سرع خطوته وركضت اقوى ما عندها وهي تترجاء يوقف خلاص وربي تعبت ماعاد فيه اجري
مستمر يركض وراها وكان اسرع منها بس يخفف سرعته على شان مايبي يخوفها صدق بس يبي يغير من نفسيتها شوي وتنسى اللي صار لها البارح فيء جلست على الارض بتعب من الجري والضحك من ركضت نجد رفعت صوتها: الدنيا دواره صدق
بدت تلف على عمها ساعدني تكفى ياعمي مسكها وضمها وحط راسها على صدره لـ ماتشوف الغنم ويطمنها انها بأمان : صقر خلاص بعد عنها
صقر وهو ينزل الغنم: شكراً لك يانجد انتِ وفيء غيرتو من نفسيتي شوي
بعدت عن عمها ومسكت جنبها بآلم : حسبي الله عليك شهقت اول ماشافت أنس داخل عند شبك الغنم وكيف يركض وراها
صقر: عادي ترا خليه يصير رجال
نجد: يعني الرجوله بالغنم وريحتها
صقر: ايه
نجد: لا والله مالها دخل رفعت صوتها أنوس اطلع بسرعه
أنس: ما ابغى بلعب معهم
نجد هي راصه على اسنانها بعصبيه: وقسم بالله لجيك وضربك اطلع
أنس هو يبكي: مابغى كيفي
أبو صقر: خليه يابنت يستانس
نجد: ذي مو وناسه ياعمي راحت له بخطوات سريعه وقفت بمسافة بعيدة شوي عن الشبك: اطلع
أنس: لا
نجد: احسلك اطلع
يناظر بلي ورا نجد ويشر له بيده بمعنى لا: قلت لا انا
لفت وراها وحصلته واقف لف على طول اول مالفت علية: ايه يا يمه شقلتي!
أم صقر: ماقلت شي
نجد: برافو عليك
لف عليها ويتلفت يمين وشمال: انا!
نجد: لا الشجرة اللي وراك
صقر: ايه الله يصلحها
نجد بعصبيه وسرعان: صقر لا تتدخل فاهم مشت وخلته
صقر هو رافع صوته: فاهم يامدام
نجد: صادق بالله جيبه لي ما احب ادخل
صادق: حاظر مدام شال أنس وكان يصارخ ويحاول يتفكك منه بس كان اقواء منه
نجد: نزله وشكراً لك
صادق: مافي شكر مدام انا فيه سوي صدقه
نجد بستغراب وماسكه بيد أنس: صدقه؟!
صادق: ايه مدام يلا انا فيه يروح شوف هادا غنم
جلست تناظر فيه وهو راجع لشبك: شقصده صدقه
صقر كان وراها وسمعها: هو كذا اذا سوا شي ولا قلنا له يسوي اللي نطلبه منه قال انا فيه يسوي صدقه
نجد: غبي وانت امش ابدل ملابسك أنس امش مقدر اشيلك يدي توجعني
أنس: احسن
شهقت واول مره تسمع اخوها يقول كذا وقفت قدامه وضربته بخفه على فمه: ايش الكلام ذا هاه لوعاد اسمعه منك ضربتك امش يلا
أبو صقر: سلامت شفيها يدك يانجد؟!
ناظرت بصقر وماتدري شتقول: اء طحت البارح عليها
أبو صقر: مين لاف عليها الشماغ
فيء: اكيد جاها معشوقها البارح ولف عليها
أم صقر بستغراب: معشوقها
فيء: ايه اختفت البارح وجات لنا وهي لافه عل يدها
أبو صقر: ايش الكلام ذا يا فيء عيب وانتِ يابنتي شماغ من!
نجد بتوتر: اء
صقر بسرعان: انا لقيتها البارح عند رعد ويدها تنزف دم شقيت من شماغي ولفيته عليها
أم صقر بخوف: بسم الله من ايش طحتي على ايش؟!
