الجد: مو على كيفكم انتِ وهي فاهمين راح تتزوج جزاع غصبن عنك جات بتتكلم
سرعان ماقطعتها رهف: أبشر يايبه مايصير الي يرضيك بحاول معهم روح انت ريح ذحين
الجد: ايه عفيه بنت
بعد ماراح
أم جزاع: ايش اللي ماراح يصير اللي يرضيه صاحيه انتِ؟!
رهف: بسكته على شان يروح بس لاتصير مشكله.
لفت عليها وانتِ يانجد موكان قصدي والله بس انتِ تستاهلي واحد احلى من ولدي اعرف جزاع مايبيك الا على شان شي
ليان: لاوالله تقولي عن ولدك كذا!
أم جزاع: ايه بقول عنه كذا وانا صادقه جزاع مايبيها الا على شان شي وما ابي اظلم بنت الناس انا
نجد: خلاص ياخالتي فاهمه عليك
أم صقر اللي بتغير الموضوع: يلا قومو نظفو الخيمه الثانيه لننام فيها
ضي: ابشري يلا قومو يابنات
راحو للخيمه الثانيه وبدو يشتغلو وينظفوها من الغبار لانو مطولين ماجوها
فجر: يالله ياليت اقدر انام معكم
ضي: طيب نامي
فجر: اعرف ابوي بيرفض
فيء بغرور: ماعليك بحاول معه انا تعرفي عمي يحبني ويسمع كلامي
فجر: ايه ايه اشتغلي بس
نجد: لو فيه خيمه ثانيه ننام فيها احسن شي
ضي: ليه شفيها ذي!
نجد: مافيها شي بس على شان ناخذ راحتنا بسوالف والضحك لو نمنا هينا مانقدر من خالتي وعمتي والخيمه الثانيه ماتصلح لنوم
فيء بحماس: ننام برا في الجلسه
نجد نفس حماسها: والله وجبتيها
ضي: صحيات انتم وش اللي تنامو برا غلط
فجر: يمه قشعرينه والله
نجد: مافيها شي الجلسه مرتفعه وماراح يجي لنا شي
فجر: حتى ولو شي يخوف
فيء هي ماشيه بتشيل المخده: خفي علينا صرخت اول ماشافت الثعبان
بعدو وطلعو عند باب الخيمه وبدو يصرخو على نجد
ضي: نجد اطلعي
فجر: بنت شفيك تحركي
فيء: نجد نكلمك الداب(الثعبان)جاك بسرعه امشي
كانت مصلبه بمكانها من الخوف والشي الكبير اللي جايها
فيء صرخت باقواء ماعندها: صقر ياصقر الحق الحق بسرعه صقررر
جايهم ركض هو وجزاع
صقر: شفيك؟!
فيء بخوف وتعههت الكلام: نـ... نجـ... نجد الداب(الثعبان) جاها بسرعه
دخل واخذ الفاس ليضربه نجد بعدي ياهو اكلمك بعدي
دخل وشالها على طول وراح وراء الخيمه بسرعه الكل انتبه يوم شالها بس شتتو تفكيرهم على صقر والداب(الثعبان) بيذبحه ولا لا
ساندها على الخيمه وضرب خدها بخفه اشفيك؟!
سرعان ما استوعبت انها معه وكان مقرب منها دفته بقوه ونزلت برقعها: بعد عني شجابك هينا!
بدا يمشي بخطواته الهاديه بتجاهها وبتسامته: ابد يازوجتي العزيزه نقظتك انا قبل لا يقرصك الداب(الثعبان)
نجد: لاتقرب فاهم ومالك دخل تنقظني بعد
جزاع: افا ليه!
نجد: جزاع احذرك لاتقرب!
