عليه
مها: هلا!
فهد: احنا برا افتحو الباب
لفت على أمها و عقدت حواجبها: كيف أنتم برا؟!
فهد: أفتحي و بتعرفي مين احنا
مها: طيب
سكرت الخط منه: يقول احنا برا أفتحي الباب
ليلى: وش فيك واقفه طيب روحي أفتحي تلاقين أمه معه و أنتم ليه واقفين كذا روحو أدخلو الرجال بيدخل ذحين
دخلو فرح و نوف و فتحت الباب لهم مها وأستقبلتهم ليلى ببتسامتها و تراحيبها و دخلتهم غرفت الضيوف
ليلى: تو مانور البيت
أم فهد: بنورك والله
فهد: كيفك يا عمه طمنيني عنك؟!
ليلى: بخير وله الحمد أنتم طمنونا عنكم أخباركم كيفك عساكم بخير ؟!
أم فهد هي حزينه على و فات ولدها وبتسليك: الحمدالله
ليلى: الحمدالله
فهد ببتسامه: كيفك يا مها؟!
مها اللي جالسه جنب أمها و منزله راسها و تفرك يدها بخجل: تمام الحمدالله
فهد: جعله دوم يارب
أم فهد: وين بنات الثانيات؟!
ليلى: داخلين جوه
وقف فهد و عدل ثوبه: أنا أنتظركم برا يلا مع السلامه
أم فهد: عاد احنا جاين ناخذ بنتنا وان كانك جاهزه يلا خلينا نطلع و مانطول على فهد
وقفت مها و هي تعدل جلبيتها السوداء المطرزه بذهبي: ايه جاهزه بروح أطلع أغراضي و ألبس عبايتي
بعد ما طلعت من عندهم لفت ليلى على أم فهد: توكم جاين ليه ماتجلسو تتقهوون عندنا و تتعشون؟!
أم فهد: تسلمين والله بس أن أبو فهد مسوي عشاء لـ فهد و مها فادوبنا نروح
ليلى: ماشاءالله
~
فرح: خلاص يعني بتروحين؟!
مها: ايه
فرح بحزن: راحت نجد ذحين أنتِ بنمل من بعظ أنا و نويف
نوف: وبعدها راح تروحين أنتِ و أجلس لحالي
فرح: ما قلت أني موافقه يمكن ما أوافق
نوف: ايه واضح مانك موافقه
مها: خلاص أنتِ وياها و تعالو ساعدوني بغراضي أطلعها برا
فرح: يمكن فهد بالحوش!!
مها: لا قال بينتظرنا برا
نوف: أكيد ماراح أنتِ تحطي أغراضك بسياره!!
مها: لا ماراح احطها ساعدوني نحطها عند الباب و بقول لفهد يحطها بسياره
فرح: يلا بسم الله
بدو يشيلو أغراضها وحطوها عند الباب وطلبت مها من فهد يحطها بسيار ودعت أهلها وحزينه على تأخير أخوها وعدم وجوده طلعت وسكرت الباب جاء ونزل من سيارته بسرعه
سيف: مهاا!
كانت بتركب السياره وقفت على مناداته لها لفت عليه بفرحه: سيف الحمدالله جيت
راح وضمها: كيف ما تبيني أجي و أنتِ البكر حقتنا
بعدت عنه وضربته على صدره بخفه: اسكت
سيف: خلاص بتروحين و تخلينا؟
مها: ايه بس أكيد راح أجيكم وما أخليكم
سيف: غصباً عنك يا حبيبتي و حتى لو ماجيتي بجي أخذك من كشتك وأجيبك لنا
فهد نزل من السياره و بمزح: يمكن أمنعك تاخذها!
