سلطان: لا ودني عند أنوس
العنود وقفت بفرحه: و أنا بعد بروح
ضي: هههه ماتدرون عن نجد اليوم معاقبه أخوها
أم صقر: ليه؟
ضي: على شان أمس ماسمع الكلام جلس يلعب برا في شارع وهي نبهته على ذا الشي
صقر: ياعزتيله
رهف: ماخلت عقابها ذا؟
أم صقر: نفس امها الله يرحمها
الكل بهدوء: الله يرحمها
كملت أم صقر كلامها: كانت تعاقب عيالها كذا إذا ماسمعو الكلام تحرمهم من الجيه عندها و تمنع العيال إذا جو عندها في البيت
رهف: ايه اتذكرها
صقر: يلا اجل اخليكم بذكرياتكم ذي و بروح مع السلامه
الكل: الله معك
أم صقر: روحي سوي الشاهي و أنا أمك
ضي: أبشري
-
نرجع لـ أبطالنا...
اشر لجيلان بالخروج و فعلاً خرجت و سكرت الباب
أبتسم و هو يناظرها وكيف ماشالت عيونها عنه و غرقانه دموع عيونها بس مانها قادره تنزل
التقينا والهّوا ماله أمان
والخجل عم المكان وعمني
والسؤال الي عجزت ارمّيه
انت ماعندك يدين تضمني؟
راحت و ارتمت بحضنه وهي تشاهق من البكي: كنت عارفه ، كنت عارفه والله ما راح تخليني و انك بترجع ، كنت انتظرك كل يوم على يقين انك بترجع ، ويوم قالت خالتي ان جاء لي ناس بيخطبوني خفت ، خفت اروح منك و ترجع و ماتلاقني بس الحمدلله طلع انت
~
في إحداء الليالي ...
كانت جالسه في الصاله كل عاده وهي تقراء قرأنها رفعت نظرها للباب الي انفتح و استغربت من الشخص الي دخل ورفع صوته: السلام عليكم
سكرت القرأن و حطته جنبها و راحت له و بدت تتفحصه و هي دموعها على خدها: أنت صدق ولا خيال؟
عساف حضنها و باس راسها: لا صدق ماني خيال
بكت بحرقه وهي في حضنه
عساف الي مازال حاضنها: خلاص يايمه
نجلاء وهي حاضنته: وش الي خلاص بعدت عنه ، تدري من اختفيت لا ليلي ليل ولا نهاري نهار كله بس جالسه في ذي اصاله و اناظر ذا الباب انتظر دخولك انتظر رجوعك
عساف مسح دموعها: أسف والله اسف ، رحت بعيد لريح نفسي شوي
نجلاء: وش فيك يابعد روحي أنت؟
عساف مسكها مع يدها: تعالي اجلسي ولاتشيلي همي وقوليلي وين الباقين؟
نجلاء: نايمين حتى وجدان لها سبوع هينا خلت رجلها و جت عندنا و السبه انت ليه تروح كذا ولا تقلنا؟
عساف زفر: أنتِ قبل ماتقولين لقيتي بنت لي؟
نجلاء بستغراب: ايه
عساف: وكنتي تحاولين فيه على شان اوافق؟
نجلاء: ايه ، عساف لا تخوفني قلي وش صاير و وشدخل البنت في غيابك ذا؟
عساف: رحت لفكر و موافق اني اتزوجها
نجلاء شهقت بفرحه وحطت يدها على فمها: صادق أنت؟
عساف ببتسامه: ايه ، ليكون ماعاد تبينها؟
نجلاء: لا ، لا ابيها
عساف: اجل في اقرب وقت نروح و نخطبها
نجلاء: وشبك مستعجل؟
عساف بكذب: على شان ما اهون
نجلاء: خلاص ، خلاص بخطبها لك
~
استانس انها في حضنه و حط يده عل ظهرها وكان ينتضر ذا الحضن من زمان : ماخليتك والله بس الي قلتيه لي مو سهل أبداً رحت لمكان بعيد افكر و اجمع راسي على قولتهم كنت مشوش خفت اخذك و بعدين اظلمك بس رجعت ، رجعت و أنا راضي فيك و في كل شي فيك
بعدها عن حظنه وحط يده على بطنها و ببتسامه: وراضي بـ طفلك اصير له أب و أخ و كل شي أنتِ تبينه
استغرب سكوتها و نزول راسها لـ الأرض حط يدها على دقنها و رفع راسها: وش فيك ياقلب عساف؟
نجد ودموعها على خدها: ما بكيت أبداً على رحيله قويت نفسي وكنت فعًلا قويه بس قدامك ضعفت ، عساف أنا فقدت طفلي طفلي الي حبيته وحسيت بتحركاته و وجوده في بطني فقدته
ماتحمل انهيارها و بكائها حضنها بشده و هو يمسح على راسها: تمام ، كل ذا مكتوب و مقدر ، وحب يلطف الجو شوي ، راح يصير عندك اطفال مو طفل بس و راح تنزعجين من إزعاجهم
بعدت عنه بهدوء: احلى حل لنا اننا نبتعد عن بعض
عساف عقد حواجبه: السبب؟
نجد: خوفي افقدك مثل مافقدتـ...
