هي الي منزله راسها لـ الأرض و تفرك يدها: غيره
سعد: هووو فديت الي يغارون
دفته بخفه: اسكت بس و بعد عن شنطتي
سعد: بعدت
طلعت لبسها و راحت لدوريه المياه ( أنتم الكرامه ) لـ تجهز و لبس سعد ثوبه و طلعت فرح و لبست عبايتها و طلعو
-
في بيت نجد...
جالسين و مندمجين بسوالف بعظ
نجد ناظرت في فيء وحبت تنكد عليها شوي: اي نسيت اقلكم
ضي: وش؟
فيء: وش صاير بعد؟
نجد بفرحه: سيف يبي يتزوج يعني جهزو فساتينكم لزواجه
ضي ناظرت في اختها ولاحظت تغير و جهها
نوف الي ما كانت منتبه بذاك اليوم: صح مين هي الي تبينها لـ سيف؟
نجد: يوه يانوف عالمك غير عن عالمنا بعدين اقلك من هي
نوف: ماعلينا مين هي بس اهم شي ينظم لنا شخص ثالث و يساعدنا في ذا البيت
نجد: حسستيني قصر مو بيت يوم انك شايله همه هل كثر
ناظرت نجد في بنات عمها و تمثل الاستغراب: وش فيكم؟
فيء ابتسمت بتسليك: مبروك
وقفت و بدت تلبس عبايتها بحركه سريعه
نجد أبتسمت يوم شافت غيرتها وأخفت ابتسامتها بسرعة: هو وش فيك يابنت؟
فيء هي تلبس برقعها: ما في شي بس بروح البيت تعبت و بروح أريح
طلعت بحركة سريعة
ضي باحراج من ردت فعل فيء و قالت بكذب: ا. راسها يوجعها بس جبرتها تجي معي لأني خفت أجي لحالي
نوف: بس ليه تغيرت ملامح وجهها؟
ضي: مدري الصراحه
وقفت وراحت تلبس عبايتها
نجد: على وين أنتِ بعد؟
ضي: خلاص راح الوقت و بشوف وش فيها
نجد ببتسامه: اها بس قوليلها تحضر الزواج
ناظرت فيها ضي بستغراب و عقدت حواجبها ضيقت البرقع على عيونها: يلا مع السلامه
نجد و نوف: الله معك
~
عند فيء لبست شبشبها بسرعه و طلعت مع باب الشارع و صادفها و عرفها من طولها و مشيتها
سيف تنحنح: وش صاير؟
فيء هي منزله راسها لـ الأرض: مو صاير شي
كانت بتمشي بس مسكها مع يدها بسرعه: صاير شي بينك أنتِ و نوف ولا نجد؟
سحبت يدها منه و بعصبيه: لا تصير قليل أدب و تمسك يد بنت مو محرم لك و لا بعد عن قريب بتتزوج مبروك
مشت و جلس هو يفكر بكلامها الغريب راح لها بسرعه و وقف قدامها
سيف: من قلك بتزوج؟
فيء ببتسامه حزن و هي تناظر عيونه و عيونها الي غرقانه دموع: بنت خالتك نجد لقت لك بنت اصول ونعم فيها
سيف: بس بنت الاصول هي...
ليلى الي جات و بيدها اكياس: سيف
لف عليها: سمي يايمه
ليلى ناظرت في فيء الي بادلتها النظرات و راحت
سيف يوم شافها مشت: صبر فيء!
ليلى ضربته على كتفه و بغضب: صاحي أنت واقف بنص الحاره أنت و وياها وش تقول عنا الناس؟ ولا بعد تناديها بصوت عالي
سيف: فاهمه الموضوع غلط يايمه
ليلى: وش الـ...