نجد: طحت على الارض بس مدري شنو اللي جرحني
أبو صقر: غلط وانا عمك لازم تروحي المستشفي ليلفو شاش ويعقموه شوفي الشماغ كله دمم
نجد: إن شاءالله اذا رجعنا بروح
أبو صقر: لا بعد الفطور تروحي انتِ وصقر ووحده من البنات معك
فيء بسرعان: انا
أم صقر: ياحبك لدوجه والروحات
فيء: مافي احلى منها
اخذت أنس وراحت لبسته وحذرته مايدخل لشبك مره ثانيه سوو فطورهم وافطرو وراحت نجد للمستشفى وعقمت جرحها ولفو عليه الشاش الكل رجع للبيت بعد تعب من البر ولعب البزارين بـ التراب
-
مر شهر على أبطالنا بـ حلوة ومرة وتسجل البيت با أسم نجد وبعد معرفت الجد دخل بغيبوبة فازت فرح بمسابقه الرسم وصار بينها منافسه هي و ساره وتأجل زواج مها بعد شهر بسبب حالة وفاة عند اهل زوجها دقت نجد على سعد وطلبت منه يأجل خطبته من فرح وقررت نجد تتزوج جزاع وتمت خطبتهم وزواجهم بعد اسبوعين والكل كان مستغرب من قرارها ذا و وش السببب الي خلاها توافق!
-
وبطلنا صار عنده أمل يقابل أم العيون الناعسة و وقت مايقابلها بيعترف لها بحبه وبيعرف هل هي نفس الشي ام لا رجع علي هو زوجته من سفرتهم وأسعد ثنائي هم و نجوى على وضعهها تزن على عساف يتزوج هنادي وكثرت جيت هنادي لبيتهم ولـ نادي تحاول تثير اعجابها لـ أم علي وتزوجها ولدها
-
في بيت نجد...
"الساعه7:30"
جالسه عند رجول امها وهي تحني شعرها تكلمت بملل: يوه يا أمي شيغسل الحنا ذا وععع
ليلى ضربتها على رسها بخفه: اثبتي بس مافي احلى من الحنا و بيخلي شعرك احمر وفيه لمعه وبيمدحونه بـ زواج نجد
كانت تقرا كتابها المفضل سمعت خالتها قالت كذا حست بقشعرينه وضاق خاطرها سكرت الكتاب: اء بروح اودي أنوس للمستشفى احد بيروح معي!
ليلى: بسم الله شفيه؟!
نجد بكذب: اول ما قام جالس يكح مدري شفيه
فرح: مثل منتي شايفه محنيه راسي مقدر
نوف: وانا بعد
نجد: ايه طيب
ليلى: روحي معها يامها واشترو فستان لزواج ماباقي عليه شي
مها: عندي مسلسل بيجي بعد شوي بشوفه
نجد: ايش فيك ياخاله مستعجله باقي له اسبوعين
ليلى: الـأسبوعين ذي بتمر بسرعه
نجد: لا يمدي لي وانا ابي فستان هادي
نوف شهقت: عروسه انتِ ايش اللي فستان هادي
فرح هي زعلانه من نجد: خليها
ليلى: وش اللي خليها! نوف صادقه
فرح وهي تلف القماش المزخرف على راسها: ايه خليها مثل ما اختارت تتزوج قليل الادب جزاع تختار فستانها على كيفها
ليلى عضت شفتها بفشله من كلام بنتها: فرح اسكتي
نجد: ذا الكلام يطلع منك؟!
فرح: ايه تزوجتيه بدون ماتشاورينا تزوجتيه ولا احد راضي انه يكون زوجك حتى خالي ليه يانجد هاه ليه؟!
نوف: صح من اول ماخطبك وافقتي على طول وانتِ كنتي اللي ماتبينه اول
نجد دموعها على جفن عينها وتحاول تخفيها: قلت لكم استخرت وقلبي وافق عليه اشفيها يعني؟!
ليلى: مافيها شي وانا خالتك بس جزاع !!