عساف حط يده على فمها: اش ، اش ماراح يصير ذا الشي إن شاءالله أنا أحبك و أنتِ تحبيني وراح نتزوج و وعد مني ما اخليك ابداً ابداً
نجد ببكي: بسـ....
عساف: لابس ولا غيره و تفائلي تمام؟
نجد مسحت دموعها: تمام
حظنها وهو مبتسم
دخلت جيلان بعدت نجد عن عساف بسرعة و اعطت جيلان ظهرها وهي تمسح دموعها و تهف على وجهها
جيلان: اف تعبت و أنا أنتظركم عند الباب طولتو ترا
عساف: من قلك تنتظرينا؟
جيلان: لابالله تبيني اروح اجلس عندهم و اخليكم وش بتقول أمي والله لتظربني بشبش على راسي قدامهم
ضحكت نجد بخفه
جيلان: اي اضحكي بس من تتزوجين عساف وتسكنين عندنا بتعرفين أمي و حبها لشبشب كيف
نجد ببتسامه: بعد خالتي أكثر شي تضرب بناتها فيه
عساف: و أنتِ؟
نجد: احيانًا مو دايمًا
جيلان: وش معنى؟
نجد: المعنى أني بنت أختها مو بنتها و تحن عليي
جيلان: اهااا
نجد الي ترتب شعرها: نطلع
عساف: مليتي مني يعني؟
نجد ببتسامه: لا بس ترا شوفه هي مو جلسه و سوالف
ضربت جيلان نجد بخفه: هيه ياويلك مني تاخذين أخوي مني ترا تؤم روحي ذا
نجد ببتسامه: يخليكم لبعض
طلعو الثنتين و عساف عيونه على نجد لين اختفت من امامه
~
في نفس التوقيت عند الضيوف...
نوف: وشبها طولت؟
مها: شكل عجبها وجلست تسولف معه
نوف: لايمكن تقله عن جزاع و فعلته لها
مها: صدقتي والله يمكن
فرح: اص ماتعرفون تسكتون انتم؟
كانت بتقوم نوف بس مسكتها فرح: على وين؟
نوف: بروح اشوفها مع الشباك مثلك انتِ و سعودي
فرح: اقول انثبري بس
نوف: اف وش دخلك خليني اشوفها
مها: نوف بلا قلت ادب اجلسي
نوف: تقهرون وربي
ليلى: عندك عيال غير عساف؟
نجلاء: ايه ثلاث بنات و ولدين
ليلى: غير عساف و جيلان؟
نجلاء: لا معهم
ليلى: اها
فرح: الا خالتي سارة وينها؟
أم سعد: فيه شغل في البيت خليتها تجلس و تخلصه
فرح: اها ، تدري أن عساف اليوم جاي يخطب نجد؟
أم سعد: لا والله ماقلت لها اعرف لو قلت لها بتتحمس وتجي و أنا ما ابي جيتها الصدق
فرح ببتسامه و تمتمه: ايه ، ايه بتتحمس مره الا بتموت من القهر
ليلى: حرام عليك
أم سعد: وش اسوي يختي تطفشني يوم تلبس بطيئه
ليلى: كلهم والله و أنتِ ارحم مني عندك وحده أنا أربع
ضحكت نجلاء: الله يخليهم لنا يارب
الكل بهدوء: آمين
دخلو عليهم جيلان و نجد بهدوء وجلسو
طلعت جوالها الي دق و وقفت بسرعة من سمعت صوت نبرته الباكيه
نجلاء بخوف: علي وش فيك؟
عليى بخوف: ت.تولين يايمه اغمى عليها و اخذتها للمستشفى
نجلاء: ايت مستشفى؟ ، يلا جايه جايتك
سكرت الخط وهي تلبس برقعها: قومي يا جيلان قومي
ليلى: وش فيه وش صاير يا أم عساف؟
نجلاء الي عند الباب و تلبس شبشبها: علي زوجته حامل و اغمى عليها و اخذها للمستشفى
أم سعد: صاير لها شي؟
نجلاء: مدري ياوختي بس دخلوها للعمليات
عساف طلع من الملحق بسرعة: يمه وش صاير؟
نجلاء: امش واقلك في الطريق