ناظرو بألي طالعه من بيت نجد و تمشي بحركه سريعه و وقفت أول ما شافتهم و نزلت راسها
ضي: السلام عليكم
ليلى: وعليكم السلام
ضي: كيفك يا خاله؟
ليلى: الحمدلله بخير و أنتِ
ضي: طيبه ، يلا عن اذنكم
بعد ماراحت ضي مسكت ليلى سيف مع يده: امش نتفاهم بالبيت ذبحتني الشمس بحرارتها
سيف: اي نتفاهم و بنتفاهم على اشيا واجد
ليلى: وش؟
سيف الي فتح الباب: بتعرفين بس تفضلي يا الغاليه ادخلي
دخلت ليلى و طلعت برقعها و طلع سيف جزمته عند عتبت الباب وهو رافع صوته: نجد يا نجد
نجد الي نزلت برقعها: خير وش صاير وش الصراخ ذا؟
سيف: و تسئلين بعد وش صاير
نجد: سيف لا تخوفني و تكلم أنوس صار له شي؟
ليلى الي حطت الأكياس على الأرض و بدت نوف بتفتيشها
ليلى: لا مو صاير شي له و ليه تخلينه برا بذي الشموس؟
نجد: مو راضي يدخل بيلعب مع سلطان وش اسويله؟
ليلى: ليه ما اخذو ولدهم معهم؟
نوف الي طلعت اللبس و هي تتأمله: الله أمي جابت لنا قمصان يانجد
نجد: مايبي يروح و قالت ضي أذان الظهر تجي
سيف هو متخصر: لا بالله كل واحد بعالم ثاني موضوعي هو يا نجد وش قلتي لـ فيء؟
نوف الي محطيه الأربع القمصان على الأرض: اممم وش اختار ياربي رفعت صوتها ، نجد وش تبين لون؟
سيف بصراخ: نوف و وجع خليك بعالمك
نوف ناظرت فيه بستغراب: بسم الله الرحمن الرحيم خير تصرخ
سيف: انطمي و خليك بعالمك ، و أنتِ جاوبيني؟
نجد بملل: اف يا سيف قلت للبنت انك بتتزوج بجس نبضها بشوف هي تبيك ولا لا يمكن نروح نخطب و تردنا و تصير فضيحه تخيل عاد بنت ردتك
سيف هو يمسح على وجهه: ماراح تردني
ليلى: هاه شدراك؟
نوف: الأخ شايف نفسه ملك الجمال محد يرده و كل البنات معجبات فيه
سيف هو يستوعب على نفسه: حاس و احساسي دايم صح
مسك نجد مع يدها و دخلو في أحد الغرف
نجد سحبت يدها: وش تبي؟
سيف: وش ناويه عليه يانجد؟
نجد الي ماسكه مفصل كف يدها بألم من مسكت سيف لها: مريض وربي جالسه اقلك اجس نبضها
سيف: اعرف انك تعرفين اننا نحب بعظ و تبين تقهرينها بكلامك
نجد قربت منه: شدراك انها تحبك
اعترفت لك؟ طبعاً لا ما اعترفت ذا أول شي ثاني شي تراها بنت عمي و ما ارضى عليها قلت العب معها شوي و اشوف ردت فعلها و هذاني شفتها و بعد شفتها أنت
سيف: طيب الزبده؟
نجد: إذا تبيها صدق هاذي خالتي موجوده قول لها و تروح تخطبها لك
سيف: اي بقول لها و بنروح نخطبها العصر إن شاءالله
نجد بسرعه: لا
سيف عقد حواجبه: ليه؟
نجد: مو فاضين أكيد بيجهزون اغراضهم لأن العصر بنروح لغنمهم
سيف: شقصدك بنروح؟
نجد: عمي عزمنا لعند غنمه طبعاً للأن ماقلنا لـ خالتي يمكن ترفض ما تروح
سيف: لا بنروح و بخطبها
نجد: عند غنمهم؟
سيف الي واقف عند الباب: اي إن شاءالله
نجد: ياراسي يا سيف لا
سيف: ذا كلامي النهائي
طلع لـ والدته و نوف الي في الصاله و يطلعون الأغراض الي في الكيس طلعت نجد بسرعه وراه و وقفت خلفه
سيف بهدو: يمه
رفعت راسها له: سم يايمه وش بغيت!
سيف: بنخطب شوي فيء من أبوها
نوف شهقت: بس العصر بنروح لغنمهم توي كنت اتكلم مع أمي
نجد: وافقت؟
نوف ببتسامه: اي جهزي نفسك أنتِ و أخوك مافي وقت
سيف: و جهزو نفسكم لـ خطبتي بإذن الله
ليلى: صاحي أنت نخطب البنت عند الغنم و نملك هناك؟
سيف بجمود: اي مافيها شي
نوف بضحكه: و الغنم و الدجاج يكونو الشهود
نجد ماتت ضحك و تكلمت بصعوبه من الضحك: لا لا رعد يكون الشاهد
سيف: هههه يضحك مره ترا بس بخطبها من أبوها أقول بس قولو لـ مها تجي و اننا بنخطب بنت مصلح
ليلى: والله ما اتوقع تجي ما دامه هناك عند الغنم
نوف: صح أنت تعرف مهاوي ماتحب البر و الغنم
سيف: طيب خلوها بس قولو لها هي و فرح على شان يكون عندهم خبر