لف عليه: اوه صهرنا ما أتوقعها منك
جاء وسلم عليه و ببتسامه وعيونه على مها: اي وقت تبونها بجيبها لكم بس ما تطول عندكم بعد أنا بشتاق لها
نزلت راسها و منحرجه من كلامه
سيف: حركات بتشتاق
فهد: زوجتي ويلا نستأذنك لازم نروح
حط يده على كتف مها و جابها بحظنه: لا أوصيك عليها مثل ما أخذتها معززه و مكرمه من ذا البيت تكون في بيت زوجها معززه و مكرمه
فهد: أبشر
باس راسها وراحت ركبت السياره وهي تلوح له
دخل البيت وبدا يرفع صوته: يا أهلي أنا جيت
طلعت بسرعة من الملحق و نطت على ظهره
سيف: ادري أنك فريح بس بشويش لا تطيحين
ليلى هيا طالعه من البيت شافتها على ظهر سيف: بسم الله جايبن معك قرد
نزلت من ظهره: الله يصلحك يا يمه تشبهيني بالقرد!!
سيف: ماعلينا منك ما رحبتو فيه
ليلى ببتسامه: ياهلا بولدي ياهلا بضي عيني
فرح: عشتو واحنا وين رحنا؟!
باس راسها ويدها: الله يخليك لي و أنتِ أسكتي يا الغيوره
فرح: اننننن
نوف اللي طالعه و بيدها كوب شاهي أول ما شافته شهقته وطارح من يدها و ركضت له و ضمته: سيوفي و اخيراً
سيف: لهل درجه مشتاقه لي؟!
بعدت عنه وباسته على خده: مررره والله
فرح اللي بعد ما لاحظت بالكوب المنكسر على الأرض شهقت و صرخت: نويييييف
الكل لف عليها بستغراب
جات لعدها بسرعه و مسكتها مع يدها: من سمح لك تاخذي كوبي هاه؟!
نوف: عاجبني شسوي؟!
فرح و شوي و تبكي: لا بالله عاجبك و مو لك و تاخذيه
نوف فتحت يدها منها: اوه خلاص طيب ذحين بغسله ورجعه مكانه
فرح: كيف ترجعينه و هو مكسور بتجننيني أنتِ
ناظرت بالأرض اللي عليها قطع الكوب المنكسر: ايه والله مكسور
فرح بعصبيه: ايه يعني وش رايك طاح من يدك و ماتبينه ينكسر؟!
ليلى: خلاص فضحتونا
جات وعطتها كف: ولا بالله ماتدرين أنه أنكسر بس أياني وياك تاخذي من أغراضي فاهمه؟!
جات بتظربها راح و مسكها بسرعه: نوف اهدي و أنتِ يا فرح تراه كوب عادي تروحي لسوق و تشتري نفسه و احلى منه بعد
فرح ببكي: عندكم كوب عادي بس عندي أنا لا الكوب ذا هديه من أبوي الله يرحمه كنت محتفظه فيه و تجي ست الهانم تاخذه بارده مبرده
نوف: وش دراني يا مريضه
ليلى: بس تحملت و سكتت قلت على الله يستحون على وجيههم و يسكتون بس لا لا أحترموني و أنا وقفه ولا أستحو من أصواتهم العاليه اللي خلق الله كلها تسمعها
فرح على حالها: أسفه والله يا يمه بس قهرتني ليه تاخذ كوبي بدون أذني بعدين مو أي كوب
نوف: انـ...
قاطعتها بسرعة: أسكتي أنتِ ولي سويتيه شي غلط أشرد باصبعها على البيت ، روحي أنتِ ويها شوفو أشغالكم و يارب أسمع لكم حس والله لجي بذي الحذيان
فرح بهدوء: طيب
نوف: أبشري
بعد ماراحو و دخلو البيت و كل وحده توجهت لشغلها راح و مسكها مع يدها
سيف: تعالي يا يمه أستريحي
ليلى: أن أرتفع ضغطي أعرف أنه من ذولي الثنتين
-
في بيت أبو جزاع...
جالسين الشخصين بوصط الحوش وقبالها طوفريه القهوة
جزاع: يلعن أم الطفش كيف تتحملون تجلسون بالبيت؟!