قرب منها وحط يدينه على الخيمه و واقف قدامها ماتقدر تبعد عنه: راح توافقي وتتزوجيني تمام
نجد بخوف: طيب بس بعد بعد
لمس با يده السباب والاسطى على جبينها وابتسامت خبث: راح ابعد بس اذا ماوفقتي بسوي شي مايعجبك
بدت تعصب من كلامه ولمست ايدينه على جبينها دفته: مراح اوافق و ورني وش متسوي ياولد صالح!
قرب منها بسرعه: ولد صالح بيسوي اللي سواه قبل واقوى بعد
بدت تدفه وتضربه على صدره وتتكلم مع كل دفه وضربه بصدره كلمه وهي تبكي وبعصبيه: تبيني اتزوج واحد معنده شرف واحد قليل ادب واحد مايهمه لاشرفه ولا شي واحد مايستحي على وجهه واحد مو رجال واحد مو كفو واحد قرب من بنت مو محرم له وحد دخل على البنت في بيتها وسواء اللي يبيه واحد......
جاء بسرعان وضربه بكف اقواء ماعنده مسكته نجد صقر ايش تسوي
صقر: نجد بعدي
نجد ودموعها على جفن عينها: خله امانه
صقر هو يناظر فيه وراص على اسنانه بعصبيه: قلت بعد
نجد: مراح ابعد
دفها بخفه وعدم أستوعاب وطاحت على الارض وانجرح كف يدها وبدا يضرب ب جزاع ومو مستوعب وش يسوي بس من قهره يوم سمع كلام نجد وفهم انو قرب منها ودخل في بيتها والكل جاء على صوت الصراخ قامت بسرعه وما حست بالجرح مسكته من عند صدره وبعدته: خلاص خله خله الله يخليك لاتوصخ ايدينك فيه
أبو جزاع: صقر وش اللي تسويه هااه؟!
صقر وعيونه على جزاع بنظرات الحقد: اربيه مو متربي
أبو جزاع: وش ذا الكلام ياصقر ماتوقعته منك!
صقر: معي الحق ولا لا يا جزاع!
أبو جزاع: تخسي والله مربي ولدي احسن تربيه ومنك
أبو صقر: ايه والله يا صالح كأنك بديت تغلط
أحمد: صلو على النبي ياجماعه وهدو
الجد: خلاص ولا تبي بعد يا صالح عداوه بينك انت واخوك وانت ضارب الولد ليه على شان بيتزوجها وتحط كل حرتك فيه هاه؟!
صقر: ماضربته على شان كذا ونجد مثل اختي
الجد: اجل ليه وانتِ بدل ماتقفي مع زوجك رحتي وقفتي معه!
نجد لفت عليه بعصبيه وتحاول تتصنع القوه: مو زوجي فاهم مو زوجي ومو على كيفك تزوجني اللي تبيه وبتاخذ البيت مالك دخل فيه خلني باحالي كرهتني حتى بنفسي صرت ودي اموت وابعد عن الدنيا ذي والسبه انت وذا ماراح اتزوجه عديم الشرف ولا خفت لامنك ولا منه لفت لتبعد عنهم وهي تبكي لقت فجر قدامها بنظره استغراب الكلام اللي قالته وهزت راسها: ماتوقعت الكلام منك راحت وخلتهم
الجد: شف قليلت الحياء صدق
أبو جزاع: وتبيها تاخذ ولدي!
الجد: بتاخذه غصب ويربيها
جزاع هو يمسح خشمه اللي كله دم ويناظر بصقر وبتسامت خبث: ايه سم ياجدي بربيها معليك
راح صقر وخلاهم
فيء لفت على ضي وهمست: شقصدها عديم الشرف؟!
ضي: علمي علمك بس شكله مسوي لها شي
-
في بيت ليلى...
رجعو من سفرتهم وخلصو من اغراض مها
فرح: بدري مره بدري
مها: والله يا اسواقهم فخمه افخم من اسواقنا بميت مره تجننن
نوف: ياليت اني رحت
فرح: مو فاضيه انتِ دوبك عند عمانك اللي يلوعون الكبد
ليلى: عيب يابنت
فرح: وانا صادقه
نوف: شسو لك هاه؟!