نجد: عاد فرح الحين بتموت
نوف: احسن خلي سعودي ينفعها
سيف: بروح انام
ليلى: و الغداء ما تبي؟
سيف هو يرقى الدرج: لا ما ابي
ليلى الي طلعت القمصان المنقشه بالورد و اعطتها نجد: اختاري اي واحد تبينه
جلست نجد و طلعت برقعها و بدت تقلبهم ببتسامه: ابي ذا الأسود
نوف: كنت حاسه والله و عاد مها معروف بتاخذ الأحمر و فرح الأبيض
نجد ببتسامه: اكيد و أنتِ وش اخذتي؟
رفعت قميصها نوف: أصفر
ليلى طلعت القميص العماني و فرشته على الأرض توريه نوف و نجد
ليلى: والله اليوم لقيت عندهم قمصان تهبل قلت اجيب منها لكم
نجد: ذا حق مين؟
ليلى ببتسامه: لـ سيف و أنوس
نجد اخذت قميص أنس: الله يجنن حتى لونه حلو
نوف: و أنتِ يايمه جبتيلك؟ جبتي لنا و نسيتي نفسك
ليلى طلعت قميصها الأخضر المنقش بـ الورد: ذا حقي
نوف: الله كلنا نفس الشي بس الألوان تختلف
ليلى: هيا يلا قومو البسوها لـ اشوفها عليكم
قامو و كل وحده توجهت لـ غرفه و لبسو قمصانهم و كانت تهبل عليهم اصرو على ليلى تقوم تلبس و كانت ترفض كل وحده مسكت يد و قوموها لتلبس و كانت تضحك من حركتهم ذي و اصرارهم عليها لبست و طلعت لهم و كانو منبهرين بالقميص الأخضر المنقش بالورد عليها قامو يرقصون و يدورون فيه بعشوائيه و هم يضحكون دخل أنس و سلطان عليهم من اصواتهم العاليه و لبست نوف أنس قميصه الي بكى يوم شافهم لبسين جديد الا هو بعد مالبس بدا يرقص معهم و شاركهم سلطان الي اعطته ليلى حلاوه مصاص جاء صقر و أخذ ولده و اتجهو للمطبخ نجد و نوف لتجهيز الغداء
-
في نفس التوقيت عند ضي و فيء...
دخلت عليها ضي في الغرفه وشافتها على سريرها و هي حاظنه المخده و تبكي بحرقه طلعت عبايتها بحركه سريعه و جلست قبالها
ضي: استانستي الحين؟
فيء بصوت باكي: ضي مو وقتك
ضي: وش الي مو وقتي فشلتي نفسك قدامهم وش يقلون الحين اكيد بيتكلمون عنك
فيء رفعت راسها لها: شايفه نجد كيف تقهرني؟ و كئنها عارفه اني احبه وذي مو اول مره
ضي: شايفه بس ما تفضحين نفسك كذا كان مسكتي نفسك شوي
فيء بعصبيه: ضي انطمي
ضي بدهشه: انا تقوليلي انطمي؟
فيء على وضعها: اي أنتِ و اطلعي برا غرفتي لو سمحتي
وقف ضي و تكلمت بعصبيه: تستاهلين في الي صار لك قلت لك يا فيء لا تحبينه يا فيء يمكن ما يحبك يحب أحد غيرك يا فيء لا تتوهمين بحبه و بكره بتبكين إذا تزوج غيرك و هاذا هو الي صار بيتزوج ولا درا عن هواء دارك
وقفت فيء و رمت المخده على الأرض و بنفس نبرت صوتها و هي تظرب على قلبها: قلبي قلبي يا ضي الي حبه وش تبيني اسوي مو بيدي
ضي: الا بيدك و تتركي هوجيسك فيه و الا ماكان صار لك كل ذا
فيء ببكي و صراخ: ضي خلاص خلاص انطمي و اطلعي برا
ضي: بطلع و اجلسي لملمي جرحك بنفسك
أتجهت ضي للباب و أخذت المخده فيء و رمتها دخل صقر و ضربت المخده على وجهه جات وراه أم صقر و بعدت صقر عن الباب و دخلت بعصبيه
أم صقر: خير أنتِ و وياها اصواتكم كذه طالعه؟
فيء الي حطت يدها على فمها أول ما ضربت المخده على وجه صقر و شهقت: أسفه يا صقر مو قصدي
ضي الي تناظر في فيء: مو صاير شي يايمه
صقر الي ماسك المخده: مريضه يوم انك ترمينها
أم صقر على عصبيتها: كيف مو صاير شي و اصواتكم طالع لـ برا؟
أخذت عبايتها ضي الي كانت على الأرض و طلعت من الغرفه: أسئلي بنتك و تقلك
ناظر فيها صقر بستغراب و أول مره يشوف أخته تسوي التصرف ذا
ناظرت أم صقر في فيء: وش صاير تهاوشتو مع بنت عمكم؟؟
فيء الي بدت تمسح دموعها و أبتسمت: مو صاير شي يا الغاليه بس تعرفين شوي العصر بنروح لغنمنا و جالسين نتناقش من ترتب شنطت الملابس
أم صقر بعدم تصديق: والله!