نجد: على شان تحس فينا
جزاع: ليه مارحتي طيب مع أمي و خواتي لـ خالتي؟!
نجد: ما أحب أروح لناس معرفهم
جزاع: طفشت ايش راح نسوي؟!
نجد: شرايك أروح لبيتي وأنت تروح للغنم عند عمي!!
لف عليها: ماسمعتك يا هانم تبيني أروح ليجون لي مره ثانيه
نجد: خايف منهم يعني؟!
جزاع: ماني خايف بس مو ناقص ظرب و أنا مكسر
نجد: ايه و اضح
قرب منها وحط يده على رقبتها وقرب وجهها منه: احس أنك تعرفيهم بس ما تبي تقولين؟!
نجد برتباك: لا وش اللي أعرفهم
جزاع: صقر
أتسعت عيونها ولاحظ فيها أبتسم و كمل : و سيف
نجد: لا مستحيل سيف لانه وقتها كان مو فيه و صقر مستحيل يسويها شيبي منك؟!
جزاع: يحبك وبينتقم مني
فكت يده و وقفت بسرعه: صقر يشوفني مثل ضي و فيء
وقف ومسكها مع كتفها و شد يده عليها: ليه خفتي طيب وليه تدافعي عنه كذا؟!
نجد بألم: لأنه بريي
جزاع فتح يده منها و بصراخ: ليه يا نجد تدافعي عنه ليه تحبيه كذا وبعد ليان بدت تحبه و تحاول ترجع له
هي اللي محطيه يدها على أذونها ومغمضه عيونها بخوف من صراخه
و هو مازال يتكلم و يصرخ: الكل يحب صقر و يوقفون معه و يضحكون معه سلطان أنس العنود عمتي رهف و أمي احياناً و أنتِ الا أنا محد يعبرني مثله وش سويت لكم وأنتِ كنتي ماتبي تتزوجيني بس هدتك و خفتي بس ذا مو زواج ترا
عقدت حواجبها: كيف مو زواج؟!
غمض عيونه بقهر من عدم أنتباهه على نفسه: ولاشي و روحي ألبسي عبايتك بسرعه
جات و وقفت قدامه: فهمني شقصدك ذا مو زواج؟!
جزاع: ا. قصدي موافقتك بدون رضاك يعني و افقتي على شاني هدتك وخلاص لا تكثرين كلام معي روح ألبسي عبايتك
نجد بفرحه: يعني راح أرجع لبيتي و طلقني؟!
رفع راسه بسرعه: وش اللي ترجعين لبيتك تحلمين
نجد: وين بتوديني أجل؟!
جزاع: بنروح للغنم
نجد: مو بصاحي وربي
جزاع: ما سألتك أشر بصبعه أتجاه البيت ، أخلصي عليي و بسرعة
نجد: شبنسوي هناك؟!
جزاع: نجد ماني فاتح مكتب أسأله لتسئليني بنروح وتعرفين
نجد بملل: طيب
-
بيت أبو لانا...
لانا: متوقعته كذا والله
تولين بحزن: حتى أنا أول ما قابلته شخص حبوب وكيوت بس صدق إذا عاشرت شخص تعرفه صح
لانا حطت يدها على كتفها بحنيه: معليك يمكن يتغير لو جاء الطفل يمكن لو شاله لحضنه يحن ويندم أنه كان بينزله
تولين: والله مدري يختي بس يارب يتغير
لانا: ندمانه أنك أخذتيه؟!
تولين: لا لاني أحبه بس الي خلاني أغضب منه قراره ذا
لانا: ياليتك سمعتي كلامه و أخذتي الحبوب
أتسعت عيونها من كلام أختها: تستهبلي يا لانا صح؟!