نجد بصراخ: اوهه خلاص صار اللي صار ولاتكررو في نفس الموضوع طلعت لغرفتها
فرح هي رافعه صوتها: يارب جزاع اءه قصدي زوجك جزاع يطلع قدامك ويرجعك
ليلى ضربتها: فريح خلاص
فرح: تقهر ليه سوت كذا
مها: فيه شي بس وشهو مدري
نوف: اكيد
كانت عند الدرج واقفه وسمعت كلامهم بكت بحرقه : ياليت تعرفو ليه راحت لغرفتها غسلت وجهها ولابست أنس ولبست عبايتها ونزلت
ليلى: انتبهي على نفسك
طلعت وسكرت الباب اقواء ماعندها ولا ردت على خالتها تحت صدمتهم
فرح: شوفو قليلت الأدب
مها: لاتنسي انك في بيتها
فرح: على الاقل طيب ترد على أمي
ليلى: خلوها يحق لها تزعل اللي قلناه لها مو بهين وبذات انتِ يافرح انتِ اقرب الناس لها وقلتي كلام يجرح
فرح تمثل التكبر و ان ماهمها: تستاهل
-
بـ بيت أبو جزاع...
أم جزاع اللي مو راضيه عن زواج ولدها وتعرف وش نيته بس مع اصراره على امه واللي وافقت بصعوبه: وين بتسوي الزواج؟!
جزاع: هينا بالبيت
فجر اللي فرحانه انو بنت عمها وصاحبتها اللي تحبها راح تسكن معهم بنفس البيت: بس البيت ما بيكفي
جزاع: انتم يا الحريم هينا واحنا الرجال بأخر الحاره بنسوي الخيمه والصيوان ونجلس هناك
ليان: يعني كذا مستانسين؟!
فجر: ايه
ليان: انتِ بذات اسكتي وانت مالقيت الا نجد خلصو البنات يعني!
جزاع: ايه بتحاسبيني يعني؟!
ليان: ايه بحاسبك بنت العدو تعرف كيف بنت العدو يا جزاع
جزاع: ليان مالك دخل ولا تتدخلي
ليان: الا بتدخل اختك الكبيره
أبو جزاع ضرب بعكازته على الارض وبعصبيه ومو راضي على زواج ولده من بنت العدو بس على شان مايبي يكسر كلمت ابوه: خلاص انت وياها لبذي العصاء
جزاع: سم يبه
دق الباب ناظر فـ الباب بعدين ناظرهم: مين اللي جاي؟!
فجر: اكيد ضي وفيء
جزاع: اجل يلا بروح لغرفتي
ليان: وانا بعد سليطين العصير لاينكب عليك لا كف فاهم!
سلطان: طيب
وقفت وبدت تعدل جلبيتها: طيب طيب جايه
فتحت الباب وحصلت الثنتين اللي واقفين عند الباب: ياهلا والله تفضلو
أم جزاع بعد ماشفتهم دخلو وقفت بصعوبه: يا مرحبا حياكم
ضي: الله يبقيك
أبو جزاع: ياهلاا ببنات أخوي تو مانور البيت
فيء: بنورك عمي
سلمو على بعض وجلسو بالحوش وتقهوو وسوالفيهم عن الزواج وكيف متحمسين له وقالت لهم فجر وين بيسوو الزواج
-
بالسياره...
بعد ما غيرت من نفسيتها شوي وكانت راجعه للبيت خربت عليها السياره بنص الطريق وما تعرف وش بتسوي تتصل على جزاع ولاصقر
أنس: ليه واقفه؟!
نجد: السياره خربت
أنس: وش نسوي طيب
نجد: مدري
أنس: دقي على صقر
نجد: لا صعبه
أنس: ليه
لفت عليه: أنوسي ليه أسألتك كثيره هاه
دق قزازه السياره فزت بخوف ولفت على طول وشهقت: هو وشجابه هينا شقله ذحين!
نزلت القزازه: ايوه
عساف ناظر فيها بستغراب: ايش الصدفه ذي؟!
نجد: شقصدك؟!
عساف: ولاشي بس محتاجه شي؟!