فيء: ايه
صقر: صح حطولي قميصين و ثوب
أم صقر: ترا كلها يومين لا تكثرون لبس
فيء بهدو: أبشري
صقر الي بدا يتلفت و فقد ولده: سلطان وين؟
فيء:ا.يمكن مع أنس ما جاء
صقر الي طلع من الغرفه بسرعه و بعصبيه: مانها متأكده تقول يمكن
أم صقر: الظهر أذن و غداكم ماسويتوه
فيء الي راحت و أخذت المخده الي رماها صقر على الأرض: الحين بنسويه بس ريحي أنتِ و لا تشيلي همه
أم صقر الي كانت بتطلع
فيء بسرعه: بالله يا أمي سكري الباب وراك
لفت عليها أم صقر: ليكون بتنامين؟
فيء بكذب: لا لا بس ببدل ملابسي
أم صقر: اها طيب
طلعت أم صقر و سكرت الباب وراها جلست فيء على الأرض و بددت بالبكاء و هي تظرب على قلبها: ليه يا قلبي تحب شخص مو لك ليه ليه تحب انسان ما حبك أبداً
-
في بيت عبدالإله..
الساعة 2:00...
تغدو أهل تولين و بعد الغداء بنص ساعة رجعو لبيتهم
نازله من الدرج و شافت أخوها لاف العمامه على راسه و بيطلع: على وين؟
لف عليها: عندي شغل
جيلان بعبوس: احلف؟
عساف: والله ليه؟
جيلان على وضعها: طفشانه و كنت بقلك نروح للسطبل
عساف: خليه مره ثانيه و صح روحي مع وجدان و تولين
جيلان: وين بيروحون؟
عساف: بيروحون لسوق يشترون ملابس للبيبي
جيلان: حيوانات بيروحون و ما يقولولي اوريهم أنا
عساف: يلا أجل روحي وريهم شغلهم و أنا بروح لشغلي
جيلان: تمام
طلع عساف و بدت تدور جيلان عليهم لقتهم في الحوش الخارجي الي عند المطبخ
جيلان: أنتم هينا و أنا لي ساعة ادوركم
تولين: وش بغيتي
سحبت الكرسي و جلست: الحين أنتم بتروحون تشترون ملابس لبيبي ولا تقولولي تعرفوني أحب اللحظه ذي
تولين: وش دراني معرف انك تحبينها
جيلان: خليك أنتِ عذرك معك لفت على وجدان ، أنتِ يا هانم تعرفين ليه ما قلتيلي؟
وجدان: أنتِ كيف عرفتي
تذكرت انها قالت لوالدتها: الله يهديك يايمه قلت لها لاتقول لا أي أحد
جيلان: ارتاحي مو أمي
تولين: اجل من؟
جيلان: الحاسه السابعه شغاله عندي
ضحكت تولين
وجدان: ياكذبك بس اخلصي علي من قلك؟
جيلان: عساف
وجدان: بسم الله شدراه؟
تولين الي تذكرت: صح أول كان في المطبخ يشرب ماء شكله سمعك
وجدان: آه يا النذل اوريك
جيلان: ماعلينا منه بس ترا بروح معكم
وجدان: لا
جيلان: وليه إن شاءالله؟
وجدان: لأن ما ابي لحد يعرف جنس الجنين
جيلان: خلاص عرفنا قالته أول لانا انه بنت
وجدان: مانها متئكده قالت حاسه
جيلان: طيب أنا طفشانه وين اطص؟
وجدان: أمي بتروح لـ خالتي روحي معها
جيلان: اجي لـ عساف و يرميني عليكم اجيكم و ترموني على أمي ولو اجي أمي الحين بترميني على أبوي
تولين بضحك: كوره
جيلان: والله انك ما كذبتي
وقفت و هي تتأفف: مالي الا أروح مع أمي لـ خالتي
وجدان: اي احسن لك حتى يمكن تلاقين كنت خالتي هناك
جيلان بحماس: يارب فيه على شان أتعرف على ناس جدد ، يلا بروح أقول لـ أمي اني بروح معها
رحت و لفت وجدان على تولين وهي تضحك من أختها: مجنونه وربي
تولين: أتوقع انهم راحو لشهر العسل
وجدان: اي صح نسيت ياعزتي لها بتروح متحمسه و تنكسح هناك
تولين: شكل اليوم كل شي ضدها
وجدان: شكل
-
عند بيت نجد...
متواجدات في المطبخ بعد ما خلصو من ترتيب ملابسهم في الشنطه و انتهو من غصوب مواعين الغداء و بدو يسون القهوة و الشاهي و حلى مع القهوة
نوف شهقت: نجد مافي قشطه
نجد الي ترص البسكوت في الصينيه: امانه!