لانا: لا والله جاده بكلامي
تولين: مع علي أنتِ ذحين مو كنتي تقولي عادي أحملي؟؟
لانا: لا فهمتيني غلط قصدي يعني كان أخذتيه لفتره يمكن بعدين يغير قراره وهو يطلب منك أنك لا تاخذين الحبوب وأنه يبي طفل
تولين: مدري احس صح لو سويت كذا لانو ذحين مو بس مايبيه الا كارهه وكارهني
لانا: ليه؟!
تولين: لانه خلى الطفل على شان أبوه عمي قال لو نزل مانك ولادي ولا أعرفك ويحسب أنا اللي قلت له وشكيت لهم عن ولدهم اف يا لانا شسوي
لانا: معليك مع الوقت بيرضى صدقيني وبيرضى لو جاء ولده وراح تفرحين وتعيشون أنتِ و ولدك و زوجك احلى حياه إن شاءالله
تولين: يااارب بس لاتقولي لا أمي و أبوي لانو ماقلت لهم ومثل قدامهم أنه فرحان ويبيه بعد
لانا: شف الحيوان صدق يعرف يمثل هو وجهه
تولين: ايه أنصدمت وربي مثل كأنه يبيه صدق بعدين كذا أبتسمت قلت يمكن يبيه وغير رايه بس لا هذا هو خلاني عند أهلي ولا يبي يشوف وجهه
لانا: خليه هو الخسران و الحمدالله أنه خلاك لانو أنا بجلس بعد و ولادتي قربت
تولين بفرحه: أستحلفك بالله
لانا هزت راسها ببتسامه بمعنى: ايه
ضمتها وضحكت من قلبها: الحمدالله قربت أصير خاله
لانا ضحكت من كلمت "قربت" وضربتها بخفه: بشويش بطني غفصتي بنتي
بعدت عنها وحطت يدها على بطن أختها: أسفه ياحبيبت خالتك باست بطنها و وقفت ، بروح أساعد أمي لاتقول ماعندي بنات يساعدوني
لانا ببتسامه: أعرف أمي بترجعك
تولين: ليه؟!
لانا: قبل يوم كنت حامل قالت أرتاحي لا تساعديني ولا شي
تولين: ذا يوم كنت موجوده و أساعدها ذحين مافي أحد معها يلا بروح لها و أنتِ ريحي
لانا: تمام
-
في بيت العمه رهف...
جالسين بالملحق و غارسين بسوالف وضحكهم وثلاجه الشاهي قدامهم
رهف: مافضيت والله أشوفها
فيء بكذب: فاتتك ياعميمه صارت تهبل
رهف: أستحلفك بالله مسرعها تتغير؟!
فيء اللي مستمره بالكذب: ايه تغيرت ماهي نجد اللي نعرفها قبل طلع الزواج يغير
أم صقر وهي ماسكه الضحكه: ايه بعد فيه شي ثاني ولا؟!
فيء: لا بس ذا
ضي: ياكذبك يا الكذوب حرام حرام
ضربتها ورست على اسنانها: أمسكي لاسانك ماتعرفين تمسكينه
ضي: لا
رهف: يعني الحين جالسه تكذب عليي؟!
صقر هو ماسك فنجال الشاهي وبضحك: والله ما توقعت يا عمه انها تمشي عليك وصدقتيها
رهف: أني أعرف فيء كذوب بس قلت يمكن صدق تغيرت
أم صقر: لا تصدقي شي من فيء
فيء: ياويلي يمكن فيه يوم أقول الحقيقه و تكذبوني!
صقر: محد قلك تكذبي علينا وذي مي أول مره
ضي: أنا مدري كيف قلبها يطاوعها على الكذب!
فيء: مو كذب مزح
أم صقر: حتى و أنا أمك غلط كذا
رهف: لا عاد تعيدينها طيب؟!
فيء: أبشري يا عمه أخر مره إن شاءالله
صقر: مظنتي والله بتخلينها
فيء: أحب المزح بمزح معكم بس
صقر: نفس الشي مزح كذب نفسها
فيء: لا تختلف
رهف: خلاص خلونا مو السالفه ذي و الا أنس عرف أن نجد تزوجت جزاع؟!