أم سعد: اعذرينا يا ليلى ماودنا بروحه كذا
ليلى: عذركم معكم و طمنوني عليها
مها الي شافت عساف يوم طلع شهقت ولفت على نجد: يوه يانجد ياحلوه يهبل يهبل
فرح: عيب متزوجه تراك
مها: ادري بس ماشاءالله على جماله
نوف: صبر ذا قد شفته؟
نجد برتباك: يتهيئلك
نوف: لا والله ، صبر تذكرت ، تذكرت ذا الي كان يدور معنا فرح يا الله يحليله حبك و جاء خطبك
زفرت نجد براحه
فرح: ايه يحليلك انتِ ماشاءالله عليك حلتيها و جبتيها
راحت وجلست عند ثلاجه القهوه: العقل ذا مو على الفاضي
نجد بتمتمه: والله انه على الفاضي
ضحكت فرح بخفه هي و نجد
مها: ايه وش رايك موافقه؟
نوف الي تصب لها قهوه: موافقه يختي مانك شايفتها طولت عنده
ليلى: صدق طولتي ليه؟
نجد بتوتر: ا.مادخلت عليه على طول جلست برا شوي بعدين دخلت
ليلى: ليه؟
نجد: مدري توترت
نوف: ماعلينا منك الحين ، ناظرت في فرح ، جبتي لنا هداياء؟
فرح: ايه جيبي شنطتي في الغرفه
وقفت نوف بحماس وراحت تجيبها
ليلى: هاه يانجد موافقه عليه ولا؟
نجد الي تفرك يدها بتوتر: بستخير يخالتي أول
ليلى: اشوفك تبين الزوج؟ ، أول تتحلطمين و خليتي سابع جار يسمع صوتك
نجد على وضعها: مو انتِ ياخالتي تقولي ادخلي عليه وشوفيه و بعدها استخيري و هاذا أنا سويت الي طلبتيه مني
ليلى: فيه إنا بالموضوع ولا أنا اعرف نجد عنيده
حطت الشنطه قدام فرح بتعب وهي ماسكه ظهرها: يوه وش مهربه أنتِ؟
فرح: مولهل درجه عاد مو ثقيله ولا شي
جلست نوف و تكت على رجل والدتها: والله كأن فيها بعير
ليلى دفتها عن رجلها: قومي تعرفين ما احب احد يتكي عليها ولا ينسدح
-
في المستشفى...
تمشي بخوف بخطوات سريعه لجهت غرفت العمليات لقته واقف امام الباب: علي
لف عليها وراح حضنها وهو يبكي: خايف تروح ، خايف تروح يايمه
نجلاء الي تبكي و محطيه يدها على ظهره: اذكر ربك و أنا أمك اذكره وقلي بضبط وش صار لها؟
بعد عنها وجلسته عل احد الكراسي
علي هو منزل راسه لـ الأرض و يبكي: كنا جالسين عادي و نسولف فجئه حطت يدها على بطنها وجلست تصرخ بعدها نزل ماء منها و اغمى عليها
نجلاء: يارب تطلع سالمه
عساف حط يده على ظهر اخوه: هونها و بتهون و أنا اخوك
طلعت الدكتوره و الكل وقف لها
علي: طمنيني زوجتي كيفها؟
الدكتوره: مبروك جالك بنت
نجلاء بفرحه: الحمدلله عساها بخير بس؟
عساف ببتسامه فرحه: نقدر نشوفها تكفين متحمس
الدكتوره: في الحضانه هي تحت المراقبه الحين
عساف: ليه ؟
الدكتوره: لأنها جات مبكره ما اكتمل عمرها
علي بخوف: طيب وتولين؟
نجلاء: ايه بالله كيفها هي؟
الدكتوره: البقيه في حياتك
علي بعصبيه: تمزحين صح وش الي ماتت مستحيل
عساف حضنه: اهدى ، اهدى
نجلاء: الحمدلله على كل حال
الدكتوره: احنا قلنا اكثر من مره لزوجتك أن الحمل خطر عليها راح يسبب وفاه لها او لطفلها بس مع الأسف عاندت وكانت تبي الطفل يعيش
علي: آه ياتولين ، آه