نوف: وربي روحي جيبي
نجد: روحي أنتِ
نوف: عبايتي أكيد مانشفت من المويه تكفين يانجد روحي بسرعة
نجد مسحت يدها: خالتي قالت لا تمشين كثير ولا تطولين في الوقوف كيف تبينها تخليني اروح؟
نوف راحت و طلعت راسها مع باب المطبخ و رجعت لها يوم شافت مافي أحد في الصاله: أمي الحين نايمه و سيف و أنوس نايمين بعد يعني محد داري عنك و فرصتك إذا بتنزلي الي في بطنك
حطت نجد يدها على بطنها: بديت اعتاد عليه و احبه
نوف: تقولينها صادقه؟
نجد: اي والله
نوف: أقول روحي بس و مو جايك شي صدقيني
نجد يملل: طيب
نوف: لا تطولين
هزت براسها و راحت تلبس عبايتها دقايق والا هي مخلصه نزلت و راحت لسوق الي في حارتهم ماشيه لجهت السوق و حست أن فيه أحد يتبعها لفت و انصدمت من وجوده و مشيه وراها أستمرت بالمشي و دخلت في أحد البيوت المهجوره ولفت عليه
نجد: وش تبي؟
عساف: الي مخبيته عني
نجد: متأكد انك تبي تسمعها؟
مشى بخطواته الهاديه و هي بدت ترجع على وراء و استوقفها الجدار حط يده على الجدار و كان قريب منها و ببتسامه: متأكد يا نجدي
نجد الي منزله راسها لـ الأرض: أنا حامل
أختفت أبتسامته بتدريج و نزل يده الي كانت على الجدار
نجد كملت كلامها وهي تناظر في عيونه و هي عيونها غرقانه دموع: جزاع مو زوجي و فوق ذا أغتصبني يعني قدامك وحده مغتصبه وحده حامل بولد جزاع الي تكره وحده قدر يخدعها شخص انه زوجها و ما انتبهت لذا الشي بختصار الي قدامك وحده غبيه
رجع عساف خطواته لوراء بهدو
نجد الي شافت ملامح وجهه تغيرت و أختفت الأبتسامه الي كانت على وجهه: قلي بترضى فيه بترضى بوحده مغتصبه و حامل؟
حطت عيونها في عيونه تنتظر جوابه لكن صمته اجبرها ترجع تسأله بنبرت صراخ بـ أعلى صوتها: رد علي قلي بترضى؟
ماشافت منه رد و رجوعه على وراء ضحكت بسخريه: أكيد ماراح ترضى ولا أنا مين لترضى فيه
نزل شماغه و رماه على الأرض و طلع من البيت بسرعه بدون أي كلام بس كانت تعابير وجهه المستغرب و المصدوم و ماتوقع ذا الشي ابداً
جلست نجد على الأرض وهي تبكي بحرقه
دقايق و الا هي وقفت و مسحت دموعها بحركه سريعه و راحت أخذت شماغه و حطته في شنطتها طلعت من البيت المهجور و راحت لقرب بقاله و أخذت قشطه و راحت لبيتها دخلت و طلعت عبايتها و رمتها على كنبت الصاله و دخلت المطبخ و حطت القشطه على الطاوله و اتجهت لصحن البسكوت و بدت بتكميل الترصيص بهدو
نوف عقدت حواجبها بستغراب: وش فيك؟
ماردت عليها نجد
راحت نوف و وقفت عندها: بنت شفيك؟
نجد هي تحاول تخفي صوتها الباكي: مافيه شي
نزلت دمعتها على صحن البسكوت
لاحظت نوف نزول دموعها و مسكتها مع يدها ولفتها لناحيتها: ليه تبكين؟
مسكتها مع يدها و بدت تهزها: نجد تكلمي لا تجلسين كذا ساكته
نجد ببكي و تعتعه: قلبي ، قلبي يانوف جالس يحترق نوف تعبت والله ماني قادره اتحمل والله
طاحت على الأرض و بدت بالأنهيار نزلت نوف لها و حظنتها على صدها وهي تمسح على ظهرها
نوف و شوي و تبكي: لا تبكين تكفين
وقفت نجد و هي راحيه لغرفتها كان أنس قدامها و كان يحاول يكلمها بدون ما تنتبه على نفسها دفته بدفاشه و طاح على الأرض و كملت مشيها ورقت الدرج
راحت نوف لـ أنس الي كان طايح على الأرض و حظنته بسرعه
أنس بصوت باكي: ايش فيها ليه زعلانه مني؟
نوف الي حاظنته: مافيها شي ياروحي بس تعبانه
طلعت ليلى من غرفتها بخوف: بسم الله وش الصوت ذا؟
نوف الي ما زلات حاظنه أنس و محطيه يدها على أذنه: نجد يايمه تكسر فوق
ليلى بخوف: وش فيها؟
نوف ببكي و هي تحرك راسها بعشوائيه: مدري جات من السوق وهي تبكي تتوقين جزاع يايمه مخبي بعد شي عنها؟
ليلى الي ماشيه لناحيت الدرج و ببكي: مدري مدري الله يستر بس
بعدت نوف أنس عنها و راحت مسكت بيد والدتها: يمه خليها
ليلى وهي عيونها على الدرج: وش الي اخليها بتذبح نفسها
نوف: يمه نجد كبيره ماهي بزره خليها تبكي و تطلع كل الي في صدرها و تعرفين نجد إذا بكت تحب تكسر
ليلى: بس...