صقر: لا ما قالت له
رهف: وليه؟!
فيء: لانه مايحب جزاع و يكرهه و إذا عرف أنها متزوجته كرهها
صقر: يوم زواجها راحت للفندق و خلته و كرهها مدري بعدين كيف رضى
رهف:طيب مستغرب من عدم وجودها بالبيت و يبي يروح معها؟!
فيء: مدري
ضي: ماقالت لنا
أم صقر: يمكن قالت له ماندري يوم أنه جالس ببيتهم وما يبي يروح معها
رهف رفعت صوتها: العنود على وين؟!
أنس ماسك بيدها: بنروح عند نجدي نبي نشوفها
العنود: أمانه أمي بروح مشتاقه لها
رهف: طيب روحي وأنتبهي لاتروحين بعيد
العنود: طيب
وقف صقر و هو يعدل ثوبه: أنا اللي بوديكم لها مشينا يلا
أنس بفرحه: يلا نروح لنجدي
العنود: هي ليه ببيت عمي صالح؟!
أنس: تقول على شان أعطينا بيتنا لخالتي ليلى
ناظر بـ أنس: قالت لك كذا؟!
أنس: ايه قلت لها بروح عند بيت عمي مصلح قالت لا
العنود: صح ذكرت هي متزوجه جزاع
فتح يده من العنود: لا مو متزوجته
العنود: الا شفتها يوم راحت معه بسياره وقالت لي أمي تزوجو
أنس ببكي وصراخ: لا نجدي ماتتزوج جزاع هي ما تحبه
جاء و مسكه مع يده: أنوس حبيبي هو نصيب فعادي لو تزوجته
أنس هو يبكي: لا نجدي قالت ماراح تخليني مثل أهلنا يوم خلونا و قالت ماراح تتزوج
صقر: هي ماخلتك و إذا تبي تشوفها في أي هاذا هو بيت عمي صالح روح لها و شوفها
أنس: طيب ليه ما قتلت لي؟!
صقر: مدري بس لاتزعل منها يمكن ماتبيك تزعل منها على شانك تكره جزاع
أنس: ماراح يسوي لها شي صح؟!
صقر: يخسي
العنود: صح حبوب وطيب تراه
أنس: لا جزاع كريههه
صقر: طيب خلاص شرايك نروح للبقاله بعدين أوديكم لنجد
أنس: طيب و بشتري بطاطس لنجدي فيه بطاطس تحبها مره
وقف ومسكه مع يده و بدا يمشي فيه: ايه أعرفه
-
في مزرعت أبو جزاع...
جالس عند الغنم ويحلب و هي واقفه وراه ناظر فيها: ليه واقفه؟!
نجد: ايش تبيني أسوي؟!
جزاع: مدري سوي أي شي
نجد: مثل أيش؟!
وقف وبعد عن الغنم: مثل أنك تحلبين الحين يلا
نجد بضحكه سخريه: تمزح صح؟
جزاع: لا و بسرعه قبل لاتروح
نجد بعدت عنه شوي: معرف و ما أحب
جزاع: صح تذكرت ياحرام ماكان عندكم غنم و أبوك ما علمك؟!
نجد: مو كل ما زانت الجلسه قلت أبوك أمك ما علموك
جزاع: و أنا صادق
نجد بعصبيه: لا مانك صادق
جزاع مسك الغنم اللي كانت بتروح: بسرعة أحلبيها
سمعت صوت عمها لفت وراحت له جري اما جزاع ناظر فيها: طيب يا نجد
نجد بفرحه: عمي مصلح!
أبو صقر: هلا وش الصدفه ذي؟!
نجد بكذب: جيت أغير جوو
أبو صقر بستغراب: نجد تجي تغير جوو هينا عند الغنم؟!