الدكتوره: قالت لي اوصل الكلام ذا لك ، قالت اهتم بـ بنتنا و اعطها حنيه الأب لها و خوف الأم و إذا فكرت تتزوج راضيه أنا بس خل خالتي تدور لك خوفي أنك تجيب وحده و تعذب بنتي خل خالتي تختار لك لأني اثق فيها وفي اختيراتها
نجلاء ببكي: ياوجع قلبي و جعاه
علي طاح على الأرض و ببكي: تكفين لا تروحين ياتولين ، تكفين لا ارجعي والله راضي في حملك و في بنتنا تعالي خلينا نربيها مع بعض
جات وجلست عنده: اذكر ربك و أنا امك و ترحم عليها
عساف هو يحاول يوقف علي: قوم خلنا نرجع للبيت و نقول لهلها عن موت بنتهم
نجلاء: ياحزني عليك يا أم لانا الله يصبر قلبك بس
الممرضه جات: أنت زوج تولين و أبو تاليا؟
علي هو يمسح دموعه: ايه زوجتي تولين بس بعدي ماسميت بنتي
الممرضه: زوجتك تقول أن اسمها تاليا
علي بصوت باكي: تولين و تاليا ابتسم بحزن ،تمام اسمها تاليا وش بغيتي تفضلي؟
الممرضه: لازم تجي معي لتكمل اوراق بنتك و زوجتك لوضعها في الثلاجه
علي: طيب ، عساف خذ أمي للبيت بروح اخلص الأوراق و بعدها بلحقكم
عساف بهدوء: طيب
نجلاء: الله معك و أنا امك و انتبه على نفسك
-
طلعت البريق المنقش و مدته لوالدتها: اعرف امي تموت في البريقات يوم شفت ذا عرفت انها بتحبه
ليلى الي ماسكته بيدها و تتأمله: والله انه حلو ماشالله بكم؟
فرح: والله ناسيه
نوف: احنا جبتي لنا ولا لا؟
فرح: جبت ، جبت تطمني
طلعت الكوب و مدته لها: على انك ما تستاهلينه بس شسوي قلبي ما طاوعني يوم شفته و ما اجيبه لك
راحت لها نوف وحضنتها: ياروحي يافروح مره شكراً
فرح: خلاص بعدي خنقتيني افتحك منه تجيني أنتِ
نوف بعدت عنها و تتأمل الكوب ببتسامه
ليلى: مين الي افتكيتي منه؟
فرح: هاه
نجد ضحكت وفهمت عليها: كملي ، كملي باقي أنا و مها
ليلى: سيف و أنوس بعد
فرح وهي متفشله منهم و انها ما انتبهت لنفسها: ايه جبت لهم جبت لكم كلكم
طلعت العطر و مدته لها: اعرفك تموتين بالعطور قلت اجيب ذا لك ريحته تجنن
مها: حبيبتي والله تسلمين
نجد: خير مخليتني اخر وحده؟
فرح: لأنك مميزه
طلعت العلبه الي فيها خاتم و سواره
نجد اخذتها منها و فتحتها: الله ناعمه و تهبل
فرح: شايفه تستحق هديتك الانتظار
حضنتها و باستها على خدها: يختي ياحلوك
فرح ببتسامه: بعد انتِ رفعت صوتها ، أنوس أنوووس
نجد: مو جايك
لفت عليها: ليه؟
نجد: لأني معاقبته مايطلع و زعل
ليلى: لاحول منك خليه بزر تراه
نجد: البزر لازم يتعلم يا خالتي
ليلى: ايه يتعلم ماقلنا شي بس مو بذي الطريقه
نزل و وقف بعيد عنها: بطلع
نجد الي تناظر الهديه الي جابتها فرح: لا
أنس و البكيه فيه: أنا أسف بس خليني اطلع طفشت بلعب مع سلطان و العنود
رفعت نظرها له: أنا قلت لك و حذرتك أنوس لاتطلع لشارع أنوس والله لعاقبك وما تروح لـ سلطان و العنود عاندتني وطلعت
أنس ببكي: اكرهك اكرهك يارب تروحين زي اهلنا
رفعت حواجبها: والله!