فرح وهي تعدل جلستها: لا والله نسيتي نسيتي شسو با ابوي ابوي مات
بسببهم بظلمهم له وانتِ معهم ووراهم
نوف: الموت من عند ربي وذا يومه
فرح: ظلمو ابوي انو بضايعه اللي يبيعها يسرقها دخل السجن ظلم وبعد ماطلعت برائته مات من قهره من خوانه يسونه فيه كذا ويسجنونه صحصحي شوي يا نوف ولا تتغيبي
ليلى دموعها على جفن عيونها وهي تذكرت محبوبها اللي تحبه وماجاء منه الا كل خير ويحبها ولا قد زعلها ولا نزل دمعه من عينها: خلاص سكرنا على الموضوع ذا من زمان
فرح: طيب تقهر بنتك ليه معهم!
ليلى: مو زينه قطع صله الرحم وانا امك وهم عرفو غلطهم واعتذرو
فرح ببكي: بعد ايش بعد ما مات بعد ماصار تحت التراب
مها ظمتها وسلمت على راسها: خلاص اهدي وانا معك بكلامك
ليلى مسحت دموعها بطرف طرحتها وبتغير الموضوع: ايه شصار معك بالمسابقه؟!
فرح وهي تمسح دموعها: حلوه
ليلى: ماقالو متى بيقولو من الفايز؟!
فرح: الا بعد كم يوم
مها: حلو يارب انه انتِ
ليلى: نجد كيفها وليه خلتيها لحالها في البيت؟!
فرح: تمام مافيها الا العافيه وهي راحت مع عمها أبو صقر لـ عند غنمهم ويمكن ينامو هِناك
ليلى: اهااا الله يسعدها ويوفقها يارب
نوف بغيره: واحنا ولابس تحبي بنت اختك وتدعي لها
ليلى: ولا يهمك يسعدكم كلكم ويوفقكم ونجد بنت اختي ومثلكم بنتي
فرح ببتسامه: احلى اخت والله.
-
بـ جهه اخرا...
بعد ما وصل اهله للبيت ونزل اغراضهم وكل واحد راح لغرفته ليريح وينام راح لغرفته رمى نفسه بأهمال على السرير وانسدح على ظهره وبدا يفكر...
يعني من جد عايشه هي واخوها بالبيت لحالهم بس كيف تحملت الوجع وفقدهم سبعه يعني مو شي هيين والله انها قويه في ذمتي
حس انه تضايق وقرر يروح لـ السطبل عند خيله نزل من الدرج بخطواته السريعه ركب سيارته ومتجه للسطبل
وقف قدام خيله وبدا يشكي له همومه على ان الخيل مايفهم عليه بس بعد مايشكي لها يرتاح شوي
ايه يا سهاج حبيت لي وحده مدري هي تحبني ولا
حبيت لي يتيمه كسرت قلبي ودخلته سهاج والله اني طحت في الحب ومالي فيه ومحد سمى علي وبدا يقول قصيده لـ سهاج
" بس المحبه لا صارت من طرف واحد
مثل الشعر لا فقد وزنه وقافيته
أخاف أقول أنِي أحبك وأكون العجول
وأخاف ما أقولها ويعيش عمري شقى
ياجعل هذا اللقى مايكون اخر لقى..."
جاء رتب على كتفه: شكلك طحت بالحب وانا ولد خالتك!
رفع راسه وناظر فيه: هو فيه احد بهل الدنيا مايحب؟!
سعد: لا والله الحب شي حلو
عساف: بس يوجع اليا جاء من طرف واحد
سعد: ياحلو قصايدك عطني بعد
عساف ببتسامت حزن: ابشر ماطلبت شي
"حب من طرف واحد لو أنه كفاني
ما كانت جروحي بصدري تناديك
و أتعب شعور يمر في كل وجدان
لا شفتهم عندي يجبون طاريك
أسكت ولا أسولف لهم عن حناني
ماودي حتى بالحكي نشترك فيك ."