نجد بكذب: لا
ناظر في الكفر: بس اشوف محتاجه
نجد: ايه والله وماتقصر لو ساعدتني
عساف: ابشري بس انزلو
نجد: تبشر بالخير يارب
بدت تزل ونزلت اخوها وبدل الكفر
عساف: واخيراً خلصنا
نجد: يعطيك العافيه
عساف: تعافيك بس ابي طلب؟!
نجد: اللي هو؟!
عساف: تصبي على يدي مويه بغسلها
نجد: ايه تمام
عساف: خذي المفتاح بجيبي مقدر ادخل يدي
نجد: وين؟!
عساف: بالجيب ذا الايمن
دخلت يدها وكان يحاول يقرب منها وشم ريحت عطرها سكر عيونه وحاس في داخله فراشات
اما هي بعد ماقرب منها شمت عطره وحست وقتها قلبها بيوقف من تقربه منها وريحت عطره بعد استيعاب بعدت عنه: مالقيته!
عساف: يمكن بجيبي الثاني
نجد: تستهبل صح؟!
عساف: لا والله اتكلم جد شوفي دخلي يدك
دخلتها ولقت المفتاح
عساف: افتحي الشنطه فيه قروره مويه جيبيها
فتحتها وجابتها له وبدت تصب عليه وكان بقمت الوناسه
وهو يغسل: ايه
نجد: ايه!
عساف: ماودك تعطيني مكافأه!
نجد: مكافأت ايش؟!
عساف: اني سويت سيارتك
نجد: ماعندي والله شعطيك!
عساف: مثل اعزميني على قهوه ولا شاهي
نجد: لا مستحيل
عساف: ليه لا اعتبريها مكافأه و بعد رجعتيها لي
نجد: كيف يعني رجعتها؟!
عساف هو ينفض يده من المويه: اول انا عزمتك ذحين دورك
نجد استحت منه بس فرصه لها لانها خلاص لو تزوجت جزاع ماراح يخليها تطلع ولابتقابل ذا الشخص مره ثانيه: ايه تمام
عساف: والله
ابتسمت على فرحت وضح من عيونها وهزت راسها بمعنى: ايه
اخذ أنس ورماه لفوق بفرحه مسكه وجلس يدور فيه فرصته جاته ليعترف لها ويرتاح
نجد بخوف: يمه بشويش على اخوي
نزله على الارض وزفر بتعب: اوه ياثقله شتوكلينه انتِ ماشاءالله!
نجد: مثل أي طفل ياكل ماعندك اخو صغير؟!
عساف: لا بس ولد اختي الصغير بعد سمين اقول لـ ختي شتوكليه تقلي اذا تزوجت تعرف زوجتك وش بتوكل ولدك
حست بشي داخلها متدي غيره ولا وش بضبط: ايه هي صادقه اء يلا امش قدامي
عساف: ليه امشي قدامك! امشي انتِ
نجد: ليه انا!
عساف: وليه انا؟!
نجد: لاني ما اعرف للكفيهات ولا اروح لها كثير
عساف: اهااا طيب يلا مشينا
-
تمشي بالحوش والخوف ماليها مو بس هي كل بناتها حتى فرح الي تكابر بس تأخرها وعدم ردها على جوالها خافت
نوف: نبلغ الشرطه؟!
ليلى بسرعان: لا
فرح: بس طولت يا أمي حتى جوالها مقفل
ليلى: بننتظر لساعه 12 إذا ماجات هينا بنتصرف
مها: خوفي صاير شي لـ أنوس!
ليلى بخوف: تفائلي بالخير يابنت
فرح: لا إن شاءالله مافيه شي
نوف: يارب
دق الباب لفو بسرعه عليه راحت ركض فرح بتفتح
ليلى راحت لها بسرعه ومسكتها من كتفها: لاتفتحي
فرح بستغراب: ليه؟!
ليلى: اكيد مو نجد لو هي كان فتحت لان معها مفتاح
مها: ايه صح
نوف: بسم الله ليكون صاير لهم شي!
ليلى: مين؟!
أنت تقرأ
ما خلف القضبان.
Ciencia Ficciónاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