ليلى: انوس وش الكلام ذا؟
مها: ذي اختك الكبيره لازم تحترمها عيب
أنس على وضعه: تستاهل ليه تعاقبني
نجد رفعت نبرت صوتها: على شان تتأدب
أنس: أنا متأدب
نجد: لا مانك متأدب
أنس بصراخ: الااا
نجد مثل برت أنس: لااا
ليلى: خلاص نجد خليه
فرح: تعال عندي تعال في حضني وشف وش جبت لك
راح و ارتماء فيحضن فرح وهو يبكي: اكره نجد انا
نجد: وانا بعد اكرهك
ليلى: خلاص ، خلاص بزر هو
فرح الي تمسح على شعره: ياروحي ذي اختك لازم تسمع كلامها و عيب تقول كذا طيب
أنس: لا
فرح: أنووس
ليلى: خليه و وريه هديته
نوف: يوه يايمه كان خليتيهم يتهاوشون يضحكون والله
ليلى: انطمي
وقفت و اخذت الكوب: بنطم و بروح اسوي لي قهوة بالكوب الجميل ذا
فرح طلعت السياره الكبيره الي تشتغل بريومت: وذي حقت أنوسي وش رايك حلوه صح؟
أنس الي ضحك و عيونه فيها دموع: الله مره حلوه
فرح: يلا روح العب فيها
أنس وقف و اخذها: طيب
نجد يوم شافته بيطلع للحوش: في الغرفه الحوش لا
أنس لف عليها: حوشنا ترا
نجد: تصدق ماكنت ادري ، في الغرفه قلت أنا
أنس بزعل: ما احبك
نجد: عساك لاحبيتني
بعد ما دخل أنس لغرفه لفت ليلى على نجد: وشبك عليه؟
فرح: قاسيه معه تراك
نجد: مايهون علي والله بس شسوي ابيه يتأدب
مها: زعل منك وقال اكرهك تتوقعين بيرضى ويحبك؟
نجد بثقه: ايه ماعليك أعرف أنووس أنا
وقفت ليلى على دق جرس الباب و ببتسامه: ذي الفرحه الثالثه وصلت
وقفو البنات بسرعة: وش هي؟
ليلى: شيلو قشكم ذا لاتفشلونا عندهم بسرعة
نجد ببتسامه: اكيد ناس جاين يخطبون نوف
نوف الي طلعت مع باب المطبخ ومن سمعت نجد شهقت و طاح كوبها و انكسر : ايش ، ايشش أمي من الحين اقلك ما ابي اتزوج لا تفتحين الباب لهم والله ما اوافق ولا انزل لهم والله
فرح صرخت: الكوب يا حيوان الكوب
نوف ناظت فيه و جلست عنده وهي تبكي: ليه حظي كذا انكسر ذا بعد رفعت نظرها للباب الي دق للمره الثانيه ، انققلو الله ياخذكم يارب كله بسببكم انكسر كوبي
ليلى: هيه ، هيه مانهم دخل هم ولا انهم خطابين ولا شي
مها: اجل؟
ليلى: روحو البسوو براقعكم و انزلو بسرعة و أنتِ شيلي القزاز ذا يلا
طلعو البنات فوق يلبسون الي طلبت منهم ليلى و هم يتسألون بينهم من عند الباب ياتُرا اما نوف وهي تشيل القزاز وهي تبكي عليه وعلى حظها
راحت ليلى و فتحت الباب ببتسامه وهي ترحب فيهم واحد واحد دخلو لصاله و صرخو البنات من شافوهم متواجدين في البيت ركضو و سلمو عليهم
فرح: خاليي وش المفاجئه ذي؟
مها: يالله اشتقنا لك والله
خالد ببتسامه: والله وانا بعد حيللل
نجد الي كانت واقفه بعيد شوي و مستحيه من خالها عن الي صار لها وأن ماقالت له ليساعدها في شي و حزنها انه زعلان عليها
ناظرها خالد: نجد تعالي و انا خالك وشبك واقفه هناك؟
كانت تنتظر منداته لها راحت له و رتمت في حظنه: خالي اشتقت لك والله وأسفه على الي صار وماقلت لك
هو الي حاضنها و ببتسامه: يحق لك و انا خالك يحق التهديد الي هدده لك الخسيس مو بهين ،
خلاص بسك بكي هاذا انا قدامك و مسامحك و الغلط علي يوم رحت المفروض جلست و حاولت اساعدك بشي بس الحمدلله كل ذا مكتوب ومقدر
نجد الي بعدت عنه وهي تمسح دموعها: لا تتعذر ياخالي