نجد برتباك: ايه
أبو جزاع هو جايه بعد ماشاف أخوه في مزرعته: ياهلا تو مانور المكان
أبو صقر: بنور صاحبه
ناظر في نجد بعبوس: أنتِ وش جابك هينا؟!
نجد: ا....
جزاع اللي جايهم: أنا اللي جبتها
أبو جزاع: وليه مو كنت مانك جاي شطرا عليك تجي وتجيبها؟!
جزاع: طفشنا و أمي و خواتي مو فيه قلنا نجي و نغير جوو ناظر فيها ، صح يانجدي؟!
ناظرت فيه وهمست: ماني نجدك ولا عاد تقولها
أبو جزاع: لو جوو اليوم وش بتسوي لا أنا ولا عمك فينا شده نفزع لك ناظر في نجد و رفع العكازه ليئشر عليها ، ولاا جايب ذي معك لو سوو فيها شي
نجد بقهر: ذي لها أسم ياعمي
جزاع: لا مو جايين
أبو صقر: مين اللي يجون و مين اللي مو جايين وش صاير؟!
أبو جزاع: تعال خلنا نجلس هناك و أقول لك وش صاير
جزاع: روحي سوي القهرة و الشاهي بسرعة
نجد بملل: طيب
أتجهوو للمكان اللي بيجلسو فيه و أتجهت نجد للمطبخ لتسوي اللي طلبه منها جزاع بدا يتكلم أبو جزاع و جزاع لـ أبو صقر و وش صار لجزاع جابت القهوة والشاهي حطتها على الأرض و بدت تصب لهم وقف جزاع بعد ما شاف سياره الشرطه جاتهم و فزت نجد بخوف
نزل من السياره وجاهم: سلام عليكم
جزاع: وعليكم السلام
أبو جزاع: تفضل أستريح تقهواء
الشرطي: كثر الله خيرك ياعم بس جاي لقولكم أننا ما لقينا اللي ظربو ولدك
جزاع: كيف مالقيتوهم؟!
نجد زفرت براحه وكأن نار بداخلها وطفت
الشرطي: مافي اي بصمات ولادليل لهم و مالقيناهم
أبو صقر: يعني عيال الكلب بيفلتون منا كذا
لفت نجد على عمها و عبست و تكلمت بينها و بين نفسها: لو تدري يا عمي أنه ولدك كان ما قلت عن نفسك كذا
الشرطي: احنا بنستمر بالبحث ياعم بس أتوقع ماراح نلقاهم لأن مثل ماقلت لكم لا بصمات لهم ولا دليل ومع ذالك مغطين وجيههم يعني ماشفت وجه واحد منهم
حزاع: ايه بس وصفت لكم طولهم وكيف جسمهم سمنين ولا نحيفيت
الشرطي: الكل فينا سمين ونحيف و طويل وقصير و هاذا أنت لانك طويل وشوي سمين
ضحكت نجد بخفه
ناظر فيها و أتسعت عيونه و رفع حواجبه بمعنى: ايش عندك تضحكين
الشرطي أبتسم على ضحكتها ناظر فيه جزاع و بعصبيه: وخير أنت شعندك تبتسم؟!
الشرطي: ولا شي سلامتك يا أخوي
أبو جزاع: يعني فيه أمل تلقونهم؟!
الشرطي: مع الأسف لا تبو شي قبل لا أمشي
أبو صقر: الله معك ياولدي
جزاع: ايه تلقونهم وتعاقبونهم
الشرطي بتسليك: إن شاءالله يلا مع السلامه
جلس جنبها وضربها بخفه على كتفها: خير تضحكين هاه؟!
نجد: ماسمعته شقال؟!
جزاع بكذب: لا ماسمعت شقال؟!
نجد بضحك: لانك طويل و شوي سمين
جزاع: فرحانه يعني؟!
نجد: لا بس صادق و أنت غبي توصف لهم الطول والسمن يعني بيجبونهم من طولهم وسمنهم ضحكت ، اصلاً طول عمرك غبي
حزاع بعصبيه و راس على اسنانه: نجدد أمسكي لسانك
نجد بعدم أهتمام: فنجالك يا عمي
-
بعد المغرب بربع ساعة تقريباً...