سعد: صح لسانك والله
عساف: صح بدنك
-
بالبر....
جالسه قبال رعد وتبكي بحرقه وحزن وتحس مافي احد واقف معها وهو العكس تحس الكل ضدها
هو وراها: تبكين
نزلت غطوتها وبدت تمسح دموعها: لا
جلس جنبها: ذي المره ما تقدري تنفي ابداً
نجد: شسوي طيب!
صقر: لا تبكين
نجد ببكي: يقهر طيب يقهر تف عليه
صقر: انتِ اقوى منه لا تبكين
نجد: ماني قادره هو الاقوى والله فكل مره يبكيني
صقر بحزم: لا ويخسي انتِ قويه ولاتبكي واذا مو على شانك على شان أنس خليك قويه على شانه
نجد بيكي
" تعبت أكذب على نفسي أني
قويه وأقول أقدر وأنا مقدر ."
صقر: طيب بسألك وتجاوبي بصدق!
نجد: تفضل!
صقر: جزاع ايش سوا لك؟!
لفت عليه بسرعه: ماسوا شي و ايش قاعد تقول انت؟!
صقر: سمعت تقولي تبيني اتزوج واحد دخل على بنت في بيتها وقرب منها وهي مو محرم له
نجد: لا اكيد غلطان
رفع صوته: مو غلطان ابداً نجد قولي ان كانه مسوي لك شي وانا ادري انه مسوي!
نزلت راسهاا: مو مثل انت مفكر والله بس باسني من عند رقبتي
وقف بسرعه: ايش ايش سوا ابن الكلب!
وقفت قباله: صقر لا تسوي شي امانه وتفضحني
صقر: بروح اقول لبوه هل قليل الادب ليأدبه من جد وجديد
نجد بسرعان: لا كذا راح يزوجني جدي غصبن عني صدق ويقول زوجته وكيفه يسوي اللي يسويه تكفى لا لاتفضحتي والكل يعرف
صقر هو يمسح على وجهه: مين اللي يعرف؟!
نجد: بس بنات خالتي ليلي وانت لاتقول لا أحد اثق فيك
صقر: قد الثقه إن شاءالله بروح ذحين وانتِ اشكي همومك لرعد
نجد: اشكيها!
صقر: ايه انا اذا تضايقت اشكي له ورتاح شوي الحمد الله اشكيها يمكن ترتاحي انتِ بعد!
نجد ناظرت بـ رعد: ما أتوقع ابداً
صقر: حاولي ناظر بيدها الي تنزف دم خفيف ذا من ايش؟!
نجد ناظرت بيدها بستغراب وكأنها توها تشوفه: مدري يمكن يوم دفيتني لتبعدني عنك يوه شف بعد ثوبك فيه دم!
صقر بضحك: اثر جريمه يعني
اخذ شماغه وطلع السكين من جيبه وشق من شماغه ولف على كفها يلا بروح وهاه لاتنسي تشكي له بس لاتكثري بقي لي مكان
نجد ببتسامه: طيب الله يعينه علينا
لفت على رعد وجلست ورفعت غطوتها من على وجها حتى انت لحالك بس حلو عندك صقر يطلعك ويغير جوك شوي وانا عندي أنوسي استنشقت الهوى وزفرت بتعب
" وينكم ترا حالي من الشوق مهدود
مالي على فرقاكم صبر وعزايم
طول غيابكم حيييللل
الفكر لكم مشدود والشوق
سوى في عيوني علايم
وينكم ترا الاوقات في غيابكم سود
تلعب بي أشباح الهموم العظايم ."
-
كان واقف عند غنم ابوه ويتفقده
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