فرح الي مسحت دموعها: يوه خلتونا نصيح معكم خلاص عاد
نجد ضحكت بخفه: معليش
أم حاتم: هوو يانجد نسيتي تسلمين علينا؟ ولا مشتاقه لخالك اكثر منا
نجد الي سلمت عليها: لا والله اشتقت لكم كلكم بس ما انتبهت لكم
ناظرت بعيال خالها: كيفكم اخباركم؟
حاتم: الحمدلله بخير و أنتِ كيفك؟
وليد: طيبين الحمدلله
نجد: الحمدلله بفضل حال
ليلى: تفضلو استريحو ليه واقفين كذا
أم حاتم: زاد فضلك يا أم سيف
ليلى: فروح صبي القهوه
فرح: طيب
خالد الي جلس: الا نوف و أنوس و سيف ما اشوفهم وينهم؟
ليلى: سيف في شغله و نوف أول كانت هينا تلم قطع القزاز و مدري وينها اختفت الحين
فرح بضحك وهي تمد القهوه لخالها: في الغرفه تبكي
وليد: ليه وش فيها؟
فرح: جبت لها كوب و ممداها تتهنى فيه طاح و انكسر
خالد: تبكي عليه يعني؟
مها: ايه فاتتكم يوم تلمه جالسه تبكي وهي تلم
وليد: يمكن انها انجرحت ولا شي؟
نجد الي مدت له صحن التمره و عارفه وليد: لا ، لا تخاف ما انجرحت ولا شي بس خذ لك حبه وحل شوي
وليد اخذ تمره: شكراً
حاتم: طيب و انوس وينه؟ عاد حدي مشتاق له
نجد الي حطت صحن التمره على الأرض: في الغرفه
أم حاتم: تعبان ولا نايم؟
مها: لا ذي ولا ذي مُعاقب
ضحك حاتم و انكبت القهوه الي كانت في فمه: ماتوقعتك ابداً تطلعين مثل عمتي الله يرحمها
نجد بهدوء: الله يرحمها
خالد: وش بلاك عليه خليه
أم حاتم: سبب العقاب يانجد؟
حاتم: لاتقولين طلع لشارع؟
نجد هزت راسها بهدوء
خالد: حرام عليك والله خليه يستانس
أم حاتم: حارتكم صغيره و ما ينخاف عليه لو طلع لشارع
نجد: لأنك ماجربتي شعور الفقد ياخاله
أم حاتم نزلت فنجالها: حاسه فيك بس كذا بتعقدين الولد
نجد: لا ماني معقدته ولاشي
حاتم الي مد فنجاله لمها الي قامت تصب لهم: طيب ناديه بطيب بخاطره و اخذه نتمشى شوي
نجد: لو سمحتو أخوي ولا احد يتدخل
خالت: ابشري ، خلاص خلوها على راحتها
حاتم: تمام بس ممكن تناديه
نجد وقفت: طيب
وليد بسرعة: ونادي نوف
لفت عليه ببتسامه: تجي تناديها انت؟ لأنها ماراح تسمع مني
حط فنجاله على الأرض و وقف وليد بسرعه: ايه عادي
أم حاتم: اقول انثبر بس
وليد الي راح جلس: ابشري
ضحكت نجد بخفه و رقت الدرج
ليلى: ايه يا أخوي كم بتجلسون هينا؟
خالد الي شرب رشفه من فنجاله و نزله: والله تقاعدت انا خلاص بجلس هينا على بال مانلاقي لنا بيت
ليلى: ماشاءالله ويامرحبا فيكم والله البيت بيتكم
أم حاتم: اعذرونا عاد أن ثقلنا عليكم ولا ازعجناكم قلت لخالد ناخذ شقه قال لا
ليلى: لا ، لا بلعكس بتوسعون صدورنا
حاتم: عاد أنا و وليد بناخذ لنا شقه على شان مانزعج البنات
وليد بسرعة: لا انا بجلس هينا
ليلى: لا وانا عمتك وش الي تزعجهم سيف ينام هينا بعد و نجد متعوده على ذا الشي يعني بس نوف الي مانها متعوده بس معليكم مع الوقت بتتعود
أم حاتم: مها و فرح؟
ليلى ببتسامه: ذولي متزوجات خلاص
أم حاتم: ايه صح نسيت
خالد ببتسامه: ماشاءالله كبرتم وانا خالكم و اعذروني على عدم وجودي في زواجكم
فرح: معذور ياخال
مها: عاد انا لازواج ولا شي جاء فهد و اخذني من ذا البيت لبيتي
حاتم: ليه؟
مها: لأن واحد من اخوانه توفاء و امه و ابوه ما يبون يسوون زواج
خالد: عذرهم معهم
-
في بيت عبدالإله ...