"في بيت نجد"
ليلى: الناس تحتري
فرح: يحترون أيش؟!
سيف: يا المفهيه الموافقه منك
فرح: ايه
ليلى: هاه شقلتي موافقه؟!
فرح: لا صبر بستخير
نوف: يعني ما استخرتي أمس؟!
فرح: الا بس يبي لي مرتين ثلاث حتى لو عشر عادي
ليلى: ياصبري أنا أقول وافقي الولد ماشاءالله عليه واضح ولد رجال ونعم فيه
سيف: سعد والله احس من أسمه أنه كفوو
نوف: أصلاً يوم شفناه وطريقه كلامه أنه رجال
لفت عليها فرح ورفعت حواجبها
ليلى بستغراب: وين شفتوه وسمعتو كلامه؟!
نوف بستيعاب: ا. يعني..
فرح: يوم هو طالع شافوه مع الشباك
سيف بشك: والله!
نوف: ايه يوم طلع من الملحق شفناه وسمعناه يوم قال لفرح يلا مع السلامه
فرح اللي بتغير الموضوع: يمه قولي لهم باستخير طيب
ليلى: بنقول الله يعيني
سيف: راحت نجد و مها و ذحين فريح
نوف بحزن: ويبقى أنا ويصير كل شغل البيت عليي ياربي
فرح: ولا أزيدك بعد أنس يبي له تروشينه بعد كل ثلاث أيام وتهتمي بأكله
سيف: و تمشي على نضام نومه بعد
نوف: والله مالي دخل فيه تجي أخته وتهتم فيه نعمه أني بطبخ و أغسل المواعي و الملابس ولا تنظيف البيت يمه بصيح لفت على أمها ، تكفين يايمه لاتزوجي فرح قولي ماهي موافقه
فرح شهقت: ليه ياحبيبتي توقفي حياتي على شان شغل البيت أقول أنطمي
ليلى: نجد قريبه منا يمكن تجي تساعدك مافي مثل حنيت نجد بتحن عليك وتجي تساعدك
نوف: علتها عندها ما خلاها تجي اليوم تبينه يخليها تجي كل يوم
فرح: يمكن تجي لو راح عند غنم أبوه يعني العصر
نوف: مدي بس يارب ييسرها
وقف سيف وعدل ثوبه: عن أذنكم
ليلى: على وين؟!
سيف: بروح عند صقر لدكان القهوة
ليلى: الله معك
فرح: شوف أنوس بطريقك
سيف: قلي صقر أول أنه بيوديه عند نجد
فرح: اشوى والله أني خفت عليه قلت وين راح ذا
نوف: لا تخافين عليه دام صقر معه
ليلى: ماشاءالله عليه بس مهتم له وكأنه ولده مو ولد عمه
عند سيف طلع وسكر الباب والا يحصل البنت اللي بوجهه نزل راسه: هاذا هم بالحوش دقي و بيفتحو لك
فجر بسرعه: نجد موجودة عندكم؟!
سيف: لا ماجات لنا
فجر بتوتر: طيب تدري وين راحت لأن مالقيناها بالبيت و أنس يبيها؟!
سيف: مو أخوك زوجها أسأليه وين راحت عن أذنك
هي اللي واقفه وقلبها ينبض بفرحه من كلامها مع سيف وكيف كذا محترم سرحت شوي وبدت تفكر من ثقل كلمته اللي هي " مو أخوك زوجها أسأليه " بدت تتكلم مع نفسها وعيونها على الشخص اللي معطيها ظهره يمشي و متجهه لدكان القهوة: تكره جزاع و جزاع يكرهك ويوم عرفت أني أخته يعني مستحيل أكون لك و تكون لي فزت على مندات الشخص لها
جزاع: فجرر
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