قاطقتها وهي تناظر في والدتها بعيون دامعه و ترجي: يمه تكفين خليها
سكتت شوي و كملت كلامها: نجد تعبت يايمه نجد شافت مر الحياه و وجعها خليها تبكي لين ترتاح
جلست ليلى على الدرج و جلست نوف عند رجولها بعيونهم الدامعه وهم يسمعون صوت التكسير و البكي الي فوق جاهم أنس بخوف و ارتمى في حظن خالته
~
عند نجد دخلت غرفتها و قفلت الباب و بدت تكسر كل المتواجد في الغرفه و هي تبكي و تردد: ليه تقول برضى فيك ليه تقول أحبك و أنتِ حبي الأول ليه تكذب لييييه اكرهك اكرهك
جلست على الأرض يوم حست بألم يدها مسكت يدها و هي تبكي
-
عند عصافير الحب ، هههه...
ماسكه بيده و يمشون عند البحر و ابتسامتها على وجهها من صوت المطر الي ينزل على المظله الي بيد سعد المظله الي يحتمون تحتها من المطر أبتسمت أكثر يوم حست سعد شد على يدها وقف ولف نظراته لها و هو مبتسم: وقت المطر وقت إستجابت دعوات دعيتي؟
فرح ببتسامه: لا
لفت كل جسمها لجهت البحر و رفعت يدها و بدت تدعي
سعد بتساؤل: وش دعيتي؟
دخلت يدها في ذراعه و سندت راسها على كتفه و بدو بالمشي: دعيت لنجد
سعد بستغراب: ليه وش معنى هي؟
زفرت فرح: لأن الفتره ذي مره تعبانه جالسه تمثل لنا انها بخير بس هو عكس ذا
سعد بتساؤل: وش فيها؟
فرح: مقدر اقلك بس ادع ان ربي يستجب دعائي
لف عليها ببتسامه و تلفت حولينه و ماشاف أحد موجود عند البحر غيرهم رفع برقعها و بدا يتأمل وجهها
نزلت فرح برقعها بسرعة: صاحي أنت ترفع برقعي هينا؟
سعد: عادي مافي أحد خذي راحتك و أنا باخذ راحتي في تامل وجهك الجميل
عضت شفتها لثواني تتلفت حولينها ، رجعت نظرها له من كان المكان خالي مافيه الا هم رفعت برقعها و هي منزل راسها: صوت المطر على المظله حلو
أبتسم و هز راسه بالإيجاب و رفع يده يثبت ابهامه على دقنها و عيونه على شفتها: بس ناقصه شي واحد و يصير احلى
عضت شفتها من فهمت قصده وهي تشتت نظرها عنه
أبتسم يوم شاف وجهها المحمر: استحيتي؟
هزت راسها بالنفي و رجعت نظرها له تتمتم: اخر وحده ممكن تستحي أنا
رفع حاجبه لثوانه و بسخريه: والله! اخر مره استحيتي فيها البارح
عضت شفتها لأنه يسخر منها ، رفعت نظرها له و هي تركز بوسط عيونه و قلبها ينبض بجنون بهاللحظه لأن ودها تثبت له عكس ذا ، رفعت يدها له تحاوط عنقه ثبتت نفسها بذي الطريقه و أرتفعت على اطراف اقدامها لجل توصل لمستوى طوله وقبلت طرف شفته لثواني ما طالت من أستوعبت يلي سوته ، و نزلت رجولها تبتعد عنه ، لكنه حاوط خصرها بيسارة يرفعها له يقبّلها و تبادله القُبل نزل المظله على الأرض وحط يده اليمنى على ظهرها و تبادلو القُبل...
-
في بيت أبو صقر...
صقر واقف عند الباب و بيدينه شنطت القهوة و الفراش رفع صوته: ضي فيء بسرعة أطلعو
ضي الي جايه و بيدها عبايتها و بيدها الثانيه شنطت ملابسهم: جيت
حطت الشنطه على الأرض و بدت تلبس عبايتها جاء صقر بعد ماحط الأغراض الي معه بسياره جاء و أخذ شنطت الملابس رفع نظره لها: فيء وينها؟
ضي الي شايله بخاطرها على أختها من أسلوبها معها: مدري
صقر: كيف ماتدرين؟
تذكرت شغله و اتجهت للبيت: ايه مدري عنها نادها و ترد عليك
طلعت فيء من البيت استغربت من تجاهل اختها لها جات و وقفت عند صقر: وش فيها ضي؟
صقر الي طلع من باب الشارع: المفروض السؤال ذا أنا أسأله لك
فيء الي تذكرت طريقت كلامها اليوم مع أختها و رفع صوتها عليها
عدم ردها عليه لوح بيده امام عيونها: الوو!