وقفت وجدان بخوف: طمنونا تولين كيف؟
طلعت برقعها وجلست بتعب
عساف: الله يرحمها يارب
عبدالإله: لاحول ولا قوة الا بالله
وجدان: عساف تكفى تمزح صح؟
جيلان جات و مسكتها مع يدها: جابت لنا بنت حلوه وراحت ادعي لها
وجدان جلست وهي تبكي: الله يرحمها
نجوى الي نازله مع الدرج: من مات؟
عساف بهدوء: تولين
شهقت و حطت يدها على فمها وجلست على الدرج وهي تبيكي
عبدالإله: علي وينه؟
عساف: في المستشفى: بيخلص اوراق تولين و تاليا
نجوى: مين تاليا؟
نجلاء: حفيدتنا بنت علي سمتها تولين تاليا قبل لاتموت
وجدان: اسمها حلو وينها هي بخير صح؟
عساف: الحمدلله طيب بس انها في الحضانه
نجوى: ليه؟
عساف: لأنها جات قبل موعد ولادتها
وجدان: يارب تطلع لنا بخير و ترحم امها يارب
وقفت نجلاء: عساف قم ودني لـ أم لانا خلني اقلها و اهديها الله يصبر قلبها بس
نجوى: منجدك يايمه بتقولين لها؟
نجلاء: ايه مانها بنتها الي ماتت
نجوى: ادري بس حرام
نجلاء: حرمت عيشتك ، وش الي حرام بنتها ومن حقها تعرف عساف امش يلا
عساف الي وقف: يلا هيا
وجدان: علي قلكم بيجي؟
نجلاء: اي بيجي ولاتضغطون عليه عطوه ماء و حاولو تهدونه
وجدان: ابشري
عبدالإله وقف: صبر ، صبر خلني اروح معكم لـ بو لانا لهديه لا يعرف و ما احد عنده ويصير فيه شي
وجدان الي محطيه يدها على بطنها و تبكي: ياروحي ياتولين كان ودها تجرب شعور الأم و تسمع صوت اطفالها ينادونها ياروحي الله يرحمك يارب و يغفر لك
جيلان الي معها منديل و تمسح دموعها: تدرون أن الحمل خطر عليها؟
نجوى: وش تقولين أنتِ؟
وجدان: كيف خطر؟
جيلان: مدري بس الدكتوره قالت لنا قالت لـ تولين اكثر من مره أن الحمل خطر عليك يا يموت الطفل أو انتِ تموتين بس ماسمعت الكلام و ثبتت حملها
وجدان: آه ياتولين ليه ليه
نجوى: خلاص ترحمو عليها كل ذا مكتوب و مقدر
وجدان و جيلان بهدوء: الله يحرمها يارب
مسحت وجدان دموعها من سمعت باب الشارع تسكر: علي جاء امسحو دموعكم لاتزيد وجعه
نجوى: طيب
دخل بهدوء وراح رقى الدرج
وجدان: علي محتاج شي تبي شي؟
علي بهدوء وحزن: سلامتك
وجدان: تمام الي يريحك
جيلان بعد ماشافته اختفى لفت على خواتها: ياروحي شوفو وجهه كيف ذبلان
نجوى: ايه وعيونه من تحت اسود ياعمري يا اخوي
وجدان: الله يصبره يارب و يحب بنته إن شاءالله
نجوى: خوفي يكرهها زياده
وجدان: ليه؟
نجوى: هو مو كان مايبي اطفال ولا يبيها تحمل الحين ماتت تولين بسبت البنت
جيلان: لاماعليك ما راح يكرهها
وجدان: شدراك؟
جيلان: وصيت تولين لـ علي انه يحب بنته و يعطيها الحب و الحنان
وجدان: إن شاءالله يطبقه
-
عند بيت بطلتنا...
دخلت بهدوء لغرفته و جلست عنده على الأرض و ببتسامه: عادي العب معك؟
أنس اعطها ظهره و يلعب بسيارته: لا
قربت منه: للحين تكرهني؟
أنس: ايه
نجد باسته على خده: أسفه
وقف و مسح خده بقرف: يععع
نجد: الله كرهت بوستي بعد؟
أنس: ايه
نجد جات عنده و مسكت يده: أنوسس أنا سويت كذا على شان انت ماسمعت كلامي وش اسوي؟
أنس: بروح عند عمي مصلح
نجد: أنوسس ابيك انا
أنس: تبيني احبك؟
نجد: ايه
أنس: وديني عند عمي مصلح
نجد زفرت: خالي خالد جاء
أنس بفرحه: والله
وقفت وهزت راسها ببتسامه
راح جري وفتح الباب وقف ولف عليها: بشوف خالي بعدها بروح لبيت عمي مصلح
نجد هزت راسها: تمام
طلعت جوالها من جيبها بعد طلعو أنس: الوو سلام
صقر: هلا وعليكم السلام
نجد: في البيت؟
صقر: لا والله عند غنمنا ، ليه وش بغيتي؟
نجد: كنت ابيك تاخذ انوس قال انه يبي يجيكم
صقر: غريبه فكيتي اسره؟
نجد: زعل مني وقال إذا تبيني احبك بروح بيت عمي مصلح
صقر ضحك: خلاص إذا جيت المغرب باخذه
نجد: تمام تبي شي؟
صقر: سلامتك
نجد: يلا مع السلامه
صقر: الله معك
سكرت الخط و رجعت الجوال بجيبها و راحت لغرفت نوف و دقت الباب و دخلت بعد ماسمحت لها بدخول
نجد: مانك نازله؟
نوف: لا
نجد ببتسامه جانبيه: وليد جاء
نوف نزلت من سريرها: هو الي بيخطبني؟
ضحكت نجد و جلست على السرير: لا خالي جاء هو و اهله
نوف: غريبه
نجد: علمي علمك بس يلا انزلي بلا سماجه وقلت ادب عاد
نوف راحت للمرآءة و اخذت الكحل و بدت تحكل عيونها
نجد رفعت حواجبها: الله الله
نوف على وضعها: اصه و جيبي برقعي بدولاب
نجد وقفت و راحت فتحت الدولاب وطلعت البرقع الاسود و مدته لها: خذي
نوف بعد ماشافته: لا مو ذا
راحت لدولابها و بدت تدور برقعها
نجد: اخس له برقع خاص
طلعته و راحت للمرآءة لتلبسه: اسكتي
نجد جلست على السرير وحطت رجل على رجل: من وين جاء البرقع ذا؟
نوف بتوتر: عندي من زمان
نجد: والله لو شافته خالتي البرقع ذا المطرز و ربي لتوريك الشغل
نوف: لا ماعليك بس خلينا ننزل
نجد الي وقفت و نزلت برقعها على وجهها: بكيفك بس تراني علمتك
نزلو الثنتين من الدرج و اول ماسمع صوت خطواتهم وليد رفع نظره لدرج و ابتسم من شافها وتمتم: ياهلا ياهلا
ضربه بكوعه حاتم: اكلت البنت بعيونك
وليد شتت نظره: والله؟
حاتم: ايه
نوف: السلام عليكم
الكل: وعليكم السلام
نوف: لا والله ياخالي ماتقوم استريح
خالد الي وقف: بعز شبابي انا وش الي ما اقوم
سلمت عليه و بعدها سلمت على أم حاتم
جلست بهدوء جنب والدتها: وليد كيفك؟
وليد ببتسامه: الحمدلله بخير انتِ؟
نوف بخجل: دامك بخير انا بخير
فرح الي جنب نجد: شوفي الحيوانه ما استحت ولا شي
نجد: ماتوقعت اختك كذا والله
فرح: ولا انا والله
حاتم: الحمدلله أنا بخير و شكراً على سؤالك يانوف
نوف: ا. حاتم اعذرني ماشفتك
حاتم: بكبري وعرضي ماشفتيني
ضحكت نجد و ضربتها فرح: انطمي
أبتسم حاتم على ضحكتها
أنس جاء عندها: بروح لبيت عمي
نجد: صقر مو فيه انتظر للمغرب
أنس: انا كبير اعرف اروح
نجد: لا صقر بيجي ياخذك
خالد: وين بتروح؟
أنس بهدوء: عند عمي مصلح
خالد: افا ماتبيني؟
أنس: أبي العنود و سلطان
خالد: خليه يروح لهم
نجد: صقر مو فيه
حاتم: شدخل صقر؟
نجد: دقيت عليه لياخذ أنووس قال انه مو فيه بيجي المغرب و ياخذه
حاتم: اها ماشاءالله
فرح قربت من نجد: شكله يحبك؟ وغار عليك
نجد: بكيفه
فرح: كم عندك محبين ماشاء الله؟
نجد: بس عساف
فرح: و صقر؟
نجد: يوه يافروح صقر أخوي ، أخوي وهو بعد يشوفني أخته
فرح: ماضنتي
نجد: لا ضني لو يحبني كان خطبتي من زمان
فرح: صح
نجد: خلاص اسكتي
بدو بسوالفهم مع بعض وضحكهم و وليد و نوف عيونهم على بعض مرت ساعة وجاهم سيف واستانسو على ذي الجمعه
-
في بيت أبو صقر...
تحديداً في المطبخ..
فيء بطفش: تكفين خلينا نروح عند نجد
ضي الي تغسل المواعين: تبين نجد ولا سيفوه؟
فيء: لا والله نجد
ضي: عليي
اللهم صل وسلم وبارك على نبينا محمد
أنت تقرأ
ما خلف القضبان.
Fiksi Ilmiahاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