شتت فيء ذهنها و ناظرته: هاه؟
صقر: سلامتك
طلعت ضي و بيدها حافظه الجريش: صقر تبي شي ولا اسكر الباب؟
صقر: لا ما ابي شي بس وش فيها الحافظه؟
سكرت الباب و جات عنده: جريش
صقر: جريش مع العصر؟
ضي الي اتجهت للجه الثانيه من السياره و فتحت الباب: مدري والله عن أمي هي الي سوته
صقر: أركبو بس خلونا نروح أمي و أبوي سبقونا و اشغلوني كل شوي داقين و يسألون وينا فيه
ركبت ضي وهي تسمي: بسم الله توكلنا على الله
بدو بركوب صقر و فيء و ناظرت بالي طالع من بيت نجد و لاف الثوب على خصره و لاف العمامه على راسه عضت شفتها من مظهره الحلو لثواني و شتت نظرها عنه يوم تذكرت أنه بيتزوج و بيصير عنده وحده غيرها في حياته
-
نفس التوقيت في بيت "نجد"...
كانت تدق الباب عليها و هي تناديها
منسدحه على السرير و لامه رجولها لحظنها و حاظنه شماغه و تشم ريحته فيها و امامها مكاتيبه لها تتأملها بدوع و قفت من الدق المستمر مسحت دموعها و خبت الشماغ تحت مخدتها مع الأوراق
فتحت الباب و هي تناظرها: خيرر؟
نوف وعيونها على و جهها المحمر من البكي و مُنتفخ من تحت عيونها: نجد ليه وجهك كذا؟
نجد أبتسمت بحزن: ايش فيه وجهي؟ ذا وجهي التعبان الي ماشفتوه ذا وجهي الي كان في داخلي و ماطلعته
نوف دخلت الغرفه و انصدمت من شكل الغرفه المبعثره و بخوف: نجد أطلعي لا تنجرحين إلا مانرجع ننظفها سواء
نجد: ليه وين بنروح؟
نوف: فقدتي ذاكرتك ما اليوم قالت لنا ضي العصر معزومين عند غنمهم؟
نجد: اها قصدك العزيمه روحو انتم و استانسو و ما أتوقع تهمكم سعادتي
نوف عقدت حواجبها: وش الكلام ذا يانجد سعادتك من سعادتنا و حزنك من حزننا
نجد ضحكت بسخريه: صح نسيت
نوف: نجد...
قاطعتها من مسكتها نجد مع يدها و طلعتها من الغرفه و بعصبيه: قلت ما أبي أروح روحو أنتم و أنوس خلوه هينا معي
نوف:بسـ...
سكرت الباب على وجهها و نزلت دموعها و ماتدري وش سببها هل من التعب الي بداخلها ولا من طريقت اسلوبها مع نوف
عند نوف استغربت من تغيرها فجئه عليهم نزلت و قابلت ليلى الي في الصاله و لابسه عبايتها و ماسكه بيد أنس
ليلى بستغراب: نجد وينها؟
وقفت قبال والدتها وهي تناظر في الأرض بسرحان: مدري بس متغيره علينا بعد
ليلى الي مانها فاهمه عليها: أنتِ وش تقولين؟
نوف ناظرت في والدتها: تقول ماني رايحه روحو أنتم و استانسو و اتوقع سعادتي ماتهمكم
ليلى: هو شبلاها ذي؟
دخل سيف وهو ينزل ثوبه: هاه باقي شي ولا خلاص
ليلى لفت عليه: نجد ماهي رايحه
سيف: وش فيها ذي؟
نوف: ولا بعد تقول خلو أنوس عندي ماتبيه يروح
أنس بكى: لا أنا أبي اروح
سيف: بتروح بتروح معليك
نزلت نجد لهم الي كانت جالسه عند الدرج و تسمعهم: أنوس ماراح يروح
سيف: أنتِ وش فيك اليوم تكسرين سكتت و ماقلت شي و الحين ماتبين تروحين ولا تبين المسكين ذا يروح
نجد بأنفعال: أنت وش دخلك لو اكسر كل الي في البيت بيتي و كيفي فاهم وذا أخوي وكيفي
سيف: لا والله مو على كيفك
نجد: ليه على كيفك أنت اجل من أنت اصلاً هاه من؟
سيف بعصبيه: نجد
ليلى الي اعتلى صوتها: خلاص بس بس
لف سيف عنهم و مسح على وجهه و رجع ناظر فيها: أنتِ وش علتك ممكن أفهم أول تبكي و تكسرين و الحين تصرخين علينا؟
نجد بلعت غصتها: ممكن تخلوني لحالي في البيت أنا و أخوي؟
ليلى: بس يابنتِ ذي عزيمت عمك مصلح لازم تروحين
نجد: مالي خلق روحو انتم
ليلى: طيب على الأقل أنوس يروح معنا
نجد راحت و مسكت بيد أخوها: ما ابيه يروح
أنس رفع نظره لها و بـ برائه: ابي اروح لدجاج
لزلت لمستواه و تتصنع الأبتسامه: أوعدك اننا نروح لها مره ثانيه
رفعت ليلى عبايتها على راسها: يلا مشينا و أن احتجتو شي دقي علي
نجد هزات راسها و طلعو ليلى و سف و نوف من البيت
لفت نجد على أخوها: أسفه اننا مارحنا معهم بس أكيد انك مشتاق لـ أهلنا تبي نروح عندهم و نكون مع بعض
أنس ببرائه و فرحه: ايه يعني راح نشوفهم و نجلس مع بعض؟
نجد بحزن: ايه هيا نجهز لنروح
أنس هو ماسك يد نجد و يرقون الدرج: بس يدك مكسوره كيف تسوقين؟
نجد: ماعليك اقدر
~
في جهه اخرا...
ركبو السياره و مشى صقر بسيارته من جنبهم و ما شاف أنس و نجد معهم
وقف سيارته و بتساؤل: أنس و نجد وينهم؟
سيف و عيونه على فيء: مانهم جاينن
تمتمت فيء بفرحه: احلى شي
صقر بستغراب: ليه؟
سيف: والله مدري عن بنت عمك
رفع يده و اشر لناحيت بيتها: ذا هو بيتها روح و أسألها
فيء بسرعة: لا خلها
صقر: وش الي اخليها لازم اروح و أشوف وش فيها؟
فيء: بس الوقت راح
صقر نزل من سيارته: لا فيه وقت
كان بيدق الباب بس سبقته و فتحت الباب
فزت نجد بخوف: بسم الله ليه وقف هينا؟
صقر ناظرها بستغراب: على وين؟
نجد:ا.ا.مالي خلق لطلعت البر قلت أخذ أنوس و نطلع نتمشى شوي بسياره
مسكها مع ذراعها و دخلها للبيت و سكر الباب
نجد بستغراب من حركته ذي: وش فيك؟
صقر: عيب نتكلم عند الباب قدام الناس ، و وش الي مانك خلق لطلعت البر؟ وأنا الي مضبط الطلعه ذي على شانك
نجد: على شاني؟
صقر: ايه لاني شايفك الفتره ذي تعبانه قلت نطلع و نتجمع و نغير جو و يمكن نفسيتك تزين
ناظر في عيونها المحمره من البكي و منتفخه من تحت: باكيه صح؟
نزلت عيونها لـ الأرض
صقر: نجد متى ناويه تخلين سالفت الانتحار ذي؟
ناظرت بصدمه
أنس: وش انتحار؟
حط صقر يده على شعره و بعثره: روح جهز شنطتك بنروح لدجاج يلا
أنس بفرحه: والله!
أبتسم صقر و هز راسه بالإجاب راح أنس ركض للبيت بفرحه رجع صقر نظره لـ نجد:وش كنتي بتسوين بنفسكم؟
نجد هزت راسها: لا لا ماكنت بنتحر
صقر: ذا تصرفك مثل تصرفك بعد وفات أهلك بشهر
~
بعد شهر من وفات أهل "نجد"
تحديداً الساعة 6:00 ...
فيء بترجي: تكفين تعالي معنا
أبو صقر: أمشي يابنتِ معنا و وسعي صدرك مو زينه ضيقت الصدر
نجد بكذب: والله ياعمي تعبانه
أبو صقر: وين التعب ما أشوفه أقول أمشي وخلي عذرك ذا
نجد: المره الجايه إن شاءالله
أبو صقر هز براسه: طيب و أني أعرفك عنيده لو اترجا فيك من هينا لبكره ما راح توافقين
فيء: تقهرين وربي
نجد: فيوه مو لهل درجه عاد قلت أني تعبانه
فيء: طيب ماقلت شي
وقف أبو صقر بعكازته: يلا أجل بنفلح وأن تبي شي ولا لا قدر الله صار لكم دقي علي
وقف فيء و نزلت برقعها على وجهها
نجد وقفت على وقوفهم: لا إن شاء الله ما احتاج شي وأن بغيت هاذي هي سيارتي واقفه برا ما أبي اتعبكم معي
أبو صقر الي اتجه للباب: والله أني قلبي ناغزني و أن بيصير شي
راحت نجد و باست راسه بحنيه و أبتسمت بتسليك: ماعليك مو صاير شي
رتب على كتفها و طلع هو و فيء
سكرت الباب من بعدهم و سندت ظهرها عليه و هي تناظر في بيتهاها زفرت بتعب و هي ماشيه خطواتها للبيت رفعت صوتها: أنووس جهز نفسك
جاهاء أنس بفرحه: ليه وين بنروح؟
نجد أبتسمت: لـ أهلنا
-
بعد نص ساعة عند غنم أبو صقر ..
جالسين و وصطهم النار و جنبهم ثلاجه الشاهي و غارسين بسوالف بعظ و ضحكهم العالي و صوت الغنم و الدجاج و رعد و أبو صقر الي مره يشاركهم و مره يشرده باله الي مشغول على بنت أخوه و قلبه مانه مرتاح
فز على جواله الي هز في جيبه طلعه و هو قلبه ينبض بخوف رد بصعوبه: هلا ، أيوه نعم أقرب لها
اللهم صل على محمد وال محمد
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
